قصيدة هناى للرايع هناى

قصيدة هناي ،،، للرائع / %$ محمود الجيلي $%



يوم الهناي الفات
مرّت علينا سنين
الليلة عيدو هناي
وأمس الجميع طايفين
من غيرو كنت هناي
كان قلبي ديمة حزين
كان دمعي مني هناي
والناس تقول مسكين

يوم ما لقيتو هناي
قاعد معاو وحدين
قت ليهو إنو هناي
وين إنتو ما ظاهرين
كان قاعدة جمبو هناي
ردّت علي قاعدين
وقعدّت مما هناي
قاعد قريب ساعتين

سافرت لما هناي
عديت هناك يومين
ورجعت يوم ما هناي
لاقيتو بين إتنين
قت ليهو والله هناي
والله مشتاقين
ضحك الغزال وهناي
كانت ردودو طنين
كت حاسي برضو هناي
شايلني في العينين
بس كيف أقولو هناي
والريدة مني تبين
وعيوني فيها هناي
لكن لساني تقيل
الله العليم بهناي
خليهو قلبو يلين
ويديني منو هناي
وأديهو قلبي أمين

يوم بس بدون ما هناي
قت ليهو ريدي دفين
الله إستجاب لي هناي
وأصبحنا متحابين
ظاهر عيان وهناي
خلاص أضحى لي قرين
فضل العزول وهناي
بي حرقتم زايدين
زاد بي هناهو هَناي
ومسحنا كل أنين
عيدك وعيدي هناي
في دمي يجري سنين
كل عام وإنت هناي
والدنيا ليك ياسمين
كل عام وإنت هَناي
والدنيا ليك ياسمين

[عبده مصطفي إبراهيم]

هناية رهيبة يا هناي
كتر من الهنايات الزيها

[عبدالملك مصطفى]

قصيدة هناي ( روعة ) وكلمة هناي من الكلمات الحصرية فقط على السودانيين ومستحيل تتلقي في أي دولة تانية غيره حتى دولة هناي دي ياخ إسمها شنو دي جنوب السودان لما إنفصلت شالت معاها كلمتها المرادفة ليها كلمة هناي ديك شنو ياخي قولوا معاي ( شوغل دي) وبرضو من الكلمات المرادفة ليها بنلقى كلمة عند اهلنا في بعض مناطق السودان ( داهي )