|
|
03-08-2010, 10:20 AM
|
#21 | ||||||||||||
|
المشرف العام
|
ما عندك صبر يا امير طيب اتفضل الجزء 12
|
||||||||||||
|
|
03-08-2010, 10:21 AM
|
#22 | ||||||||||||
|
المشرف العام
|
الجزءالثانى عشر الخميس نص دوام والخميس دا ما زى اى خميس فيو بهجة وكبسة وحنةولمة حبايب واصحاب وناس عزاز ولذاذ لمتنا الغربة ولمانا الوطن قبل اى شئ تانى وفرصةلناس كتار يتقابلوا وفرصة للعوائل تغير جو من سجن البيوت وبعدين يشوفوا ليلة منليالى السودان بحنتا وهجيجة وغنانا السمح . رجعت من الدوام للبيت والقى ليك ناسىفى البيت جادين اكتر من العريس التقول كلو واحد فيوم هو العريس حسيت من جو قلبىبحنيتم وخوتهم الماكضب وحماسم وما حسيت انى فاقد اهلى فى اليوم داك - لمتنا الغربةومعرفة البلد وحتى القرابة اللمتنى مع بعضهم هى قرابة من بعيد ما لزم يعنى تقولتلاقى نسب وحبوبات وفعلاً تاج فوق رأسى . من دخلت البيت - السلام عليكمياجماعة - وعليكم السلام - الليلة يومك - ابسم ليوم واقعد لى فى كرسىقريب - يازول قاعد لشنو - اسوى شنو يعنى - هسه خلقتك دى خلقت زول عندوحنة - ماله ما تمام - ارح معاى بس اوديك لفلبينى قريب من هنا يوضبك ويكشبكصاح - الحكاية كمان فيا تمسح وتنعم - دا كلامك وطوالى لصالون حلاقة كدىوالنصيحة شغلو نضيف وماخلى شئ حلاقة وتنعيم بالبخار و مساج ، ساعتين وانا جواالصالون لمن طلعت منو حسيت بلمعتى وبقي وشى املاس زى المراية والمشاغلات كتيرة وانااقول ليهوم : الله اكبر عليكم قولوا ماشاء الله بس . المسا بعد صلاة العشااتوجهنا كلنا لاستراحة كدى ما تتعرف إلا بخريطة والحارس فيا سودانى خاتى سفتو قدرالليلة وباكر وقاعد ليو فى كرسى وانا فى سرى اقول ليو :بختك الليلة جاتك ربة وحفلةفى محلك . وشوية شوية تشوف العربات واقفة زى الغنم اشكال والوان فى الهكر(قرمبع) وفى العالية وفى الغالية والنازلين منين فيوم الكبار بالعمم والجلابيب زى انا فىاليوم دا اخر قشرة بجلابية وعمة وشال - والشباب اخر موضات وشكات وحتى الشفع الصغارحلوين ينططوا ما مصدقين طلوعم من حصون الباستيل دى . والنسوان والبنات بالعباياتوحاقات الصرة البرة ديك تك مافى - وفى اللابسات تياب بس شوية خالص وشكلوم لبسوا بعدما دخلوا الاستراحة . العشا اترص ياها صوانى المندى ومشغلين استريو على شريطلوردى ( الناس القيافة ) والجماعة شغالين طفح فى اللحم والرز ماهبشوا اصلنا نحنماناس رز بس الغربة جبرتنا عليو ساى . واشوف واحد من الشباب خاتي ليو دفتر قريب منوالظاهر دى النقطة . والحريم بينا وبينم فاصل بستارة قماش اصلو المكان كان صالةكبيرة قسموها لاتنين .نص للحريم والتانى حقنا . زى الساعة عشرة كدى الجماعة شغلوالساوند سيستم وجابو ليوم وليد كدى مطرش بكريم وزيت وشعروا مسوي كيف كيف وقالوا داالفنان وبغنى لطه سليمان وحوتة وفى واحد تانى دا قالوا متخصص حقيبة المهم الحفلةبدأت وحلفت ستين يمين ما اتحنن فى رجولى عشان ما اتربط وعاوز اهيص مع الجماعة وتبدأالربة وشوية شوية اشوف ليك الستارة انشالت وقالوا احسن نخلى الحالة واحدة وكل زولباسرتو شغال رقيص وفى ناس حايمة ساى وفى ناس من كراسيا ماقامت واما ناس الرقيصماقصروا انتقموا انتقام بالحيل التقول عليوم اول مرة يحضروا حفلة واخوى عصام ماقصروزيرى اليوم داك والله يخليو للتعارف وتعال سلم على فلان دا وفلان دا صاحبنا شغالفى الشركة الفلانية ودا ودعمتى والفرحة الحلوة لى النسابة حاضرين إلا كان زولتىوكان جات اليوم داك فتح طوالى للجماعة
|
||||||||||||
|
|
|
03-08-2010, 10:23 AM
|
#23 | ||||||||||||
|
المشرف العام
|
يا جماعة وين المشاركات ولا القصة ما عاجباكم اها خلاص بطلنا القصة وحنقيف هنا
|
||||||||||||
|
|
|
03-08-2010, 01:16 PM
|
#24 | ||||||||||||
|
تقيف كيف
تقيف قال تقيف وين .........بالدق بتمش كان بقيت مكادي بتمش ما كفايه مشحتف روحنا من يوم فتحنا المنتدي امش كدي عامل سردك السمح ده
|
||||||||||||
|
|
|
03-10-2010, 11:06 AM
|
#25 | ||||||||||||
|
المشرف العام
|
الجزء الثالث عشر يوم الجمعة مر زى السلام عليكم وجا اطول يوم فى الدنيا يوم السبت ونفس للشغل مافى تب وجرجرة بعد ليل شلناهو سهر - وانا فى وسط الضجيج والازعاج داخل المصنع اسمع رنة جوالى وفى وقت زحمة شغل والواحد غرقان داير بتين يتفك من البلاوى القدامو عشان يريح واريت راحة عدوك تقعد فى المكتب دقيقتين تلاتة تجئ كبة تانية ومرات يحبسك الشغل لمن الواطة تليل وكمان مرات تلاتين ساعة ما تشوف راحة وعينك ما تشوف نوم ما نحن زى الماكينات البندور فيا يستلهكونا زى الصابونة ولمن نبقى بروة يقولوا لك مع السلامة وين تقبل ما تعرف التلفون دا من عمنا قريبى وعملت طناش خليتو صامت وهو تانى يشيل يدق - الزول دا مالو مصر كدى ياربى عندو شنو - خلاص ارد عليو واقول ليو انا مشغول حبة وبرجع بكلمك تانى - افتح الخط -الو - احمد كيف حالك - كويس - يااخى والله انا ما عارف اقول شنو - خير انشاء الله - إنت زول مؤمن ...... قلبى وقع فى ركبى وجاتنى خلعة شديدة - المات منو؟؟؟؟ - يازول قول بسم الله ما فى زول مات - الحاصل شنو - والله نسيبك تعبان شوية وجاتو جلطة ونقلوا للمستشفى - لاحول ولاقوة إلابالله - والكلام دا بتين - قبل شوية وقع فى العمل ونقلوا بالاسعاف - وانت منو الكلمك - اصلو اتصلوا على اولادو، واولادو اتصلو على عشان اوديهم ونحن هسع ماشين ليو خبر يالله - الزول دا ياهو ركيزة الاسرة وياهو سندا وربنا يجيب العواقب سليمة وقت مافى والزوغة من الشغل واجبة والبحصل يحصل وطز فى الشغل وصاحبى راجندران الهندى يهزهزلى فى رويسو يقول - مشكلة مافى صديق انا فى ترتيب - انا كلو معلوم ، بس انت روح شوف بابا والله حالتو صعبة الزول فى الانعاش وشكلو كدى جاوا شلل وربنا يلطف و ندى برغم المصيبة والدموع فى العيونا هى وامها صابرة ومحتسبة والواحد ما عارف يقول شنو غير يواسيوم وياريت الواحد يقدر يعمل شئ يمسح بيو دموعم بس إرادة ربنا يوم فرح ويوم كره وغير الصبر مافى شئ . المهم لمن شوفنا القعدة طولت بالساعات وديل ولايا براهم اصرينا لازم امشوا البيت ونحن بنقوم بكل شئ وبعد ضغط شديد وبعد ما الدكتور طمنا على صحتو وانو حالتو بقت مستقرة رجعو للبيت - بس الشلل دا علاجو طويل وبحتاج لعلاج طبيعى
|
||||||||||||
|
|
|
