قسمة الشينة

بسم الله

قسمت الشينة تقع لي , والمرة الشينة بجيب اولاد سمحين , الكلام دا كان ما سمعتوا وفات اضانكم بكون دقشها........

وبيحصل تكون ماشي في الشارع وتشوف ليك واحدة شينة وانت تقول ياربي الراجل المعاها دا أعمي ولا شنو , وكان سألتو اقول ليك الريد قسم

اها عندك كلام ما قالوا مراية الحب عمياء .
و تقول في سرك والله البنت دي شاطرة عرفت جابتو والله براافو عليها.....

وامكن والله اعلم يكون الزول دا غطي قدحو , ولا الحاصل شنو

وقالوا في دراسة امريكية حديثة قالت الزواج من الشينات بي طول العمر , اها امريكا قصرت جابتها مدروسة يعني انشاءالله بورة تاني

مافي .
ونتوا الجمال دا ما قالوا نسبي يعني الانت شايفو جميل غيرك بشوفو عادي وتاني بشوفو شين , يعني لو ما اختلاف الانظار لباروا كتاااار

الزول الشين دايما بكون عنده ثقة بالنفس وروحه مرحة وانسان حيوي والجمال جمال الروح , والجمال ما احمر شفاه ولا ما سكرا وادوات تجميل

وارجع واقول قسمت الشينة انشاءالله تقع لي

ام محمد تذهليننا دائماً بروعة إنتقائك للقضايا وجمال الطرح الجامع مابين بساطة المفردة وعمق الفكرة
فلك التحية دائماً وواصلي

السمحة ام ولدي .
والسماحة بندورا كان في البيع ( كما قال الرسول ( ص) رحم الله رجلا سمحا ..... ) ولا ساكت كدا بس بالرغم من اننا قسمتنا فية ما كتيرة ودا راجع لاسباب هرمونية منذ القدم لا يعرف لها سبب واضح ودقيق حسب الدراسات التي اجريت لذلك .
واستشهد هنا بكلام الفنان اللبناني ( ........ ) اذ قال في مقابلة لة بان السودانيات شينات ( علي حد زعمة ) بالرغم من اختلافي الجوهري معة ( جعولية ساكت ) .
ودا بقودني الي اننا بنريد بالحادسة السادسة ( التخيلية ) فنحن نتخيل نساءنا شعرهن طويل تحت الركب وعيونهم سودا وممشوقات القوم وانهم بيضاوات وناعمات وانهن كالحور العين في الجمال ودا كلام طيب وجميل وبخلي العشرة بيناتنا طويلة وجميلة وما بخلي الواحد عينوا زايقة .
وكما الرجال يتخيلون كذلك النساء يتخيلن الرجال وقالوا الرجل سماحتوا في جيبوا اها البترول ووقف تاني السماحة شنو .
قالوا السماحة اخلاق - سمعتوا ليكم بي واحده قاعدة في الكوشة النسوان قالوا طلعت اخلاقا سمحة ولا بقولوا طلعت رهيبة عديل كدا .
قايتو الحياة قسم وكلوا من الله وبنرضي بالقاسموا لينا ونسالة ان يقسم لنا الجنة والحور العين .

[عوض خضر]

ياسر الله يديك العافيه

يحضرني قول الشاعر محمد المكي ابراهيم والذي مجد به اللون الخلاسي او اللون المتداخل او الاكثر دكنه

الله ياخلاسيه

يامملوءة الساقين اطفالا خلاسيين

يابعض زنجيه وبعض عربيه

وايضا هناك الكاتب امادو الذي يطلق علي هذا اللون الجميل لون القرفه عندما يتحدث عن الخلاسيات البرازليات

كل يغني علي ليلاه

ونحن ليلانا داكنه نعشقها كما هي

وطبعا ده فيهو نوع من الوعي لاننا نحن ذاتنا مااظن نكون

مناسبين لغيرهن هذا يجعل قوالب الجمال مختلفه من منطقه لاخري ومن بيئه لاخري ومن عرق لاخر

لكل ماتقدم بنحب من بلدنا مابره البلد سودانيه تهوي عاشق ود بلد
وبيني بينك لم اتخيل امرأه تجعلني اصيخ الي حواسي

الا ان تكون في لون القرفه وتنتمي الي ذاك الجزء من العالم

الذي تلتقي فيه الكثير من الحضارات والاعراق علي ضفاف النيل

في اغنية عربية قديمة بصوت المغنية هيام يونس كانت قد شغلت الناس ردحا من الزمن امكن تكون مشابهة للقصة دي :

http://www.youtube.com/watch?v=vjmuJCVBBio

تسلمي أم محمد ويسلم المتداخلون وشوق الشوق
إتخليل لي موضوع الشنا ده مقايسه تختلف من شخص لآخر ... وإلا لو كان هناك مقياس لتقاتل الناس حول شخصية واحدة
لكن فعلا البشوفها أنا جميلة غيري يراها قبيحة لأنني أنظر من زاوية لا يراها الآخر وهكذا دواليك .. وقيل لو لا غختلاف الأراء لبارت السلع ....
تدهشني دوما عمنا عوض بمداخلاتك ...
فمحمد المكي إبراهيم .... وصلاح احمد إبراهيم وكثير من شعراء البادية وغيهرم اشعروا في هذا الموضوع وتنافسوا في جمال السودانيات كل حسب منطقته الجغرافيه
وهذا يجعل المقايس مختلفة ومختلة في قياس درجة الشنا أو الجمال ........

ودائما تامين ولامين ......

ام محمد
لك التحية والسلام عليكم ورحمة الله تعالي وبركات
من خلال تناولك للموضوع واسلوبك في تعاطيه لقضية البوره
وان شاء الله ما تكون في بوره تاني
ارشحك لعمل اعلان دعائي لشركات الاتصال
في الحاله ده حا تكون الخطوط مشغوله طوالي وح يتم فتح بلاغ فيك
والسبب لخبطت (السستم) كاملا للشركات من كتر الاتصال ونجاح التجربة الدعائيه
عموما اي واحده شينه تقراء مقالك هذا بتحس بالطمانينه وسوف تدعو لك
لك خالص التحايا ام محمد

اسعدني جدا مروركم

سودانية تهوى عاشق ود بلد ... القناعة كنز .. وشبهينا وتلاقينا .. لوكي القرضة وامسكي فيو

وكان علي اللبناني راغب علامة ولا اللبنانين القالقوا في الشنة كتير والعجب بعد زواج الريئس التشادي ادريس دبي من السودانيةاماني هلال

بت الجنجويد ودفع مهرها 26 مليون دولار .

ولو في ناس اتقاتلوا في واحدة دي اكيد تكون وارثة ولا عندها طين

واخيرا فكرة الاعلان دا كويسة شديد , وفي سبيل القضاء على البوره سجن سنة ولا سنتين النضحي انا واحدة ونسعد كتيرات شنو ليك

خدمة انسانية ...