البُطان ما هو البُطان ولماذا ظهر؟؟؟؟؟؟؟؟

[صادق محمد عوض]

دقت الدلوكة
قلنا الدنيا ما زالت بخير
أهو ناس تعرس وتنبسط
تككت سروالي الطويل
سويتلو رقعات في الوسط
في خشمي عضيت القميص
أجري وأزبد شوق وأنط
لامن وصلت الحفلة زاحمت الخلق
وركزت
شان البت سعاد
أصلي عارف جنها في زول بيركز وينستر
لكني عارف إنها
كلو زول بالسترة إنجلد
ياني الأزاها وجنها
برضي عارف أظنها
تحت تحت بتحبني
ديمة في صرة وشيها
يلفحني شوق نافر لبد
وركزت للحرقة المشت فوق الضلوع
تحت الجلد
تحت الجلد

عمر الطيب الدوش.....