03-11-2010, 12:48 PM
|
#26 | ||||||||||||
|
المشرف العام
|
الجزءالرابع عشر اقول لنفسىهسة نبقى لجنس دا نبارى الغربة دى كدى لحدى الواحد مايتكسر هنا ولاكيف !!!! يازولالبسويها الله هى البتبقى وخلى امرك على الخالقك . ندى حالتا تحنن هى اصلاً اكترزولة من اخواتها قريبة من ابوا وكان ابوها داير موية ساى يحلف إلا تجيبا ليهو ندىوهى كمان من قومت الجهل مافارقتو إلا لمن سافرت للجامعة عشان كدى مرضو باقى لياقاسى -قلت يازول اسيبا مع نفسا شوية وما اكتر عليا الاتصالات لحدى ما البت تهدأخواطرا شوية وشهر بحالو مافى كلام ناعم ولا إبتسامة حلوة بيا اصبر شوية ولا يحزنون - طبعاً بعد اصرار شديد وحلف يمين انو مافى زول يودى ابوها للعلاج الطبيعى فىالمشتشفى غيرى ودى ابسط حاجة اقيف بيهامع تؤام روحى ونور عيونى وشوية شوية عمنااتحسن وبقت الاصابع تتحرك والخشم بقى ينضم بس تقيل وكمان زولتى هدت و رضت بامر اللهوفى الساعة ديك بعد مالعرس إتاجل لاجل غير مسمى وكمان البت موضوع الشغل اهملتو ولاجابت خبرو وكنت لازم اشوف طريقة افتح ليا الموضوع ومافى غير تلفون فى وقت هادئ - الو ندى كيف عمى الليلة - كويس الحمد لله - داير اقوليك شنو - ايوا - طبعاً انت زولة قوية وعارفة ربنا والحصل لابوك دا كلنا مؤلمنا بس انامادايرك تكونى قدامو ضعيفة - والله ياأحمد ماقادرة - لا لا لازم تحاولى وتعصرى على نفسك عشان ما تشيلوهو هم زيادة على مرضو - انا ماقادرة اشوف ابوىبالحالة دى وما ابكى - لا يابت الناس ... دموعك ما بتصد القدر وخليك متماسكةعشان يقدر يتعافى ويشفى والمسألة مسألة وقت ويرجع احسن من الاول . - يارب - غايتو بحاول ناخد صنة كدى واغير الموضوع - اه الشغل سويتى فى شنو - والله انا هسه فى ابوى دا ومابقد ر اسبيو كدا - يعنى ناوية على شنو - الشغلملحوق وكان فاتت فرصة بتجئ غيرها ، وانا شايفة الشغل فى الظروف الحالية دى صعب - خير انشاء الله وما تشيلى هم انا معاك وجنبك - عارفاك ما بتقصر كفايةوقفتك معانا دى - اه جينا للكلام البجيب الزعل - والله يااحمد بقيت لينا زىاخونا الكبير - دا الواجب ودعتها ولسه فى القلب شوق ليا ورغم الاما وشجونابقت لى زى الملاذ كل ما احتاج لانسان اتكلم معاو اتصل عليا وبلقى راحتى لمن اسمعصوتها وهى كمان كل ماتكون زهجانة وقرفانة تدق على. فى يوم كدى نادتنى ام ندى علىجنب وقالت لى : - طبعاً عشان بقيت لى زى ولدى دايرة اشاورك فى موضوع كدى -خير انشاء الله - زى ما شايف عمك عيان واقف من الشغل والبلد دى ما بترحمزول - اى والله -والله البركة فى بيتنا الفى السودان وحبات القريشات الجاتنامن حقوق ابونا من الشركة الشغال فيا وقلنا اخير نلزم بلدنا وكفاية خلاص غربة . - والله ياخالتى مافى حل غير كدا والحمد الله أنتم لسة بخيركم - عشان كدى دايراكتعمل لينا اجراءات سفرنا النهائى - مافى مشكلة ومن بكرة لوعاوزة - فيكالخير ياولدى وبعد شوية زى الفكرت فى شئ كدى وجاتنى صادا - اه ياولدى وكانعلى ندى لودايرة تقعد معاك هنا بنعقد ليك عليا الليلة قبل باكر - والله ياخالتىعوجة مافى وانا شايف الوكت مامناسب هسة خليا ترجع معاكم وبعد العرس جيتا ساهلة هنا على كدا اتخذوا قرارم يرجعوا السودان وفى ظرف ايام اتحولوا من مغتربينلمواطنين
