|
شارك معنا معنويا فى انشاء منظمة خيرية
الاخوة ابناء فطيس بالداخل والخارج نفيدكم نحن بصدد انشاء منظمة خيرية تعنى فى المقام الاول بخدمة قرية فطيس ومن ثم المنطقة كلها ومن اهداف هذه المنظمة رعاية الطلاب بالجامعات و الخريجيين ودعم الشباب للزواج وتنمية المنطقة من مياه وغيره والاهداف كثيرة متضمنة فى الدستور وما كان منا نحن لجنة التسيير الا ان نضع نظام اساسى ديمقراطى حر بعيدا عن المحاباه والقبلية او عزل او تهميش اى شخص يتمتع بالعضوية لانو فى الاخر هذا العمل تطوع القصد منه لله سبحانه وتعالى اولا ومن ثم وطنيتنا لقريتنا الحبيبة لذلك نرجو ان تتنافس الناس تنافس حر شريف وتضع الشخص المناسب فى المكان المناسب . ونفيدكم باننا على وشك اكمال التسجيل وكل التاخير من طرفنا حرصا منا لاشراك اكبر قدر ممكن من ابناء المنطقة ويهمنا ايضا اراءهم وافكارهم لذلك نكرر ان يتناول الاخوة فى المنتدى هذا الموضوع بالجدية وان يكون النقاش بناء
والله ولى التوفيق |
جميل ان نري كل الناس حادبة علي تقديم شيء لفطيس.....جميل أن نري أناس يتسابقون لخدمة ذاك الوطن الصغير
العمل العام يأتي بالتعاون....ولكنه ينجح بالشفافية والعطاء وبعدنا يا اخ هيثم لا ينقص من تعاوننا شيئا فنحن معكم ونتمني لكم التوفيق في المراحل الاولي لان عقباتها كثير ونطلب منكم أن نكون متابعين........ولن نبخل...بالنصيحة في البداية والممكن بعد ذلك نسأل الله لكم التوفيق |
بسم الله الرحمن الرحيم
الأخ د كتور هيثم (العريس ) فكرة جميلة جدا - تأخرتم في طرحها اتمنى أن ترى النور سريعاً هذه الجمعية - ستكفينا كثيرا من عناء الحكي والعمل أهم شئ تفتحوا حساب بإسم الجمعية بعد تكوينها -وتنزيل أعضائها بالمنتدى وأتمنى أن تشمل جميع الوان الطيف بالحلة -بمعنى الناس التي كانت تقود العمل العام بكل تجرد السابقين لا تهملوهم حسب وجهة نظري ، فهم سيكونون عونا حقيقي للجمعية ثانياً تطعيم الجمعية بالشباب المتحمس جدا للعمل الطوعي وتشكيلها بشل حاذب للوحدة (حلوة جاذب للوحدة دي عارفها ) سارقها من التلفزيون . أها واتمنى كما يتمنى غيري أن تتبني الجمعية كل الأعمال الخيرة بالقرية والتي تساعد في بناء إنسان القرية بكافة النواحي والجوانب كما أتمنى أيضا أن لا تنسوا شريحة المغتربين في تكوين الجمعية لأنهم سيكونون سندا قويا (حسب ظني) للجمعية أخيرا أتمنى لكم التوفيق وآمل من الإخوة الأفاضل سمار المنتدى الدلو بدلوهم في هذا الموضوع الحيوي -ودي المواضع البنفتش ليها ولتكن أحلامنا مبسطة زي ماقال أخونا عاطف ومرتبة ولي عودة بحول الله |
شاركوا معنا معنويا في انشاء منظمة خيرية
أولا" أشيد بفكرة انشاء منظمة خيرية تهدف الى تعميق أواصر الإخاء بين أبناء الوطن الواحد نأمل أن تنجح في وضع بصمة واضحة ومؤثرة في المجتمع وذلك من خلال:
1/ وجود قيادات لديها الدافعية والإيمان بقيمة العمل الطوعي 2/ تقديم فوائد محسوسة تفوق مايقدمه الأعضاء من مساهمات 3/ وجود قنوات تنسيقية فاعلة مع مختلف الجهات كما نأمل أن تتضمن قائمة أهداف المنظمة (أ) تقديم الدور الفعال في معالجة مشاكل الشباب (ب) المساهمة في اصحاح البيئة ورفع الوعي الإجتماعي العام بمافي ذلك الوعي الصحي (ج) إقامةالسمنارات والندوات التي من شأنها الإسهام في ترقية السلوك الفردي والإجتماعي..... ولنا عودة .... وفقكم الله |
الاخ هيثم لك الود والتحية ولك العتبي حتي ترضي
نشيد بالفكرة تماما فهذا هي الطريقة الصحيحة لقيادة العمل الطوعي الذي يقدم الخدمات المرجوة وان يكون مبني علي اسس وقاعدة صلبة تتحمل المطبات التي تواجهها. واتمني ان تضم كل الوان الطيف شرقا وغربا وشمالا وجنوبا ووسطا ومن جميع الاعمار ومن الجنسين.واثني علي كلام الاخ مامون الاستفادة من اصحاب الخبرة الذين كانو يقودون اعمال الخير بكل همية وليست كلهم فالتجديد مطلوب من الشباب ذوي الهمة والطاقات الذين حان موعدهم ان يقدمو لفطيس حقوقها. وان تكون جمعية عمومية تضم كل فطيس نعم كل فطيس لاختيار الجمعية التنفيذية وان يوضع الرجل المناسب في المكان المناسب والتحدي الاكبر الذي نرجوة هو ان تقدمو اشياء اكبر من دخل الجمعية وكل عمل خير يبداء سوف يتم باذن الله واخيرا نرجو رفع صورة من الدستور لوامكن واخيرا مابتقصرو ودي المحرية فيكم . وسوف نكون سندا بالراي والمشورة والمساهمة المادية ان شاء الله ولنا عودة |
بصراحة ابداااااااااااااااااااااا ااااااااااااااااااااااااا اع انا ما بعرف أنمق الكلام لكن اتحمست لي كلامك يا هيثم جزاك الله الف خير وربنا يديك على قدر نيتك :D:Dوفقكم الله لما يحب ويرضى مخرج<<<<<:p هيثم انت لسة عريس ولا عرست تاني |
الاخ عبد العزيز حياك الله استجابه لطلبك مرفق لك الدستور+استمارة العضوية ونحن فى انتظار اراء البقية وفق الله الجميع لعمل الخير
دستور المنظمة الإستمارة |
التحية لكم اخ هيثم..والفكرة اكثر من رائعة وواقعية جدا..... واساسا لو كنت عاوز تعمل اي خدمة طوعية في السودان في ظل هذا النظام وحاولت تستجلب دعم او حتي تقدمه اول حاجة بيقولا ليك المسؤل اعملو منظمة لانو الروابط تم استبدالها بالمنظمات الطوعية والفكرة رائقة جدا للمسؤلين.....فلكم كل الشكر وانتم تسعون لمنظمة طوعية تخدم اهاليكم وهي لا شك محاولة لرد القليل مما قدمته هذه البلده... فالي الامام ونحن معكم بكل اشكال الدعم....فالبلد تحتاج لكل ابناءها وافكارهم وعلمهم واسهامهم..... وفقكم الله وسدد خطاكم وفي موازين حسناتكم.....وما اظن حتلاقو من يعترض علي هكذا مشروع....
