كل شارع تارع ونحن بنشرب ؟؟؟؟؟

السلام عليكم ورحمة الله أها بعد مشكله الظلط إنتهت تعالو وشوفو مشكله الموووية والخراطيش المكسرة مالية الشوارع بنسال الحل عن منو ؟ والجواب ناس الموية .ودا كيف وفاتورة الموية والكهربا سوا صراحه مافاهمين حاجه قمنا بإبلاغ المختصين وبدون ذكر أسماء وقالوا حيحلوها دا قبل أكتر من شهر لنتفأجا بأنو ماسورتنا كابه طين وتتوالي المفجأات قريبا حتكب لينا شنو ياربي ماعارفة ؟ أها مافي أي جهود مبذوله بالخصوص دا ولا حتي من فضل ولا محمد علي ولا رئس القوم يوسف والتحية من هنا دا لرؤؤس اللجان الشغبية وعلي راسهم عبدالله سعد ،صلاح بلة،عوض الكريم ، الطيب عبد العظيم الذين أسروا المنطقه بروائع الكلام
‏______
التحية للوصلوا طرف السوط وبدون زعل الواجب واجب ولا شنو؟

[عبده مصطفي إبراهيم]

التحية لك ...... الشوارع ... بالرغم كل الكواسة الكوستها .. وما خليت زقاق ما دخلت الا سهوا
ولكنني لم أجد شيئا ... يختلف كثيرا عن الشوارع في الصحافة أو الكلاكلا أو حتي بعض الشوارع
السكنية في قلب الخرطوم....
بقايا الخريف من حفر ... ومياه البلاعات..... الجارية أحيانا والمرشوشة احيانا
ولا أعتقد هذه مشكلة... لانها جزء من الواقع والبساطة
المشكلة الحقيقية هي المواسير المكسرة ... وبالرغم من إنها محدودة... فأعتقد إنها من السهولة التخلص منها
فقط تحتاج إلي من يقف خلفها
لان حتي ضغط الماء ليس بالقوة التي يمكن أن تفاقم المشكلة
ولي عودة

لك التحيه والتقدير كلامك مويه تجى طين والله كلام اشد العقل ويندى ا له الجبين صراحه وجعنى شديد مويه طين انا بسال انتو بتدفعو ليهم فلوس ولا حصى حاص