السيد رئيس الجمهورية : عوض خضر .. المحترم

[عارف عبد الرحمن]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟

[عبدالمنعم]

Originally Posted by عارف عبد الرحمن

أنا برااااااااي المعارضة عشان أورم فشفاشكم والنشوف واحد عمل كده ولا كده عشان أطلع كل شباب الربة ...

صحيفة شمارات الدولية
رصد ومتابعة
شيخ النوم الصاحي

فور أدائه القسم ومازالت الفلاشات تتخابت وجه السيد وزير الثقافة والإعلام الناطق الرسمي باسم الحكومة تحذيراً شديد اللهجة للمعارضة:
- الداير ويورم فشفاشنا يلحس كوعو
- كان طلعتوا لينا شباب الربه بنلاقيكم في الصقيعة
- فشفاش الحكومة خط أحمر
- أعملوا شخيط وأقيفوا بعيد

[عبده مصطفي إبراهيم]

حزم وزير الخارجية حقايبو وإتخارج....عشان الموضوع يكون فيهو شفافية...ح أسوق معاي وزير الصناعة...ونمش نشوف لينا كم شقة " قول 22 " في الأمارات
ولازم تلاجاتن إشتغلن "بالجاز" ...لشئ في نفس يعقوب
الشقق دي بنحتاج ليها...لإجراء حوارتنا مع كل الأصدقاء والأعداء من رؤساء الدول ... وتحويل راس المال الهارب الي السودان
وقدمنا طلب بتحويل مباني وزارة الخارجية الي أي جهه تراها الحكومة مناسبة...لعدم حوجتنا ليه ..... خارجية 100%.... ولا درج ما محتاجنو جو البلد
ومن اولويات جدول اعمالنا الذهاب لكل معرض في بيتو....والتشاور في كيفية المعارضة التي يمكن ان تقوّم مسار الحكومة لمصلحة البلد
........ونتابع

حيكومات تجي وحيكومات تغور...
10/10

اولا ابارك لك الفكرة الشرطتني من الضحك وانا اقرا فيها وفي اعتقادي ان الحقائب موزعة وموزونة بعلمية ومنهجية احترافية واتمني ان لاتكون هنالك اعتراضات من بعض الاحزاب في بعض الوزارات لضمان استمراريتها وكدي النشوف اخرتا .

التهنئه للحكومه الجديدة ارجو منها ان تفى بما وعدت به من اصلحات بالتـــــــــــــــــــــ ـــــــــــــــــــــــــ ــــــــوفيق

[عوض خضر]

عارف ابهجتنا صبحا

ورغم اني صاحي من الصباح

قرفان من السبت ومن انو اليوم الشغل سفر للصناعيه في خلاء الدمام

الا اني الان اتوجه ضاحكا

لكن معارضتك ذي ما بقولوا اخوانا هنا ذي العسل علي حكومتنا

وطالما هناك معارضه بهذا الرشد اظن ان الحكومه ستكون راشده

[align=justify][/align]

الاخ عارف شكرا ليك على اختيارى لمنصب وزير الحكومات المحلية وحقيقة ألبستنى توب اكبر منى دا طبعا لزوم التواضع وكدا واكتر شى عجبنى فى تشكيلك الوزارى هو اختيارك لعوض خضر لرئاسة الجمهورية
عشان تقوم ليك عليهو ثورة شعبية زي القامت على عمك حسنى مبارك والله تلقى زولك فكه البيرق وكان قريب يمرق فى تنقاسى وطبعا مابقدر يمش على الجنوب بعد الانفصال دا لانو لو مشا بشوف شعاع بعد داك بقتنع
بالديمقراطية وبيامن انو عمك البشير ماسك بلا 00 انا طبعا فى البداية استنكرت منصبى لكن عاينت فى التشكيل لقيتم كلهم شباب ودماء حارة ولقيت نفسى الجلكين الوحيد واذكرت انو منصب الحكومات المحلية دايما بتاع الجلاكين
الكبار ونضارات قعر كباية قلت ياولد احسن ليك تسكت ساي واحلا مافى المنصب عوازيمو الكتيرة وضبايحو وانا بموت فى لحم العتان الوتيش 00 ولو قامت علينا ثورة بجينى كعات خفيفة على راسى لكن رايسنا عوض
خضر ووزير داخليتو والله الا يشتيتو وجيبو ليك صورة الزعيم حسن حبيب على قناة الجزيرة يهنى الشباب على الثورة وقول ليهم 00هرمنا 00هرمنا فى انتظار هذه اللحظة التار[align=justify][/align]يخية

[elamirhamdan]

تصريح اول من وزير الاقتصاد
طبعا نحن نمتاز بالشفافية والنزاهة ونسبة الفساد عندنا 0% صفر عديييييل
وكدي النشوف مراجع قانوي ولا بتاع لافي بي هنا
بعدين اجمل حاجه في كل الثورات دي سمعتوا ليكم بي وزير ماليه اتكلموا معاهو (( رغم انهم كاتلين الجداده وخامين بيضه)))
وكان انقلبت عشان بتلقوني

من جانبها تعد وزارة الشؤون الإجتماعيةبالتنسيق مع كل من وزارة العمل والخدمةالعامة ووزارة المالية بتوفير وظائف لجميع الخريجين حسب مؤهلاتهم وبرواتب مجزية يعني تاني لاعطالة ولا إغتراب .... كماتعد بتوفيراراضي سكنية لكل محتاج للسكن مليون ميل مربع بزار ساي والناس ساكنة بالايجار؟ولسة ستتوالى انجازاتنا ان طال عمرنا بالوزارة وماشاتونا سريع