رأي

[عارف عبد الرحمن]

أخي منعم تحياتي .. شايف في شبه أتفاق علي حب الشعر والشعراء وبدل ان يتناول كل علي حدة لماذا لا نوحد البوست ويبقي ثابتاً ونتناول الشعراء بالتناوب كما فعلنا مع روضة الحاج ثم يكون بعدها علي واحد آخر وهكذا ويكون الاختيار للشعراء كل مرة علي واحد يختار ويتناول الآخرين ذلك ..

بصراحة أنا أوآفقك الرأي فكرة جميلة

وأيضا ممتعة

[عارف عبد الرحمن]

لك التحية أبنتنا العزيزة .. ومتعك الله بالصحة والعافية مع أنتظار المساهمات

[عبدالمنعم]

الأخ عارف تحياتي

رأيك دائماً سديد ومفيد وهذه المرة بالذات نعتبره فرض على الجميع ونرجو من كل من يزرع شتلة في هذا المنتدى أن يرعاها بالسقيا والرعاية وإضافة المحسنات والأسمدة حتى تكبر وأن تكون الرعاية مسئولية جماعية وأن نرى كل مشاركة تحتوي مئات الردود.


طيب ... الدور عليك، إقترح لينا إسم من الوزن التقيل وخلينا نبحت وراهو.. قلت شنو؟

[عارف عبد الرحمن]

لك التحية منعم .. أولا نخلينا نختار أسم أكون ثابت وبعدين ما لسه بنت الحاج معانا ولا أنت شايف كده كفاية ؟؟ المهم هم كثر ولا نعجز بمن نبدأ.. بس حقو نتفق علي الأسم وبعدين نبدأ.. وينك يا ود الخضر ما تسعفنا وبقيت ما زي زمان شايفك بقيت من ناس المتاوقة . . دي تبقي مشكلة كبيرة ..وكلنا بنجي بنرص لينا طوب ونطلع نتاوق معاك نشوف مين فنان الحفلة ..

[عوض خضر]

ابو عبدالرحمن الله يديك العافيه

الفكره رائعه جدا

وخلينا نعمل جرده للذين بحتنا وراهم قدر قدرتنا حتي الان لقد تحدثنا عن الدوش وعثمان البشري وامل دنقل ومحمود درويش ومحمد عبدالحي وهاشم صديق ويحي فضل الله وروضه الحاج واخرين ولم نوفي احدهم حقه

وذلك لان التناول غير ممنهج اي لايتخذ مسارا بعينه يعني ماذا نريد ان نوضح فيمايخص الشاعر او الكاتب المعني نحن نبدا في طرح قصائد الشاعر بشكل غزير دون الغوص فيها ثم بعد ذلك نبدا في سرد سيرته الذاتيه

ولكننا نحتاج لطرح متخصص اكثر

من كم يوم امارس المتاوقه فعلا ولكني الان عدت ودونك عبدالحليم وبين وبينك الواحد ادمن مطالعة كتاباتكم فلا فكاك مهما كانت المشاغل

[عارف عبد الرحمن]

لك التحية أخي عوض .. وما قلته هو عين الحقيقة .. المفروض تناول الشاعر من كل الجونب بالدراسة علي قدر الأمكانيات .. فكلنا لسنا من المتخصصين في مثل هذه المجال .. بس ممكن من خلال تذوقنا نستطيع أن نساهم برأي ولو متواضع .. حتي نجعل من الموضوع ذا فائدة .. وهذا حسب القدرة وفهمنا .. ولك الشكر أخي عوض .. طيب بالمرة ما تختار أسم للحكاية دي ..ما رأيك في أسم رحيق سوداني ؟؟؟علي وزن عسل سوداني .. وشوف أسم

[عوض خضر]

رحيق سوداني اسم جميل لكننا نضيق النطاق هنا ونستثني من هم ليسوا من بني جلدتنا

مارأيك في رحيق القوافي اورحيق الكلمات ساعتها يكون المعني أشمل

[عارف عبد الرحمن]

ما قلته هو الصحيح نعم أذا حددنا نضيق الفرصة وأظن ان رحيق الكلمات أو المعاني هو الأجمل والأشمل حتي نتوسع في المشاركة

[عبدالمنعم]

الإخوة عارف وعوض
بعض مشاركات الثلاثاء وكل مشاركات الأربعاء ( طاف عليها طائف من ربك وهم نائمون) فلنبدأ من جديد مع (سحر القوافي)
ويظهر إنو عبده إندرش إندراشة شديده يوم أمس كان الله في عونه نرجو أن يطمنا ويشرح لنا الحاصل