|
|
02-17-2011, 08:19 AM
|
#1 | ||||||||||
|
دييييييييييييييلك منو ؟
ديلك منو ديلك منو؟ إتنين بيطلعوا من جحيم الدنيا من باب الفراغ إتنين بعيشو نعيم سنينم في عذاب الاحتراق عايشين عذاب الفرقة في أعظم عناق وأنا نفسي أعرف في تلاقيهم بيحلمو بي شنو سامقين تقول إيمان قلوب المؤمنين شاهقين كما آخر فنارات في بحار موج الحنين ساكبين رهابم للصحا خايفين إذا ما غابوا عن ريدم يلاقو إتمحى وشايلين ظلالم في هجير الناس يهاجرو وإسكنو وأنا نفسي أعرف في تلاقيهم بيحلموا بي شنو ديلك منو؟ إتنين ولا كل البشر جايين من الزمن السعيد ساكبين على الدنيا الفرح مادين خطاوي الريد بعيد وكلما نقول كمل الفرح في عيونم بيشرق يوم جديد دفتر مآسينا الزمااان بالفرحة تاني نعنونو! وأنا نفسي أعرف في تلاقيهم بيحلموا بي شنو؟ دييييلك منو ؟ يا الله ديل إنت وأنا شارقين شموس زي حبنا قايدين شموع بتبق هنا فلربما يتم المنى ولربما يدوم سعدنا وربما نعشق فرحنا وندمنو ديييلك منو ؟ محمد كرم الله هاشم
|
||||||||||
|
 |
|
|
 |
 |
 |
Linear Mode
