التحيه لكل ناس المنتدى وناس حلتنا الموضوع تقريبا واضح من العنوان ودا اخر ما توصل ليهو ناس الحكومه متمثله فى ادارة السجل المدنى والمشكله دى عشتها على ارض الواقع وهى عدم وجود شهادات الميلاد بالمستشفى واكتر حاجه اعملوها ليك اديك صوره من الدفتر فيها اسم المولود واسم الوالده والوالد واقول تمشى مدنى لانو ما عندنا شهادات هنا وما تتخيل الموضوع فى مدنى وشوف كميه الناس الجايه من القرى غير الناس البتعمل فى شهادات تسنين واجراءات كتيره وخش للضابط وتحرى ورسوم وبعد داك اقول ليك تعال الاسبوع الجاى واحتمال تجى وما تلقى شئ واخر مرة مشيت بقولو الورق خلص تعال الاسبوع الجاى وعاملين صيوان كمان للناس وعلى ما اعتقد كان فى قرار اعلنو فيهو مجانيه شهادات الميلاد لكن شكلو كلام الليل يمحو النهار ودى حاجه بسيطه من الشفته والما قادر احكيهو لانو التعبير صعب وتقريبا فى ناس كتار عايشين المشكله دى ..........