|
|
03-06-2010, 07:56 PM
|
#1 | ||||||||
|
الذكري الرابعة عشرة لرحيل مصطفي سيد احمد
الذكرى الرابعة عشرة لرحيل مصطفى سيد أحمد صحيفة الوطن 16/1/2010 يقول مدني النخلي بأن هنالك قصة غريبة حصلت قبل وفاة مصطفى سيد احمد بحوالي عشرين يوماً وهي : كان الراحل في ذلك اليوم عائداً من جلسة غسيل الكلي وكان اليوم هو الأربعاء ، وبالطبع هنالك مرضي آخرين يغسلون في نفس غرفة الغسيل مع الراحل مصطفي ، وكان احدهم قد غطت طعنات إبرة الدريب علي كل جسمه بحيث لم يبق مكان ليس به ضربة إبرة ، مما يضطر طاقم التمريض بأن يغرزوا إبرة مكان إبرة قديمه ، وهنا يحدث الألم الشديد وقد شاهد الراحل تلك الآلام علي وجوه المرضي ، وعند عودته إلي البيت لم يجد نفسه إلا وهو ممسكاً بالقلم ليكتب مقطعاً شعرياً حول تلك الحادثة ، وقد أسماه ( ضرب الإبرة فوق الإبرة) ثم طلب من مدني النخلي تكملة النص ، ولكن مدني لم يستطع ذلك حتي لا يسبب معاناة جديدة تذكر الكروان بضرب الإبر عند غسيل الكلي، ولكن بعد رحيل مصطفي كتب مدني مقطع قصيدة الراحل ثم أكملها ، وكان المقطع الذي كتبه مصطفي سيد احمد يقول فيه: ضرب الإبره .. فوق الإبره راسم زي وشم..فوق ساعدو كل مايقول قريب تعكس ظروفو .. تباعدو راكز ..في الزمن ماطر سماهو ورعدو فوق حدب الصبُر مترجي ..زولو الواعدو وبعد رحيل الكروان أضاف إليها مدني النخلي قائلاً: غنيلنا ..قول يازول بُعد السمافه براح من جرحك النزاف رسِّل .. غناك صداح نوِّر مداخل الليل بصبحك الفضاح شِد الوتر ..دندن وأفرد نداكَ.. وشاح طيور القمري.. ماغنت ولا لوّن مداك شادي حليل ولداً بشيل همّك شرّ غناهو في الوادي نده مطراً سحايبو ملت وشتت برقو عبّادي وليد الصابره ( ست الجيل) * رقد واقف قصاد النيل حبيباً جرحو فينا نزيف وفكراً فاتح التأويل مرق من بين ضفاير البنت حبيبتو اللونا.. كاكاوي نهارا شمالي .. كتـّاحه مناخا جنوبي..غرباوي دخل شرق الحِلم حفيان سند ظهراً .. حناهو الهم حليلو الكان جميل النم حليلو .. البينّا خوة دم تلك كانت ضرب الإبرة فوق الإبرة التي تحولت من قصة معاناة إلي مرثية بلون آخر من الوان مرثيات مدني النخلي المتعددة ، فالرجل لايزال وسيظل مسكوناً بحب صديقه كروان السودان الراحل مصطفي سيد احمد نعم سيظل وجع فقد هذا الكروان هو وجع القصيدة السودانية علي إمتداد مساحات الزمن وعلي إمتداد تراث وتاريخ الفنون والآداب في بلادنا |
||||||||
|
|
03-06-2010, 08:13 PM
|
#2 | ||||||||
|
بين سجن وبيت اشباح كلمات مصطفى سيداحمد **************** بين سجن وبيت اشباح وعطالة ودم مباح ومزلة تودى الغربة والغربة جراحة جراح والحل فى بلدك زاتة تتحدى سلاح بسلاح تهزم خفاش العتمة ويغسل سودانا صباح ************ الخمج الماحق سوقنا من بعض وفا المحتاج والعبرة الرابطة حلوقنا من فيض كاس الدجال الوهم الداير يسوقنا اصبح مفضوح الحال ما فضل الا مروقنا وبسلاحنا نعدل الحال بسلاحنا نعدل المال ********* يا غضبة نيلنا الطامح وكتين يكسح طوفان يا سيل الشعب الجامح فى الثورة بعد عصيان يا ضراع الولد الجارح بسلاحك فى المليان الكى للالم الناتح والعبرة لكل غبيان |