|
التحية وكل الشكر للاخوة الذين قامو بالتعليق على هذا الموضوع ولايفوتنا ان نذكر الجميع بان رايهم يهمنا ونحن فى الانتظار ونفيدكم بان لم تبقى لنا سوى خطوتين من انشاء المنظمة انشاء الله والخطوة التالية التبشير بها والجلوس والتشاور مع اهلنا بدون فرز فى فطيس انشاء الله
|
نتمني ليكم كل التوفيق.......وختوتين ما هن كتار.......واهم شي "الوحدة"
ونحن في إنتظار التفاصيل |
الأخ هيثم تحياتي .. زي ما قال عبده خطوتين ماهن كتار .. وربنا أوفق .. والعمل العام داير صبر وتحمل وطاقة جبارة من طول البال .. وبالذات في بلد زي بلدنا .. عشان تجمع الناس لكلمة واحدة عاوز ليك شهر عشان توصل ليهم معني ماتريد أن نفعله .. والشواهد كثيرة وبالكوم .. نصحيتي ليك أن تعتمد في تطوير الفكرة والقيام بالمشروع الما هين والمهم للجيل الجديد عسي أن تجد فيهم من يستشعر المسئولية وبه من الهمة والنشاط والرغبة ما يساعد في قيام المشاريع التي تنهض بالخدمات في المنطقة ولو بالسواعد .. من جانب الأخوة هنا محتاجين زمن لهضم الفكرة وبعد داك مناقشتها .. دا أذا فكروا في النقاش .. أنا ما داير أحبط هممكم في قيام مثل هذه المشاريع .. بس دا واقعنا هنا .. الناس كأنك لا تحدثهم بلغة يفهموها .. قد تجد بعض الأخوة فيهم الخير وممكن يعتمد عليهم ,,بس ركز في جهدك علي الأخوة الهناك وباشر معاهم طرح الفكرة وحثهم علي أيجابيات المشروع وكلام من هذا القبيل .. وربنا أوفق الجميع
|
الاخ الكريم ابو عبد الرحمن شكرا كثيرا على اسدا النصح والارشاد الشى المهم العايز الفت نظرك ليهو نحن هنا فى الخرطوم من طلاب وموظفين وغيرهم حسينا ان ليس لدينا اى انتماء الى اى جهة يعنى احساس يتيم للشى البشوفو والسائد فى المناطق الاخرى فى السودان دا ولد فينا احساس بان نعمل اى شى اعتبارى يرعى الطلاب والخريجين ويشارك بقوة لنهضة البلد حتى المناطق المجاورة لم ننساها استهدفنا شباب نشط ولديه علاقات طيبة ممكن تساعدنا كتير وحسبنا حسبتا لاهلنا فى فطيس نعرفهم جيد بالذات اذا الفكرة جاءت من الشرق ولكن يعلم الله بالجد كدا عايزين وفاق لو ما مائة بالمائة يكون فى الثمانينات عشان كدا مشينا خطوة خطوة وعايزين نولد منظمة باسنانها عشان ما تموت ونورثها انشاء الله لاجيالنا القادمة
|
الأخ هيثم تحياتي لك وانت تحمل هم البلد وتطرح أفكارا نيرة قل من يجود بها نتمنى من الله العلي القدير
أن يسدد خطاكم وبارك الله فيكم ونحن معكم قلباً وقالباً ودمتم في خدمة المجتمع والى الامااااااااااااااااااااا م |
سلاااااااااااااااااااام كتييييييير لاهلنا واحبابنا الجوه والبره قبل كده قلنا عايزين نعمل لينا منظمة وطرحنا الموضوع فى المنتدى والاخ عبده مصطفى ما قصر عمل المنتدى عشان اولادنا واهلنا معظمهم بكونو حضور فيهو ولكن الشى الموسف ما علقو على الموضوع دا الا عدة اشخاص لا يتعدى عددهم اصابع اليد ونحنا ما بنزعل لانو عارفين مشاغل الناس والناس ما فاضية ولكن رجاءا اخوتى ولو قليل من الزمن عايزين وقفة ولو صغيرة معانا تشد من ازرنا وتعطينا دافع وهسع بنطمئن اخوانا العرفو باذن الله المنظمة قائمة قائمة ما فى شك لكن همنا كله ما قيام المنظمة بس عايزين الناس تتحد وتتوحد ويكون فى وفاق عشان بعدين نقدر ننجز ولو قليل
|
