|
06-01-2010, 10:00 PM | #1 | ||||||
زائر
|
نكات علي الماشى
رباطابي جاهو شايقي من السفر قال ليه ارح وريني قبر امي لرباطابي مشى معاهو المقابر وقال للشايقي اها ده قبر امك الشايقي قال ليه حددو لي بالضبط ياخي ده ولا ده؟؟ الرباطابي قال ليه يا زول شيل فاتحتك ساي ..اصلك انت داير تديها مصاريف؟؟ *** رباطابي لابس جزمة قديمة أصابعينو الخمسة مارقين بره. مشى لبتاع ورنيش مد ليهو كراعو.بتاع الورنيش قال ليهو: أورنش ليك؟ قال ليه : لا لا.. طقطقم لي!! *** رباطابي جزار جاو واحد قال ليهو عايز راس نيفة بس صلحو كويس قال ليه اصلحو كيف يعني البسو نضارة؟ *** رباطابى عمل شكله بالليل واتفلق ابوهو وداهو للدكتور والدكتور كان طالع عاين للولد لقا الجرح كبير قال لي ابوهو ولدك دا كان تجيبو بدري ابو الولد قال ليهو بدرى كيف يعنى كان اجيبو ليك قبل يفلقو ؟ *** رباطابى نزل ضيف عند جماعة وكان عندهم تيس فى الزريبة جنب الصالون عنده نزلة الليل كله يعطس...الصباح بدرى سيد البيت جا وسال الرباطابى" ان شاء الله نمت كويس؟؟ الرباطابى قال ليه انوم بى وين لى تيسك ده التقول مكوجى مقابل العيد *** حاجة جات للدكتور الرباطابي في المركز الصحي وقالت ليهو دايراك تحولني المستشفى عشان هناك بكشفو علي بالسماعة . قال ليها نان الشايفاها مدروعة في رقبتي دي قايلاها نبلة؟؟ *** ببغاء كل يوم بطلع في القبة الخضراء ويقعد ينبذ في الحكومة .. ناس الامن تابعوا الببغاء لمن وصلوا البيت.. دقوا الباب ..جا صاحب البيت لقى عربات الشرطة قدامو ..قاموا سألوهو الببغاء ده حقك؟؟ قال ليهم ايوه بس انا وهو مختلفين سياسياً *** مدرسة بنات في بورتسودان طلعو مظاهرات وجو ناس الاحتياطي ورفعو معظم البنات في الكومر ادروب عجبتو واحدة من البنات وقال لازم يركب معاهم جا جنب العسكري وقعد يكورك يعيش الحزب الشيوعي السوداني عاش كفاح الطبقة العاملة العسكري مشلخ شايقي دفر ادروب بعيد وقال ليه يا زول امشي بعيد والله لو بقيت لينين ما بتركب. *** شايقي عريس اشترى ليه تور من رباطابي وكت وصل البيت الجماعة قالوا ليه التور دا ما بعرس ليك لأنو أضانو مقطوعة... طوالي رجع للرباطابي قال ليه تورك دا قالوا ما بينفع للعرس لانو اضانو مقطوعة . الرباطابي قال ليه: ليييه ما بينفع إنت داير تضبحو لي عرس ولا داير تشغلوا في محل اتصالات ؟؟ *** واحد هو ومرتو كسلانين جداً جداً وهم راقدين عايزين ينوموا قام الراجل اتثاءب مرتو قالت ليه ما دام فتحت خشمك كورك للولد يجيب لي موية.. *** مسطول سرق ليهو كفن من المقابر ومشى يبيعو . قام سأل من سعرو فقالوا ليهو والله بالميت كده بجيب ليك 30 ألف رجع جاب الجنازة معاهو. ** عمدة الصعايدة قرر يثبت للشعب المصري ان الصعايدة مش أغبياء .. قام عمل إجتماع وجمع فيه كل الصعايدة بحضور الشعب المصري وقال لهم : راح اسألكوا سؤالين .... السؤال الأول : مين اللي فاز بمعركة بدر ؟ المسلمين ولا المشركين ؟ جاوبوه : المسلمين انبسط وقال لهم : شايفين انكم مش اغبياء .... السؤال الثاني : مين فاز بمباراة امبارح ؟ البرازيل أو الأرجنتين ؟ جاوبوه : البرازيل إنبسط كتير لإنهم طلعوا أذكياء وما سوَدو ..وجهه امام الشعب المصري فلما قام علشان يروح .. وقف واحد من الصعايدة وقال : معلش يا عمدة ، سؤال لو سمحت .. يعني دلوقتي البرازيل والمسلمين راح يلعبوا على النهائي ؟ *** إبليس لقوهو في المطار ومعاهو اولادو مسافرين . سألوهو ماشي وين يا ابليس ؟ قال : ياخ البلد دي زهجتنا الواحد توسوس ليه اسرق انهب كضب احتال على الناس ، ولمن يبقى غني ومقرش يقعد ورا مكتبو ومعلق وراه في الحيطة لوحة كاتب فيها بين قوسين هذا من فضل ربي . *** |
||||||
06-02-2010, 05:00 AM | #2 | ||||||||
مشرف قسم العلوم والتكنلوجيا
|
ههههههههههههههههههههههههه ههههههههههههههههههههههههه ههه ههههههههههههههههههههههههه ههههههههههههههههههههههههه ه |
||||||||
|
|
|