|
10-06-2010, 04:15 PM | #1 | ||||||||||
|
سديس يادرفه
سلام من الله عليكم العنوان اعلاه ربما يكون غريبا علي اذننا وربما يكون مالوفا هههههههه سديس يادرفه معناها دسيس يافرده وتعني جميل ياصاحبي اي ان فرده صاحب ودسيس كلمه معناها حاضر او جميل مادعاني لان اكتب عن الشماسه ارباب هذه اللغه الغريبه والتي اطلقو عليها اسم الراندوق لانو بالجد الموضوع مهم ولكن قبل ان احكي لكم قصتي مع الشماسه او اولاد سلس اخليكم مع بعض المصطلحات التي يتداولونها وهي منقوله من احد المنتديات تلك الشريحة التى تمثل جزء من المجتمع لايستهان به والتى نتجت من افرازات مجتمعية مختلفة نجد اعدادهم فى تزايد يسكنون الشوارع ويتوسودون الحجارة ويلتحفون العراة طعامهم من بقايا النفايات شرابهم من اسن المياه ترعاهم الرعايه الالهية هل وقفنا يوما مع انفسنا ونحن نشاهد طفل لايزيد عمره عن الخمس سنوات يحمل حقيبة الاورنيش ويتجول بين الاسواق كيف وصل الى هنا ماذا تناول هل له بيت ياويه او اسرة تحميه غالبيتهم ينامو فى الخيران مختلف الاعمار والغريب فى الامر نجدهم يعيشون الحياة القبلية والانتماء وقد اطلق عليهم المجتمع العديد من الاسماء المشردين ، ابناء سلس ، الشماشة ،اولاد الشوارع وايضا نجد مثل مالديهم حياتهم الخاصة لغتهم الخاصة التى يطلق عليها الراندوك ونجد الكثير من المصطلحات اصبحت متداوله فى اوساطنا وهى لغة كاملة نلغى الضؤ على بعض منها: فرده:كلمة فردة دي اول من استعملها هم ناس الشوارع وسرعان ما انتشرت في المجتمع ولها عدةمعانى الصديق او الزميل . جلك: جلك او الجلكين تطلق على الأب حمرا وزرقا : (حمرا يقصد بها فئة الخمسة الف بالقديم وذلك للونها الاحمر والزرقا لارتباطها باللون الازرق او الداكن وهى العشرة سلفادور: سلفيه أو دين (جيب زرقا سلفادور لي بكره) عاشه الفلاتية: (غالباً ما تطلق للعشاء) ** أسمع يا فردة عاشه الفلاتية وين ؟؟؟ الغدمبلية ويقصد بها الغداء الهواء ضربك ويقصد بها انك اصبحت لا شئ الحنك ويقصد به الكلام الرصة ويقصد بها البرنامج ظابط ويقصد بها تمام او مية مية نفاخ ويقصد بها بتاع بوبار بطنو غريقة ويقصد بها غتيت مرطب يقصد بها مرتاح فنان ويقصد بها كذاب الحاجة ويقصد بها البنت السمينة: الجيب الكبير الملئ بالنقود.. أفقع: الفقع تؤدي لمعنى السرقة (أفقع السمينة) الغاش الكاش النقود اللوكا الاكل سواء فطور/ غدا / عشا (كُبْ الحَبْ) كب: بضم الكاف وتسكين الباء. تأخذ معني أعطني أو هات.. الحب: بفتح الحاء وتسكين الباء تقال هذه المفردة باتفاق على التسالي المعلوم. مثلاً:- كُبْ الحَبْ يافرده.. كسير تلج. تقال عادة للشخص الذي يدافع عن شخص لمصلحة منه غالباً ما يكون (المُدافع عنه) متحسن مادياً أو صاحب مكانة مرموقة... حديدة: بقصد بها (العربة) أو السيارة أو الموتر أحيانا.. عندك حديدة سنينة أي عربية ممتازة.. جامدة: أحياناً يقال (جامد) أو جامدة.. فالمعنى في الحالتين واحد ... كرت كرتونة يقصد بها الشئ الجديد غمران يقصد بها الزول الماجايب خبر شئ شركة ويقصد بها الشئ المميز ماشة معاك ويقصد بها الدنيا مريحاك ايامك طحنية ويقصد بها انك مرتاح شديد سايقها بالنية ويقصد بها زول مرزق بقت او كحلت ليك ويقصد بها عاينت ليك كسرت ليهو يقصد بها قسمت ليهو حرقتو يقصد بها بعتو مدور او خاشى يقصد بها سكران تفتيحة وتعنى الزول الفاهم كل شى وسريع الفهم ولاتخفى عليه خافية جلك بضم( الجيم واللام) تعنى الاب او الوالد يادرفة او يا فردة وسيلة للمناداة وبالذات بين الاصدقاء القريبين من بعضهم (جكس ) جمع ( جكسوية ) وتعنى الفتاة او الشابة او فى رواية اخرى الحبيبة الجوكي هو سائق الركشة الاربعة هو الجوكي ذو المهارات التعبانة في السواقة كب الزوغة اي اتجارخ وهي من اتخارج او ابتعد عن المكان جلدة وتعني الرجل شديد البخل اتفكفكْ (يعني اتخارج أو أمشي) مثال :- نتفكفك يا فردة.. جَكِّكْ (بتشديد الكاف الأولى مع الكسر) أي أجلس وأقعد عكس كلمة اتفكفك. مثلاً:- جكك هنا نفت الشمار .. نفتْ نتحدث أو نتسامر.. الشمار كلمة معلومة لكل سوداني/ بمعنى الخبر أو الأخبار / مثلاً: الحاجة دي جنها شمارات.. الماسورة يقصد بها الشرة ويقال فى اللغة مسكتو ماسورة اى شريتو الرابعه وهى من ضمن المعنى الاول اى اديتو الرابعه اى شريتو مركب كرونة كلب يقصد بها الزول الجراى جرار ويقصد بها نشال جنترة ويقصد بها مجنون ومنها ايضا حاتى فيوس ضارب لمبة فاضى سطر خندقة ويقصد بها مكان القعده الخفية سواق ويقصد بها كلامو كتير ومنها ايضا براى ومعاط راقد ستيتة ويقصد بها زول منتهى داسو ويقصد بها اكل قريشاتو بلك طافى يعنى زوول ما بيتفع حق حجر الشيشه بلك حى يعنى زول بيتفع طبى بيشرب باقى الزول شراره زول بيدفع ورق كبار وبخلى الباقى ويمشى وهذا حوار بين اتنين شماسة بلغة الراندوك قال احدهم ((تعرفي انا من زمااااااااااااان عامل ليك فيصل العجب وكنت داير اعمل محمود الخطيب بس كنت خايفك تعملي لي الجزيرة ابا عشان كدة عملت حمد لبد )) وقال اخر يقال شتتنا اي انبرمنا اي فرتقنا ويقال ايضا اتحلس فلان اي فط سطر او حلج صامولة ويقال ايضا اتلحسن حاجة فلانة.. اي انترمت اي دقت تاشيرة خروج .. خمس لي اي اعطني شئ بسيط، يفكوك عكس الهواء اي يرفضوك. قالت الفنانة الهابطة: دا كلو من جدو جدو الله يقدو والقدة هو مثل لشخص كثير الكلام يقولوا فلان قدة ولصقة وصمغ، ويقولوا فلانة شرط او شدة وغسيل عدة اى فتاة جميلة جداً.. وفلان كج وعارض اى رجل يجلب الحظ السيئ، وفلان بلفان ومقحط، اي شخص بلا نقود. والفلوس هى الشرتيت أو الفلة أو الكنجالات او الضحاكات او التشديرة، وكلها تعني القروش. ويقولو فلان دا حمام اي زول ضعيف الشخصية، عكسها فلان دا اصلي ومعلم واسطا وكده. . والسكسكة والجبجة و الحتحتة جدع الاستايل، كلها أنواع من رقصات الحفلات، وفلان صبن الكيس تعني خبأه ودساه، وفلان دقس واتلحس، اى خدعوه واكلوا حقوا.. وفلان عمل وهمة في شكل قلبة اى فلان اخترع شيئاً جديداً غير مألوف. . فلان مستنكح اى زول يغش الناس. والقطع الناشف تعني الرفض والممانعة. وعصلج تعني رفض الامتثال. وفلان عملوا ليه شرحبيل اى شروه، أى لم يأتوه في المواعيد وعملوا منه زغبير، اى زاغوا منو. والبلف تعني الكمساري. وكلمة دفار تطلق على الدامة أي المرأة السمينة، والركشة على الضعيفة. والمرأة تسمى عندهم الحنان والحاجة والبتاعة.. وفلان هرشناه وكحلناه عروض، اى خوفناه وارهبناه. جضم الشئ اى اجاده واتقنه، و الفطور عندهم اسمه... فاطمة الحاج والعشاء .. هو عشمانة. وسيرة العرس هى سيراليون. والحفلة هى طربانة او التربيزة. وجرَّ نور أى نظر لمدة طويلة. زول ما ناقش مسطح أي اهبل. وفلان مجنتر او فاطي سطر او مولع، تعني ليس في كامل قواه العقلية. والصعوط هو الموبايل، وفلان متكل في ترطيبة متشرشح أى مرتاح. فلان كسح وفتح وقد سلك رقد صوف، تعني كلها الهروب. البابور .... بت سمينة الدامة........ الحنان مسكول......سفه( هدية لي رونالدو ) جصلعه ....... صلعه تم تم ........ حفلة البت عاملــه خوجلى عثمان.......... يعنى خجلانه فلان قدم عصام محمد نور...... يعنى أعتذارات وكــدا الــبـــنديــه او العــذاب او الداموكـ..... للجكسويه شــــبشه....... للبت الشيــــنه ولمن تكون عاملة فيها تقيلة بقولو عايها عبد العظيم تقليه اها يا حبة الزول الفراشة : تطلق على الولد الخفيف يعنى لو اتكلمت معاه اي بت بتكسر فيها الماسورة : الشخص الذي يجيد الزوغانات الكافتريا : يعني لو عملتا كفتريا لاخوك الصغير بمعنى الصفعة أعمل لي زيدان إبراهيم : يعني مثلا لما تشتري من بتاع اللبن وتقول ليه زيد شوية رجلة صاح : ممتلأة الرجلين خاصة فوق القدم مباشرة زول حقنة : بمعنى يتدخل فيما لا يعنيه ويذهب مع اشخاص لا يرغبونه نتفكفك : بمعنى نمشي طيارة : بمعنى الشخص الذي ليس لديه سكن ولافى على رجلو.. زول هبوب.. يعنى فارغ |
||||||||||
10-06-2010, 04:59 PM | #2 | ||||||
زائر
|
شكلها ماشة معاك باسطة ما في زيدان ابراهيم على العموم شكر الله خلف الله |
||||||
|
|
|