انا كزبت عليك ياغاليه

انا يوماتى حبيبتى بخونك
لما تغيبى بغازل طيفك
ولما تجينى بدوب فى عيونك
ايوا بخونك مع بسماتك
مع رصات الدر فى سنونك
ايوا بخونك بيك وبلاكى
واسف جدا انى بخونك
ايوا بخونك بينى وبينك
ولما تكونى بعيده وسارحه
ايوا بخونك مع خصلاتك
وشعرك موجة ليلى الطامحه
ايوا بخونك وانت قوامك
هد قوام المهره الجامحه
ايوا بخونك وعارف انك
طيبه وانك ديمه مسامحه
انا لو خنتك مع زول غيرك
الا اكون انا واحد غيرى
والا اكون القلب اتبدل وفكرى اتغير من تفكيرى
والا يكون الزمن اتحول والا اكون موتا ضميرى