||||||||
|
|
|
03-07-2010, 05:05 AM
|
#3 | ||||||||
|
خالد تسلم هذه اضافه حقيقيه |
||||||||
|
|
|
03-08-2010, 03:22 AM
|
#4 | ||||||||
|
رسالة لمصطفى سيدأحمد
رسالة لمصطفى سيدأحمد مسافة الشوق رسالة لمصطفى سيدأحمد التوقيع: مدني النخلي (1) حُسن النية ما كفاك حُسن النية لو كفاك ما هزيت ضفيرة الروح على الوطن الصبح منفاك ولا اتراخيت.. صعب تتنحى عن مبداك ولا اتواريت خجل.. بكيت عيون الوردة في مغناك فيا وجع الدماير قوم شقي ومهموم.. شوف النيل رماك منديل على شوق ضفتو الفاقداك محيَّر فيك وحتى الآن نفضت من الأسف روحي مشيت لو قلبي يتناسى وبندهك أواخر الليل زمان الشوق يهد الحيل تطل من نجمة وناسه ترش الضي على ناسا تباري النيل.. عشق وهديل حروفنا تدغدغ إحساسا تجي وملهوف.. تعاين وبالبصيرة تشوف وجيه العالم المخطوف تصد مأسوف على القلب النفر بالناس.. (2) مسافة الشوق وراك لا هينه لا بتنقاس.. فلا زهر الغناء الواثق دفق بعدك شذى الأنفاس ولا قادر رحيح الزيف يغطي مساحة الإحساس ولا زال مقعدك في الروح نداء الذكرى العبيرا يفوح مردم شال.. سحابك فال مرقت من العَصَب والشوف مكان ما طاف غناك اطياف تهدم في قلاع الخوف تسو عوسك.. كلاماً ني مردو النار وفي الزمن الكتر قبحو طغو الاشرار.. كروش وتجار.. مغول وتتار.. وناديناك وقدمناك وسليناك.. سنا السيف المرق بتار هديناك للبلد مسدار وعمدناك وليدا البار وودرناك.. ودرناك وفاقدك ليل اغاني حميمة للضايعين (3) وهملناك رمتنا الخيل سبونا الجونا قرمانين وراك بكت الغمامة السيل وجفت نضرة الياسمين وراك خربانة يا ابو السيد وكترو الإدعو التفنين كُتار الموجة ركبوها من السخف الحصل عايمين ومحزونين.. ومجروحين ومكلومين.. بلد بي حالا مكلومة تحنس في ظروفا أبت لئيمة وماده قدومه ولا زال الحلم محظور ولسه الضحكة مكتومة على مد البصر حلاّل تعاني الحال ومأزومه على مد البصر اطفال شقية حزينة محرومة على مد الكلام مفجوع حديثك عن بنات الحور وحلمك بي مداين النور.. وشوقك لي سواقي تدور ومديت العشم اشواق تخدر في الاراضي البور وسويت الاغاني زهور وفت لقينا جفْ النيل طفت الريح سناء القنديل محل ما تميل اسانا يميل فرحنا إستمرأ التأجيل مطرنا الكان سحابو هميل.. نسانا وغاب هجرنا عديل كِبِر جرح الفجيعة نزيف وفقدنا وراكا (ست الجيل)* |
||||||||
|
|
|
03-08-2010, 03:47 AM
|
#5 | ||||||||
|
سيد أحمد الحردلو
سيد أحمد الحردلو واحد جميل - 1 - تانى قام واحد جميل فى بلدنا ... ماتْ وكان بغنى للمساكين .. والمسولتين .. والحفاتْ وكان بغنى للمنافى .. والعصافير .. والرعاتْ وكان بغنى لى بلد فى الحلم ... جاي .. أغنياتْ وكان بطنبر .. وكان بدوبى .. للحياةْ - 2 - تانى قام واحد ملك ... روّح .. وفاتْ وكان ملك فى الريد ... وإنسان فى الصفاتْ وكان مهاجر فى دموع كل البكاتْ وكان وتر مشدود ... ومسكون دندناتْ وكان - عليه سلام - تقول مازول حياةْ - 3 - يا مصطفى ..... فاكر الجماعة الكانوا ساكنّك دوام من منفى لى منفى ومن عود ... لى سفرْ فاكر العصافير المسافرات دون جواز فاكر اللى داجّين فى المطرْ .... عبدالرحيم ... وهلم جرْ فاكر القطر فاكر النخيل .. فاكر الحراز ... الليلة كانوا جميع هناك قسماً يمين .. كان الجميع باكين عليك كان المطار فارش عليك كان الجميع مشتاق إليك ياسلام عليك لمّان تكون زولاً عزيزْ عنْ ناس عزازْ - 4 - يعنى كان لازم تفوتْ والحزن مشرور فى البيوتْ والدنيا مازال فيها حوتْ .... وفيها لسع .. عنكبوتْ !! .... يعنى كان لازم تفوتْ وتخلّى أوتارك سكوتْ ولسة عندنا ريد جديدْ ولسة عندنا ليك قصيدْ ...... يعنى كان لازم تفوتْ وتخلى هذا الحب يموتْ ! - 5 - ياسلام عليك لمّان تكون زولاً عزيزْ عنْ ناس عزازْ يا سلام عليكْ سيد أحمد الحردلو - الخرطوم - يناير 1996م . _________________ |
||||||||
|
|
|
03-08-2010, 03:58 AM
|
#6 | ||||||||
|
أملنــا الباقـــــــــــــي الشاعر مدني يوسف النخلي أملنا الباقي يسرح بي وأهاجر لي زمن تاني وتبقى الدنيا في عيني هدأة موجة في بحر الأسى الممدود هجعة خطوة في سكة فرح مفقود رجعة غنـوة درب الضنا المهدود وأفتش ليك حناني معاي أماني تصارع المكتوب عشانك .. لا مسافة تطول ولا بتصعب معاكي دروب وقلبي عليك وعلى الوعد الحزين مصلوب وراجع ليك أجيك فارساً يشق صمت المتاهة الطال مواعدِك بي حكاوي الشوق وبي شمساً وراها منال وبي فرحاً يغرِّد في سماك ألحان ويجيب البهجة للأطفال عشـــــم باكـــــر مدني يوسف النخلي في عينيك عشم باكر .. ما إنتي القمر كلو .. والشمس والوشاحة ورود .. وزغرودة بتزف للناس .. خبر زمنا جديد مولود .. لقيت غيرك بضيع إسمي .. وأكون أنا حي وزي مفقود .. وفي عينيك عشم باكر .. لاقيني يا عشقي الخرافي .. لاقيني قبال الزوال .. لاقيني في كل المرافيء .. زفات ربيع وفرح طوافي .. وانشر في حزن السنابل .. زي ضياع كل المشاعر .. وأمشي قبال الصباح .. وزعي الطل للأزاهر .. وأبقى يا شوقي الخرافي .. خير يغيم شقى الفيافي .. لاقيني يا شوقي الخرافي .. لاقيني قبال الخيال .. غنوة من أزمان بعيدة .. طالعة من صخب الدميرة .. تلقيني راجيك بالأماسي .. وفي المراسي والملمات الخطيرة .. إحساس بالأمل مدني يوسف النخلي أديني إحساس بالأمل .. مع كل رحلة شوق تطول .. وأدي الخطاوي الراجعة ليك .. في سكتك وهم الوصول .. ما الدنيا كلها إنتظار .. والإرتحال قدر الفصول .. الموجة تحلم بالضفاف .. والغيمة تحلم بالهطول .. راحل معاي ضي الأماني .. وذكرى للأيام هناك .. لحظات بتذخر بالمعاني .. وكيف أنسى تذكارات هواك .. تتخلل الغربة ونعاني .. ونصبر عشان نكسب رضاك .. ونغني لو زار الحنين .. يا ريتو كان سفراً معاك .. شايف مداينك في البعيد .. وبيناتنا ممدود الطريق .. كيف الخيول بدت الرحيل .. جوانا كم جرحك عميق .. جفت حدايق الروح وراك .. والزهرة عدمانة الرحيق .. أدينا إحساس بالندى .. في سكة الضنا والحريق .. وأدي الخطاوي الراجعة ليك .. في سكتك عشم الوصول .. |
