|
04-09-2012, 06:18 AM | #1 | ||||||
زائر
|
القمح الماسورة
خلفيتي الاسرية لاعلاقة لها بالزراعة ولا اعلم في شان الزراعة الكثير الا القليل بسبب احتكاكي بحواشة عمنا ابراهيم علي يوسف ( الخليل ) الذي كنا ونحن صغار نذهب وصديقي قلاب لحش التقانت او ابوعشرين او رقاعة او زراعة فول او ما شابة ذلك حتي حدثتني نفسي ان ازرع هذة السنة قمح نتيجة لمخاطرة القليلة وكما قيل لو فشل بجيب حقوا فتوكلت علي الحي القيوم وضربت الارض دكسي وهاك يا حرات وجبنا التواريب وعمنا اللازم حتي اخرجت الارض زخرفها واستبشرنا خيرا بة وبقيت احلم في الاحلام الوردية باني امتلك شقة في الرياض ومره ليلي علوي ومره اعمل جمعية خيرية . حتي جاء الحصاد في الايام القليلة الماضية واذ بي اخسر نصف المبلغ الذي دفعتة واصابتي الحسرة ودخلني الياس واظلمت الدنيا في عيني وتسرب الحلم من بين يدي وفشل الموسم الزراعي . ومن هنا اناشد كل من في قلبة ضمير او حنية ان يساهم في التقليل من اثار الخسارة التي تعرضت اليها واقترح بعمل صندوق صغير سقفة خمسة الف جنية فقط تحول لي في السودان باسمي ولا انسي اخوات مهيرة بت عبود فليخرجن من حليهن وغوايشهن وكلوا ان شاء الله ابرد علي شوية . وقدموا السبت عشان تلقوا الاحد . |
||||||
04-09-2012, 06:50 AM | #2 | ||
الجاتك في مالك سامحتك لكن ما قلت لينا....سبب الفشل شنو الصقط ما جا...ولا الارض فترت.....ولا الموية....حرنت ولا يدك...ناشفة.... الزراعة دي كان ما لقت ليها سبب ما بتخزل صاحبا ..... صندوق كان مرقق السنة دي السنة الجاي ...بتزرعا شنو.....عدس
|
|||
04-09-2012, 08:37 AM | #3 | ||||||||||
|
زمان لما كنا صغار ــ وفينا العنيد ــ لما تزرع في البيت حاجة شجرة ولا زهيرات .. بقولوا ليك ما بتنجح عشان رأسك قوي .. وسبحان الله كلامهم بكون صاح وتفشل حتي الشجيرة .. عشان كده ياخوي ياسر أنت رأسك ناشف وقوي .. لذا فشلت زراعتك وبالتالي الحلم الكبير .. ياخي جرب أزرع خروع .. مافي زول زرعه .. وأعمل ليك عصارة وبيع الزيت .. الناس غير الدكوة والفول ماقاعدة تأكل حاجة وكاتلها الأمساك وزيت الخروع بساعد في فك الموضوع ده وكمان في أزالة الدبس ووجع الرقبة والركب وبدايات الشيخوخة وكمية من امراض المناطق الحارة ــ عشان عبده ما أنط لي وأقول الكلام ما صحيح ـ يعني المناطق الحاااااارة بس .. والكلام ده زول عارفو مافي .. تقوم تعمل المشروع ده وبأذن الله ناجح ومربح .. بس حقنا ما تنساه وتعمل نايم !!
|
||||||||||
04-09-2012, 10:26 AM | #4 | ||||||
زائر
|
الله يجازي محنك يا عارف جبتها من وين دي الزول الراسو ناشف ما بتنجح زراعتو اكيد في اسباب موضوعية من الزكرا اخونا عبدو بعدين يا ياسر الجاتك في قمحك سامحتك وتاني ما تدقس خلي العيش لي خبازو غايتو موضوعك خلانا نعرف فوائد الخروع .... الله يعوضك يا خوي البلد كلها مواسير وماسورتك جات خفيفة |
||||||
04-09-2012, 11:52 AM | #5 | |||||||
زائر
|
Quote:
عارف عبدالرحمن ياخي جرب أزرع خروع .. مافي زول زرعه .. وأعمل ليك عصارة وبيع الزيت .. قلت اعملي خروع ياخي دايرني اطلع اخر المطاف مجنوب الناس تشيل حالي ودنورين : الله يعوضك يا خوي البلد كلها مواسير وماسورتك جات خفيفة الشي رقعة ساكت مافي ان شاء الله شوال فتريت قبلانين الناس نست موضوع الكشف لية ماعارف احتمال في سخانة في الجيب غايتو لو شوالات قطن مافي عوجة ان شاء الله نعملها مخدات ولحافات بس ابقوا مارقين |
|||||||
04-09-2012, 04:30 PM | #6 | ||||||
زائر
|
والله يا خووي ياسر الحصل ما برضي , وما كل مرة تنجح شجرتك البركة في شجرة تور شادلي شلت بيو الكاس.... وتعال جاي يا حليل الدهيبات ويا حلييل التكشكش ما خلاص بح بح ولا حبة خلينا مع ناس الصندوق امكن تلقى ليك قرشين , و العترة بتصلح المشي يا ود مهدي ولا همك شي كلو بتعوض قول انشاءالله ....... |
||||||
04-09-2012, 06:33 PM | #7 | ||||||
زائر
|
اخونا ياسر الله اديك العافيه واعوضك وعاديه وياها حال الزراعه فيها الاجر بس السنه دى حضرت الحصاد بتاع القمح الانتاجيه كعبه شديد احسن فدان فى نمرتنا جاب 10 جولات والباقى 5 و7 و2 نحن يومين راجين الدقاقه نقوم من الصباح اقولو مشت الجنابيه ننتظر والما ما تجى نمش بكره وبعد التعب ده كلو زى الخشيت صندوق وصرفتك الرابعه ( الاسباب كثيرة واضحه الارض مجهده والتواريب ما محسنه وطريقة الرش متاخره والتوقيت سئ وعدم استخدام المرطب والملح بكميه مطلوبه) |
||||||
|
|
|