|
||||||||||||
|
|
|
03-11-2010, 01:13 PM
|
#27 | ||||||||||||
|
والله صراحة مشروع كاتب مبالغه انا عندي كان رجعت السودان وقعدت تكتب ساي اخير واصل شوقتنا للباقي
|
||||||||||||
|
|
|
03-14-2010, 11:26 AM
|
#28 | ||||||||||||
|
المشرف العام
|
الجزءالخامس عشر - هسة ناويين تسووا شنو - بالضبط كدى ماعارفين والله - كيف الكلام دا - شايفة امى قالت تشترى حافلة وتديها لسواق - هىىى كاندا رأيا اخير تأكل قريشاتة ساى من يأكلها واحد مقطوع يعدما اللستك - ما لاالحافلة ما قالوا كويسة - غايتو كان قانعنين من قريشاتكم اشتروا حافلة ، بعدينببقى ليكم بمبى و يجيكم السواق مادى بوزو وجيبو فاضى ويقولو ليكم اليوم كلو عديتوفى الورشة وهو بهناك كب فى جيبو فردة فردتين وبلع حق الاسبيرات يعنى بدل تأكلكمتأكلوها انتو . - يعنى نسوى شنو ادينا حل - هوى يابت انا كان عندى حل كانليوم الليلة قاعد بهنا حالة صعبة شديدة وندى بالواضح كدى من شكيتا الكتيرةنايمة ليا فوق رأى وماعرفت الا لمن مسكلت لى يوم كدا وادق عليا : - انتىالجلدنا دى ما بتخليا يوم ساىمابدقى لى - والله دى حسب النفسيات هه ههه هه - وهسة نفسياتك مالة ماكويسة - قافلة معاى - كيف الكلام دا - شوف يااحمدانت عارف حال البلد وعارف المصاريف هنا دايرة ليا بنك عديل كدا - ما فهمت عليك (طبعًا دى بالخليجى ) - يعنى علاج ابوى ومصاريف البيت ومصاريف الجامعات ومصاريفالكهرباء والموبايلات ومصاريف االنفايات والمعيشة واوووووووووك - اها فهمتوانتى فى يدك شنو - انا نزلت شغل وما قدرت انتظر اكتر من كدا - بس اوع يكونشغل معولق ساى وتعدى كل يومك ركوب مواصلات ونص الشهر عدمانا التعريفة - لا شغلكويس فى شركة استثمار - اها شغلوك فيا شنو انشاء الله ؟ !!! - مديرة مكتبالمدير العام - يعنى سكرتيرة - اكبر شوية ياود - بس انشاء الله مرتبمبغطى معاك - تمام وكمان الدوام مريح ستة ساعات بس - خلاص انت حرة بس خلىبالك من نفسك - ما تخاف على انا مفتحة وناقشة كل شئ - والله ما بقعوا فياإلا العاملين مفتحين - اها نسيت اقول ليك - فى حاجة تانى - اهلك امسكانوا مقيلين معانا والله ابوك وامك جو من البلد مخصوص عشان يكفروا لابوى - بسانشاء الله الطيب ما كبس عليكم - هاها دا بقصر والله من يوم وصلنا لاقانا فىالمطار ومكاواة مع امى ونها شديدة وتليب شين - هع هااهاها الطيب دا غايتومابفوتكم كما اديتو مرة - طوالى بس يخلى عينو الطائرة دى اضحك معاها شويةواختم : خلاص يازولة فى امان الله - يالا ما تنقطع ، وبنتظر تلفونك كل يوم - هىىىى زمان الدقيقة محلية لمن كنتى هنا بس هسع الجيب بنقطع - خلاص انشاءالله بس تدق على وتسلم وتقفل الخط - اسمع صوتك كفاية - سمح ياستالبنات
|
||||||||||||
|
|
|
03-17-2010, 11:42 PM
|
#29 | ||||||||||||
|
مشيت وين ما حرقت روحنا صد قوامك
|
||||||||||||
|
|
|
03-18-2010, 12:17 AM
|
#30 | ||||||||
|
معاوية انت عارف اذا ماكملة القصة بعد انا بجيك في الرياض كمل |
||||||||
|
|
 |
|
|
 |
 |
 |
Linear Mode
