|
|
05-18-2011, 06:37 PM
|
#1 | ||||||||||||
|
المدير العام
|
كلام ساكت!!!!!!!
جمل مركبة تستحق الوقف عندها: بطن البيت - خشم الباب - نخرة السفنجة - أضان القفة - كراع العنقريب - ضهر الترعة -رُكبة العربية- موية النار - رقبة القزازة باب الشارع شارع النص نص العيشة أفعال رباعية بظلال سوريالية : برطع - فرتق – كنكش – سردب – صنقع -خرمج - هضرب – زرقن – بشتن – سنسن – طرشق - طربق - شحتف – دنقر – شلهت – سلفق – عنقد – حمبك – عصلج – خرخر – حندك – تلب – جلكن - هترش جمل يكثر استخدامها حضرنا ولم نجدكم يا (زول) عاين للقروش دي مش فيها نمرة ؟؟؟ - فك القميص ده . . - - سجمي دقاو .. - - قرصة يا معلم .. - فك النفس ولا أقوليك - جيب سفه ... - - اقطع الشارع--- اكتل اللمبة ---سووط الحلة البصلة ما ماتت.... اللبن قنن...الموية صاقطة شد حيلك...أرمي قدام ورا مأمن سيد اللبن - بيت البكا - أدّيك كده .. - الضحاكات (القروش) - المنجره (السفاسف - العضه) - عملت لي شنو في البتاعات ؟؟ الجماعة قالو شنو؟ ختو اللكل خلاص جاهزين في ذمتي تنقد ما تنسد --- - الفوره كم؟ - ووويك ادوهو اسنا - ناس عمي - أقوليك حاجه خليتا ليك كلو كلو .. أقطع وشك - الرقصة الجاية للعريس والعروس .. وماذا الليل طفل- وقووووووومي كده يا المرا موتي .. – بي جاي خمسين ... بي جاي خمسين والقافل يجُر – قفلتها يا الفالح والبلاطة ماتت أدوني (حَسُن) بضم السين – كتب لي قابلني – مشيت وجيت - عشطان داير لي بيستي كولا - مشينا اتحمدلنا السلامه - كو كو كو دقا الباب .. قام تراااااااااح أداهو كف .. - قام زييييييطك كده زاغ من الكف .. لكن ووردلوب وقع .. - بس تترب قام سريع .. - وشخخخخ ضبح الخروف كرامة .. - اول بالتبادى- القصة ما قصة قروش - ربك رب الخير يستر – هو شنو هو ارحكاكا لكن النصيحه السويتا شينه - ادتو شاكوش في صمت خشمو تتخيل رقد سلطة - وزادت عليه الطين بله - و في النهاية نقول شنو كل شي - قسمة و نصيب... واحد استعداد ... اتنين ضرب نار ... تلاتة كوف ... دي جرية ليك هسه لزيزه جنس لِزه ومسيخ جنس مساخة.... ترمس بس عامل الأرض والجمهور شايت كورة مافي ليها اي داعي – كورنل - جدعة- ده من ناحيه - من الناحيه التانيه....جدعها غلت جنو مغالتا علينا وعليك يتبارك - راسي لفة جاتني دوشة دا مبارينا وين...خليتو ليك مشيت لقيتو مافى - زول عواليق ساكت - بكرة بيجى الخريف واللوارى بتقيف كراس العيادة - الكنبة الطيش -أبو الفصل - سنة ساتَّة – الالفة الفسحة انتهت قلبي أكلني ... موبالغة ... روق في علبك لمن يجي طلبك الكواريك شنو ... الروس الروس .. حباب التيوس ... مشيت لقيتوا مافي ... قام قعد ... الماسورة بتنقط جو أوربي- خلا خشمو ملح ملح سجمنا --------------------- ------------------- ---------------- تمو الباقي جزء منو منقول
|
||||||||||||
|
|
05-18-2011, 07:15 PM
|
#2 | ||||||||
|
زائر
|
والله كلام مبالغة هههههههه منوين الكلام ده كلو متنا من الضحك |
||||||||
|
|
|
05-19-2011, 06:09 AM
|
#3 | ||||||||
|
مجنتر- مقرطن- مغبش- جرسه بضم الجيم- مفجخ- مفرجخ- مشعلل- كوركت- مجكس- مصنقر |
||||||||
|
|
|
05-19-2011, 09:17 AM
|
#4 | ||||||
|
زائر
|
والله انتو ناس لذيذين بالجد هي نان نعمل شنو مايهو دا نضمينا |
||||||
|
|
|
05-19-2011, 09:26 AM
|
#5 | ||||||||||||
|
المدير العام
|
زنقت العربية - نجض الملاح - اتقطع اللبن- السما بطنو طامة - عفرت السحاب قام جا شحيط محيط شرب المطرة
|
||||||||||||
|
|
|
05-19-2011, 09:41 AM
|
#6 | |||||||||
|
زائر
|
Quote:
بالله ضيف معاك للقاموس كلمة نضمينا دي كلمة نان دي يا فيس لو قلتها في ماليزيا بيجيبوا ليك قراصة باكستانية... |
|||||||||
|
|
|
05-19-2011, 10:15 AM
|
#7 | |||||||||||||
|
المدير العام
|
Quote:
إنت في نان ولا نحن الشعب الوحيد البتكلم ساكت....طبيعة "ناس بدخلو ليها كورسات"...وبقوم يقعد
|
|||||||||||||
|
|
|
05-19-2011, 09:26 PM
|
#8 | ||||||||||||
|
المدير العام
|
ويتواصل الكلام الساكت: قرطع موية الجك كلها الكبسيبة شنو طربش ليهو...قام..إنظلت في ركبتو أخرُش الكبريتة دي...... تشتو جمرة نضمو بلا منطق عندي مغص في بطني...........يعني ح يكون في ساقك أديني موية زرقا ساي.........جابت ليها عما ألوان المطرة صبت..............طيب لوما صبت برضو اسما مطرة أبقا داخل لي جوة...........هو بالله في طريقة الذول ادخل لي برة النار ولعت...............هي قبل ما تولع كانت نار .............................. ونواصل كُررر عليكم
|
||||||||||||
|
|
|
05-24-2011, 12:43 PM
|
#9 | ||||||||||||
|
المدير العام
|
جلحاتو...وصلن نص راسو....... حلقي انقرش من الكواريك........... ...................... غلوتيات.... - كان شالوه ما بنشال .. وكان خلوهو سكن الدار - قطع البحر بلا عضم ضهر - دخل القش ما قال كش - عتودي ود الحرام ضبحتو الليلة وباكر قام - ملكين في ككر .. كان ده غاب ده حضر - حجر حجرجر .. حجارة؟ .......... لأ رقبة طويلة.. نعامة؟ .............. لأ تبيض وتفقس.. جدادة؟ .............. لأ تعضي وترفس.. حمارة؟ .............. لأ - من فوق راكوبة .. ومن تحت راكوبة ... وسطهن صبي يقلب في الهوبة - هي فيك وإن عرفتها بكريك - حبوبتي من جنها شالت جدي في سنها - حبوبتي في ديوانا تأكل في مصرانا - عيشي شريتو .. قمت الصباح ما لقيتو مخرج "حل الغلوتيات عند الطلب"
|
||||||||||||
|
|
|
05-25-2011, 06:03 PM
|
#10 | ||||||||
|
يا عبدو حسي الكلام دي نكتو من وين . أجي يا ود اعمي ياها ونستنا البنعرفا .اضف كلام كتير كتره |
||||||||
|
|
 |
|
|
 |
 |
 |
Linear Mode
