مواضيع للنقاش والجدال المثمر

كلام ( ام محمد ) بتاع الوليدات والاهل والاحباب والبلد عشان نعمرها وشوق الناس لجزورها ........... الخ ، كلام عاطفي وحنين لكن علي الجزيم البجي منكم ولا البتجي منكم تشوف شوف وتكوس تاني للبرجعا ولا البرجعوا ( وتاني نقعد في حاووووووو وتررررررررر ) كدي اقعدوا ليكم كاااااااااااام سنة كدا وتاني نجي نشوف الرجعة .
واعتقد ان التواصل بين الناس برة وجوة بقي كبير وذلك بفضل التكنلوجيا هسي كان في حاجة حاصلة ناس برة اسمعوا قبل ناس جوة لذلك كلاً في مكانة ( وبي اختصار كدا الوضع بقي اصعب شديد امكن قبل سنة او سنتين كان في استقرار وتطور شوية ولكن هسي بقي غير ) ما تسمعوا كلام ام محمد دا كلام زهج ساكت .
نقطة .
صفحة جديدة .

[عوض خضر]

هههههههههههه

اخونا ياسر مهدي والله متاكدين انك زول نصيحه

وبيني بينك الواحد هنا بقعد يأمل في العوده وفي انو حال البلد يكون احسن وانو يستطيع الاستقرار

وطبعا دي كلها مسكنات لزوم طرد الافكار الاخري انك حاتعجز هنا وانك يمكن ما ترجع علي رجولك وانو خلال الخمسين سنه الجايه مافي بارقة امل في البلد

والله انتو اتجدعتوا في الموضوع كتير ومشيتو بيه من اقصاهو لي اقصاهو يعني ما عاوزين نرجع بيكم للاسباب من الهجرة والغربه الكربه الضريسه شوك الصنوبر اللاسع والغيبوبه المتعمده .
ياسر مهدي كلامك واقعي وفي الجرح ام محمد كلامك عاطفي وسمح بس ما بعشي والله
لكن يا ياسر اخوي حكاية الغربه دي ما بتتصاقر علي طول وبقدر ما تتديك باليمين بتاخد اضعاف بالشمال وهنا ذكرتني السوداني
القنع من السعوديه وماشي البلد نهائي قام في المطار هاظر الضابط قال ليه خلاص شلنا قروشكم كلها وماشين اهلنا الضابط قال ليه ونحن شلنا شبابك كلوا شوف جوازك جيتنا كيف وعاين بياض شعرك اسي كيف .
بين الحكاية دي وحال السودان الاسي مستقبل البلد ح يبقي كيف والفات حيرجع كيف اذا كل الشباب بقي متخارج
والسودان في نفس الوقت بقي متراجع دا ما مؤشر لي مستقبل مالوش ملامح ؟
حالي كدي بقيت ذي المخرف الناس عاوزه طريقه تعيش اسي وانا عاوز مستقبل بلد يعني نتوكل نقول ملي بطني ولا وطني

جنوبي الهوي : ما بين غربتنا وعودتنا بقت ذي اتحننت وجيت لي عرس الرشيد ادوني الدرب دربك شوك

يا بلدي

اتعذبنا في بُعدك

شربنا المر وعشنا الذل بعيد عنك

صيرنا كتير نفتش في وطن بَعدك

يكمل لينا من نقص بدر منك

محال لكن نلاقي هدفنا غير عندك

او صدر يسعنا جميعنا غير صدرك

نلف نرجع نقول انك

غزيز وانحنا اتعذ بنا في بُعدك

وهنا واجب وطني نذكر اغنية عبد الرحيم ارقي المعبرة عن الام القلبها مقطوع علي ولدها .. (قلبي علي جناي قلب جناي علي حجر)

كيف اهون لك تحزن امك شان تحقق ليك غاية

كان مسافر عشان علاجي بلقى في شوفتك دوايا

كان عشان كرعينا راحل نحن بي بعدك حفايا

لا تسيبني وراك ترحل انت ياك ضلي وضرايا

انت ساعة تبقى جنبي تبقى ضلى وتوب قفايا

ما بخاف ظلم الليالي وانت ياك عكاز عمايا

نقول ليك يا حاج منوا .

شنو صانين كدا ذي الحصة رياضيات وماسكا استاذ ...........

شوف الصفحة البعدا .