فوائد الصلع

[عارف عبد الرحمن]

كل المصلعين ودعوا وقالوا لازم يسرحو وحسيت أنا بالغبار .. لاخلال ولا أستشوار .. شنو يا أخوانا لبتوا ساي كده موضوع الصلعة دا ما لكم عمتلوا منو نايمين ما عاجبكم ولا شنو وين يا ود الخليل موضوعك الجماعة عاوزين أتموا موية .. لكن ألقوها عند غافل أنا قاعد كل ما ينسوا أفتحو تاني .. القال ليهم صلعوا منو .. وكمان شوف أمير بقول زيادة في البشترون والشعترون صلعتلون والقرعترون .. وهاك المشط دا.. ( دعس فسوي) أنا نسيتك البين قوسين دي بقروها زي الأنقليزي بالجلبة .. فهمت يا أبو عفاف يا أبو .....

[عارف عبد الرحمن]

لن أتركك تتواري عن الأنظار أيتها الصلعة الصغيرة الحمراء .. والمتوسطة الشمامية .. والكبيرة القرعية .. الي أين أنت ذاهبة لم تعرقين هكذا ويتفصد العرق وينزل جداول وخيراناً .. أيتها الخجولة الناعسة الأجفان الأسيلة الخدين .. الظلطية الملمس الرقيقة الأحساس ذات الشعر السديل بالأطراف .. لا باروكة أجمل منك ولا طاقية ولا شال .. بس حليل زمن الخلال .. وشعر الجهال .. بس تعال وأسألك مجرد سؤال ..ليه أنت خاتينا دوماً في البال ؟ وما عندك غيرنا سجال ؟ أرحمنا من هذا المقال وشوف لك موضوع عن جيد الغزال .. ولا شيتاً يشغل فيك المجال .. وبطل حقارتك بصلع الرجال .. ديل مساكين ولسه جهال .. بس جار الزمان وفعل الفعال .. أبتسم في وجوهم عسي أن يسر البال .. ديل حالتهم تكفي عن السؤال .. كفاهم مافيه من الحال .. أي سؤال؟

[عارف عبد الرحمن]

شنو ياشباب عملتو نايمين من الموضوع الشيق ده .. أنا غايتو مكنكش في الكلام الحلو دا وما بسيبو .. والمرجو من مديرنا العام أثبت هذا البوست الرائع .. وياما للصلع حكاوي .. وسأتناول هذا الموضوع بالتفصيل .. بسلسلة متوالية حتي لا يموت الموضوع
http://www.acaciabahrain.com/aboelez...-04-2008/8.jpg

بالله يا أبو عفاف عندك صلعة زي دي

والله يا عارف صلعة تعجب وريتا صلعتى بعد الحالة دى وأبوعفاف ما ليهو حق يطنش من الموضوع لاننا نحن الهميماب الصلعة فضلت خيرنا وابوعفاف دا اديهو بس 3 سنه
بلحقنا وراسو ببقى زى العصيدة المملحة بملاح شعر 00وقالو فى بت وافقت على خطيب مصلع بعدين البنات انتقدوها 00 قالت ليهم مالو عيبو شنو الاخلاق عالية والشعر
فورمايكه00 والموضوع والله ممتع وما ينسكتش على بس لى رجعة تانى ولك التحية

[عارف عبد الرحمن]

الاخ يوسف لك التحية .. أخونا أبو عفاف راسو لحق الرقدو .. بعدين بملاح شعر دي شديدة ولك الشكر ..

[عارف عبد الرحمن]

من أشهر أصحاب الصلع .. الرئيس الأمريكي الأسبق أيزنهاور .. والحكم الايطالي كورينا ..والأنجليزي برنارد شو ..والفرنسي زين الدين زيدان .. والممثل جمال حسن سعيد ..وحبيبنا عبدالرحيم حسن العزيب صاحب أشهر وأجمل صلعة ويوسف سعد وأمير حمدان وعثمان الخليل طولت ما لاقيتو لكن متأكد تكون بقت عصيدة بملاح روب .. وكان ما خايف الكضب أقول أخونا ود الخضر زاتو عمل سطوح ..وأرجو المشاركة بشوية صلعات

ود الخليل شكرك لي الصلع دا ذي شكر الجماعة العاوزين يطمنوا ابو البنات بي سماحة ولادة البنات لامين فيه شكر شديد البت بتساعد امها البت نظيفه ومرتبه البت بتهتم بي ابوها وحنينه البت البت البت لما ليك فيهم هوي آخوانا هوي بتكلموني بي ولادة الولدعلي الطلاق اسي الولد دا كان فكيتوا في السوق بنبون ساي بجيك شبعان

[عثمان الخليل]

الحبيب عارف لك التحايا شايفك عصرت علينا شديد لمن رديت على الموضوع أنا قلت أطنش يمكن قاصد ناس تانين لكن أبيت تخلينا برضو لكن أطمئنك أنا مازى الجماعة الفى بالك لسة فىها كم سنة . لك كل الود
الأخ الحبيب عاطف لك الأشواق الحارة لكن أنا مازى الجماعة البشكرو .....وأنا ما حاسب نفسى من أصحاب الصلعة والصلعة برضها ماكعبة . ولك تحياتى مرة أخرى

Originally Posted by elamirhamdan

حول إذا ما كانت المرأة تتجنب الارتباط بالرجل الأصلع أم لا ، قام مركز هلفانتينا بأمستردام بعمل استطلاع ، تبين من خلاله أن أكثر من 75 % من النساء اللاتي شملتهن الاستبيان يجدن الرجل الأصلع أكثر جاذبية من غيره وأكثر تميزا وعاطفة من الآخرين .
وكشفت دراسة إحصائيّة أمريكيّة أنّ النساء ما بين 23 و 66 سنة يجدن الرجل الأصلع أكثر ذكاء ونضجًا من سواه ، وأكثر استعدادًا للنجاح في الحياة لأنّ اهتماماته تتركّز على رجولته بأبعادها الإنسانيّة ومعانيها العميقة.
برضو تقول شنو ........ موتوا بغيظكم يا ابوعبدالرحمن

ود حمدان دا عامل بي نصيحة يوسف سعد للقليبه قال ليه انت لما تدور تقنبلها اختار زول بعيد الناس مابصلوا ليه يعني تقول اخونا في الاسكندريه في كوالا لامبور مركز
هلفانتينا بامستردمان

[عوض خضر]

ابو عبدالرحمن لسع ماصلعت رغم اني وعيت علي صلعة الوالد رحمة الله عليه وكانت في ذاك الحين اشهر صلعه في المنطقه حتي انه كان يسمي خضر اب صلعه اما عن الشيب بقيت افتش لشعره سوداء ونادر ما القاها

ود الخليل طبعا مصلع من زمنو داك بس كان بيخفيها بمهاره وكان اخونا رحمة الله عليه خالد الزين يصر علي ان يبوس السطوح واظنني ذكرت هذه الحكايه من قبل وايضا جرجور عندو صلعه صغيره لاتري الا بعد تمعن صلعه في شكل دائره غير منتظمه صغيره جدا علي جانب راسه لكنها ظلت بور لفتره طويله رغم كل المحفزات والسماد والكريمات

يقضي وقتا طويلا في محاولة جلب الصوف اليها من الجوار ايضا عمنا عبدالرازق الدرديري كان اصلعا في منتصف راسه ولكنه كان لايترك حتي الجوانب امعانا في الاستمتاع بالصلعه