سِفرْ النزيف

[Amhar]

[grade="ff7f50 ff6347 008000 32cd32"]سفر النزيف

كانت .. مدائن خاطري ..
كانوا .. ثقوب الجبة الزرقاء
كنا .. إذا حمي الوطيس واحمرت الأحداق
ننقش اسمها في الريح تنجلي الكرب
صارت .. زقاقات ماتوديك إلا لآخر الزقاق
صاروا .. حكامه يضربوا دلاليك الودار ينفخوا مزامير الهواء
صرنا.. تواريب لي شجر خايف يشوف لون الشمس
أيـا وطناً رسمت على حواشيه حروف اللعنة السوداء والنغم الكريه
عنعن كلامك كي يقول الناس أنك صاحبي
وألحس لسانك وانتبه لمصائبي
وافتح قوس (وشوف أي كلمة تناسب الحال المحال شولة
وأبصم بأصبعي لو معاك
ما أي أصبع في البلد أصبح يشابه الزيو من كتر الضياع وهم النهارات النحاسي
أقفل القوس)
ينقفل شارع حواسك وينفتح شارع حواسي
ويعلم الله أني لم أقل كذباً
لكن أسوي شنو مادام بقت في الروح
أأحتسيها وأنسى ما أكابده
لكن طواقي الهم مني وين بتروح
وطق ينكسر عود الحقيقة يتنحنح البحر انتظار
نفس الشوارع مريت بيها قبال يومي ده
وكان بيناتنا مايكل أنجلو
لوممبا يشرب في حليب
لوركا استعار مركوبو من إسكافي وكان طالبنو في القسم القريب
دافنشي والموناليزا في كافتريا يبكو علي بعض
وأنا أصلي قرب بائعة التسالي
في الركعة الخمسون من سفر النزيف
اللحظة الهيفاء مرت من أمامي
وأبطلت كل الصلاة
وطن .. بقامة سلحفاة
وطن .. ولكن النساء
وطن .. قسمنا الفرح كاسات غلبنا نتمو
بوليس السواري هجمنا أدخلو على البيوت أتلمو
محمّد كرم [/grade]

محمد كرم