لتحقيق أهداف المنظمة لابد من إسناد كل مجموعة منها إلى شخص يملك السلطة المناسبة لتحقيق أداء هذا النشاط مع ضرورة تحديد السلطات وتنسيق العلاقات عمودياً وأفقياً. ايضاً اتمنا ان ترى النور قريباً وانشاء الله سنكون معكم فى اى زمان ومكان و لابد ان يكون المنتدى هو المنبر الاعلامى لهذا المشروع وتناقش فيه كل الخطوات عشان نكون فى الصوره |
تحية طيبة لكل اهلنا ونقول ليهم كل عام وانتم بخير اها نرجع تانى لموضوع المنظمة قبل كده كان قلت ليكم باقى خطوتين الخطوة الاولى نكلم اهلنا فى فطيس وضبعا مشيت الحلة قريب والتقيت باخونا حسن شيخ الحلة وطرحت عليهو فكرة انشاء المنظمة وتفاعل معها بروح طيبة ووعد بنشر الفكرة على كل اهل فطيس ونحن فى انتظار ما تسفر عنه نشر الفكرة ويليها انشاء الله عقد الجمعية العمومية ومناقشة الدستور وتكوين المكاتب وعايزين كمان اخوانا فى دول المهجر يشاركو معانا فى تكوين المكتب التفيذى عن طريق ترشيح من ترونه مناسب ونحن بدورنا نرشحهم فى اجتماع الجمعية العمومية
ودمتم للبلد |
نحن في إنتظار ما يتمخض عنه هذا العمل الجليل......ونتمني أن تكون خطواتو أسرع
ولا أعتقد إننا في المهجر ممكن أن نساهم في تشكيل اللجنة.....فهذا الأمر متروك لكم أنتم أدري بمن هو أهل لذلك...... ولكن أقترح أن تتكون لجنة موازية ...تشريفية بالمملكة السعودية...تكون حلقة وصل بين المنظمة......والمغتربين وأعتقد ......المنتدي ممكن أن يشكل...مساحة لتلاقي الأفكار...... ونتمني لكم التوفيق |
فكرة انشاء منظمة تطوعية فكرة واقعيه وممكن تسهم كثير فى احياء المنطقة والجزيرة عامة نتمنى لك اخى هيثم التوفيق والسداد ونحن من خلفكم انشاء الله
|
الإخوة القائمين على امر انشاء المنظمة وعلى رأسهم الأخ هيثم بعد التحية والسلام....أرجو أن تكونوا مازلتم في حماسكم الأول لهذا المشروع وان لاتكون قد تعثرت خطواته فتوقف عن المسير شأنه شأن الكثير من المشاريع التي مالبثت ان انطفأت شمعتها وخبا ضوئها سريعا" فكما ذكرتم سابقا" لطالما عانينا من اللا إنتماء والبعد الروحي بين ابناء البلد الواحد والكل من حولنا مترابطين...فأسعدتنا كثيرا" هذه الفكرة ومنينا النفس بأن نراها قريبا" حقيقة" وواقع ..... وفقكم الله وكلل مساعيكم بالنجاح
|
سلام للاخت الكريمة وفاء وشكرا كتير على حماسك لنا ونطمئنك بان لم تلين لنا عزيمة ابدا انشاء الله ونحن الان فى خطوة مهمة ومنها نبداء اجراءات التسجيل والخطوة هى جمع ابناء فطيس بالعاصمة وتمليكهم الفكرة كاملة
|
الفكره هادفه اخونا هيثم
فقط اتمني ان لاتموت قبل ان تري النور وانا لست متشائم ولكني اتحدث من منطلق الشخص الذي جرب العمل الاجتماعي في القريه واكتوي من نار النظرات السلبيه لبعض الجاهلين للشخص الذي يتصدي لهذه المهام |
العمل العام أخ أبوذر لا يخلو من المطبات...العفوية والموضوعة عن قصد
مطبات بغرض تعطيل...نجاح متوقع الإنسان الذي يتحرر ويعرف يعامل مع تلك المطبات هو الذي يمكن أن يبدع العمل العام....يحتاج الي نقد...حتي ياتي بالمتوقع قريتنا تحتاج...الي ...تحرك من جميع الإتجاهات والأجيال..لتحقيق التطلعات كل فكرة حول العمل العام لا تموت...ولكنها تمرض...فقط تحتاج الي من يمسك بيدها للوقوف مرة أخري وتكملة المشوار.. نتمني أن تتكاتف الايادي...........ولي قدام |
| All times are GMT. The time now is 08:52 PM. |
Copyright ©2000 - 2024, Futeis.com