|
03-22-2011, 06:05 AM | #1 | ||||||||||
|
الهرووووب للامام
الواقع في القرية هو واقع السودان ككل الماسك مكنكش مابفك واهلي واهلك ماتديك الدرب وكان داير عشرين مثال انا بديك لكن انا نزلت عند راي الاستاذ مامون عبد الله النور بان لانتناقش في المنتدي في امر القريه في المواضيع الفيها اختلاف لانو المنتدي بقراهو الغاشي والماشي ونحنا ماديرين ننشر غسيل الحله مع احترامي الكبير للاخ يوسف وياسر النقاش بتاع الصلاه مقبوله ولا مامقبولة بدخلنا في جدال فقهي كبير ( راجع كتاب المغني لابن قدامة المقدسي-مدونة الفقه المالكي لدكتور صادق عبد الرحمن الغرياني) حتي يكون النقاش محصور فيما يفيد في المستقبل نرجو ان يتقبل الله من الجميع ، نريد من ياسر ويوسف تقديم مقترحات للحل من الوضع الراهن وانا بصراحة موضوع الجامع دا بالذات بسببو اعتزلت العمل العام بالقرية منذ سنة تقريبا وختاما اتمني ان ننتقل في القريه من عمران المباني الي عمران المعاني حتي لايكون هدفنا ان نبني فقط فقد تم بناء المسجد ولكن ..............والان تم بنا ء المدرسة الثانوية للبنين وجزي الله القائمين علي المشروع وعلي راسهم العم علي التيجاني خيرا ومعه اخرين لايسع المجال لذكرهم ولكن ماذا عن مستوي الطلاب فطلاب فطيس في الخمس اعوام الاخيره بالذات بنسبة 90% دخلوا دبلومات او كليات نظرية عموما دا الواقع الذي نهرب منه الي عالم السياسة فيلاقينا ابو عبد الرحمن بمقص انو السياسين سيطرو علي المنتدي هنالك مواقع سياسية كثيره نعبر فيها عن اراءنا يابو عبد الرحمن ولكنه الهروب للامام |
||||||||||
03-23-2011, 11:29 AM | #2 | ||||||
زائر
|
سلامات ياحبيب. انا غايتو دى اول لى مشاركة فى منتدى الحبيبة فطيس، بالجد الواحد بيحمد ربنا انو جمع الناس دى بعد شتات بفعل الظروف الخاصة بكل فرد فى فضاءات الاسفير العريض. يامصطفى انت عارف لاسباب متعدده الواحد بقى بعيد شوية من الحله لكن البنسمعوا عن مشاكل وخلافات الحلة بالذات فى مسالة مسجدكم دة والله حاجة تحير ياخ لكن برضو كما اسلف الاخ مامون مافى داعى لى شر الغسيل الغذر فى الهواء الطلق؛ المشاكل دى دايرة الناس تقعد بفهم بعيدا عن شلتى وشلتك وناسى وناسك وتصل لى حل مرضى لكل الناس، مع انو انا راى الشخصى كزول كنت قاعد ومولود فى فطيس من رايك الانا عارفوا سلفا، لكن الحل داير الناس تكون متفقة وطولة بال وعمل جاد من الشباب من غير ما الناس تفقد احترامها ومعزتها لبعض لانو الامر فى النهاية ما حاجة شخصية بتعود على فرد واحد الامر امر عام. والواحد بتمنى يشوف او يسمع عن فطيس وهى فى احسن مايكون. |
||||||
03-24-2011, 11:25 AM | #3 | ||
التحية لك مصطفي...........ومرحب بالأخ أبوعبيدة وكلامكم سمح بالحيل........ولكن مناقشة إمور القرية لا يعني كشف حالها ولكنها الطريقة المثلي للتعرف علي أراء الناس في إمور تهمهم........وهذا لا يمنع أن يجلس الناس المعنية بالأمر وبحثه والوصول الي الحلول الوسطي النقاش هنا مهما كان فإنه يتمتع بالشفافية.....وحرية التعبير التي قد تقل عندما تكون هناك مواجهات وعندما تختفي بعض القيود يبتدع الإنسان في الإقتراحات........التي يمكن لملمتها لتساعد في وضع الرؤيه المناسبة للحلول
|
|||
|
|
|