البفقد الناس بفقدو

[مأمون عبد الله النور]

سلام أخوانا العزاز
أولا : والله الإعتذار الكثير بقى ماعنده معني -وكلنا مشغولين علشان كده ماعايز أقول مشغول أكثر من اللازم
لكن أفتقدنا الجميع :
بس في زول كان كلامي صحي صحي أنا لي كم يوم ما قريت ليه حاجة إن شاء الله المانع خير فهو ريحانة المنتدى وشذاها (الأخ العزيز عبد المنعم -سيد العسل)
ياجماعة الزول ده وين -أتروه لينا
تاني حاجة في ناس كتار والله أنا كان أضعف الإيمان أدخل أقرأ المشاركات وبحس بالمتعة لأنه جدولنا في المحاضرات صار مزدحم (والله العظيم )
يعني لو لا محاولات عوض خضر -راس حربة المنتدى الحر كان ضعنا -ولو لا مجازفات أخونا الصادق حرش أيضاً
فعاطف نائم نوم العافية
ومحمد إبراهيم ما ياهو الزمان داك
وعصام بقى زول تعليقات بس
ود الشايب غاب وجاب
وفاء كذلك
عارف من هناك وهناك مرات بجادع
والبقية مكتفية بالتعليق وأنا منهم

لكن في النهاية شوفوا لينا عبد المنعم ده وين وبعدين بنتحاسب
فتكم بعافية

[عارف عبد الرحمن]

والله معاك حق الجنا أكون مشي وين .. أنت عارف أكون أندل البلد ياربي ولا شنو .. ؟ أكيد برجع ومليان بالجميل كما عودنا .. لك التحية أخونا منعم ..

[عوض خضر]

استاذ مامون الله يديك العافيه

سؤالك في محلو لو لحدي بكره ماظهر حانتصل بيهو انشاء الله

ان شاء الله تكون استراحة محارب ويعود بما لذ وطاب

في انتظار اطلالتك المترعة

[عبدالمنعم]

الإخوة حقيقةً.. قولاً وفعلاً مامون ، عارف، عوض، عاطف وبقية الإخوة الأعضاء كتّر خيركم وبارك الله فيكم ونسأل الله أن يديم اللمة عبر الأثير ونسأله أن تتحقق اللمة الفعلية من جديد كما كانت.
غيبتني عنكم شركات الإتصالات لإنقطاع الإنترنت في البداية ثم ضعفها الشديد في الأيام التالية
ومازالت سرعة الإتصال تسبب لي إرتفاع متواصل في ضغط الدم فلكم العتبى حتى ترضوا وجزاكم الله حيراً

هذه هي المودة التي أبحث عنها طويلا
حقيقة أفتقدتك يا استاذ عبد المنعم وهجرت الموقع طويلا الأيام الماضية ولكني حسبتك موجوداً -حضرت اليوم أمني نفسي بالممتع والسهل
ولكني وجدت هذا الغياب من الجميع ووجدت بحث الناس عنك .
حمداً لله على سلامة العودة .. البركة في أخونا عاطف والعم عارف والأستاذ الأنيق جدا عوض خضر وبقية العقد الفريد
وشوقي يزداد للجميع يوما بعد يوم

[عبدالمنعم]

بارك الله فيك أخي - كان جنوبياً هواها - شكراً على المرور والتعليق وأسمح لي أن أوجه لك لوماً خفيفاً (حِنيِّن) لأنك تمارس الظهور والإختفاء باستمرار نرجو منك (الإنضباط في الحضور)
نحن أيضاً شوقنا يزداد للجميع يوما بعد يوم

في ناس الرد ما بردوا سجلوا وبس
السوال عن الناس بقي اكتر من المواضيع



نتمني التواصل
ونحن ما لابدين ساي
لابين لينا فوق راي انشاء الله
بس اللله يسهل

[عبدالمنعم]

Originally Posted by عصام الدين محي الدين

السوال عن الناس بقي اكتر من المواضيع


ن

يا مشرف الإجتماعيات مالك بتستنكر سؤال الناس عن بعضهم
أنا الآن أفتقد عاطف وحريش من كم يوم ما ظهروا، أها كان ما سألت عنهم في الضل دا ألقاهم وين