ندره

ندره قصيده للشاعره الرائعه كروعة كلماتها داليا الياس لك التحيه داليا اينما كنت فانا احدي معجبيك وقرائك الكثر واليكم القصيده واتمني ان تنال استحسانكم:
ندره (بضم النون)
يازول من مافي
زول من فوق
زول تبريكة ركعه وسجده
وزول تعريشة حكمه وذوق
زول ابداع الخالق ورحمه
وزول اسطورة فتنه وشوق
زول من فوق
من الروعه براو مخلوق
يازول من مافي
تغيب وتوافي سفن ومرافئ
مواسم لوعه وعشق خرافي
امام الهيبه تحار اوصافي
وعارفك حالم وعارفك صافي
وبرضو وحاتك
رغم سهادي ورغم عنادك
انا متأكد زيك مافي
يانجمة عمري ومولد فجري
انا بقراك في نص مكتوب بالحبر السري
تزيد اشواقي وتشعل جمري
تغير رائي وتملك امري
وشايلك لوعه وسر في صدري
وزي مفتون انا بي انسانك
وزي مدسوس في خاطري وفكري
بتدخل بين انفاسي وعطري
وتمرق في اشعاري وسطري
يازول في الخاطر غيمه ونار
زول تتوهج نور وشرار
تناقض وفوضي كما الاعصار
تفيض احيانا بالتحنان
ومره مكابر او جبار
انا فيك محتار
يازول ماليني وزول راويني
زول تلغيني.. تعيد تكويني
في قالب معني وقالب فرحه
زول زي نفحه
بسمه عريضه
وروح منشرحه
طفل كبير ورجولتك سمحه
برسل ليك مع الاسحار ورود وقصيد
واطلع ليك مع الدعوات معبا هواي في قلبي نشيد
وباقي الريد الرافض يدخل باب اشعاري بشيلو في ايد
واترجاك كما الاقمار
كما الاطفال تترجي العيد
وعارف انك سعد ايامي
وفرحة عمري اكيد
يازول من مافي
زول من نشوه
تطلع نخلة كيفي مزاج
وتفتح غرف الخاطر قهوه
زول تديني المعني الاسمي للغز الروح
وتنفث فيني عبير ازهارك
وكل غناوي بلابل الدوح
زول تطرحني سؤال وتجاوب
وتعرف كيف في الموج الضارب
رغم الريح للحزن تحارب
زول زي شمعه
تحاجي الليل بالضئ واللمعه
وتغني عيوني عن الاشباح
تزرع دربي شتول افراح
بيك اداوي كل جراح
وارجع ماضي سنيني الراح

[عبده مصطفي إبراهيم]

وباقي الريد الرافض يدخل باب اشعاري بشيلو في ايد

..........
جمالية...لا تحدها حدود...ما داير يخلي حتراب ريد وراه
قصيده مليانة
روعة فعلا
الله يديك العافية
وعيدتي بينا قبل العيد بإنتقائك للجميل