||||||||
|
|
|
03-09-2010, 11:55 AM
|
#7 | ||||||||
|
بين مصطفى سيد احمد وخالد الصحافة
بين مصطفى سيد احمد وخالد الصحافة يقول مدني النخلي : من الاشياء التى لا أنساها أبدا هي عندما أتي الفنان خالد محجوب(الصحافه) إلي الدوحة وطلب منه مصطفي قبل إسبوعين من وفاته أن يحفظ لحن أغنية محددة ليتغني بها خالد ، وأمسك مصطفي بالعود وطلب من خالد مصاحبته بالأورج ، كما أدار مفتاح المسجل لكي يحفظ اللحن في كاسيت، لأن مصطفي كان لديه تفاني عجيب مع الواعدين ، وتأتي المقادير أن يسافر خالد الصحافه إلي البحرين القريبه من الدوحة جواً لإحياء حفا للجاليه السودانيه هناك ، فتوفي الكروان بعده بيومين فقط ، فغفل خالد راجعاً ليكون في وداع الجثمان قبل نقله إلي الخرطوم000 وقد كانت تلك الأغنيات التي تم تحفيظها لخالد هي (علمي عيوني السفر) وأيضا ( بنحكي ليك) والتي كتب مطلعها الأول الكروان مصطفي وأكملها مدني :النخلي ، وتقول مفرداتها لما تروق بنحكي ليك عن الغربه وبحور الشوق وكيف صِبح المحال رحّال يلميلم في زمن ممحوق نهارات الأسي الحراق وقبل الراحل المحروق بنحكي ليك كان ذلك هو مطلع الأغنية التي كتبها الكروان بخط يده والذي لايزال يحتفظ به الأستاذ مدني النخلي، وبعد ها أضاف مدني حينذاك باقي القصيدة ، حيث يتضح مدي التوافق ومدي إنسجام الإحاسيس المسكونه في وجدان كل من الكروان الراحل مصطفي سيد احمد ومدني النخلي: بنحكي ليك عن النجم القدُر ماكاس.. شرد تايه وليلنا الدقّ ميس الليل عن الوتر .. الرطن مشدود نزف مشدود صليل سيفنا رباط الخيل عن كل الوقف سردب أخو البنوت ضرا المشكوف ذخر الحارّة .. جمل الشيل بنحكي ليك ولأن مدني النخلي كان يعرف حقاً مدي حب وتعلق والدة الكروان الراحل مصطفي بالسيدة والدته ( ست الجيل) في ودسلفاب ، حيث كان مصطفي يتحدث عنها كثيراً وبتضحياتها من اجلهم ، وكانت مثلاً للأم الرمز ، ولذلك فقد كتب فيها الأستاذ مدني النخلي هذه الأشعار: ست الجيل .. الطرب العالي نجم الأمل .. الببرق عالي يا متكيه علي الطوريه واطيه الجمره وصافيه النيه وآه من حزنك ياقمريه *** آه من جرح الوالده الفارق خلا غمام البلد يتباكي من تالاكم .. لي تركاكا وآه ياريح الحزن العاتي ياالبددتي الأمل الداخل حس الورده.. وجايي يتاتي خشم البيت العامر فاتح ضم الناس .. وهبوبو تكاتح وعصراً بدري .. مرقتي تغني للأرياف والناس الكاتحه ضد الزيف والجهل المدّد ريح الهم والمرض الكاسحه وزي ما غني وليدك وأطرب إنتي كمان غنيتي حزينه شدّوا بِكا شجر وادينا عمّق فقد الوالده حزينه وفقدك أعظم يامسكينه |
||||||||
|
|
|
03-09-2010, 12:21 PM
|
#8 | ||||||||||||
|
المشرف العام
|
ورحل الاستاذ
قلت أرحل التجاني سعيـد .. قلت أرحل أسوق خطواتي من زولاً نسى الإلفة أهوم ليل أسافر ليل أتوه من مرفى لي مرفى أبدل ريد بعد ريدك عشان يمكن يكون أوفى رحلت وجيت في بعدك لقيت كل الأرض منفى عيونك زي سحاب الصيف تجافي بلاد وتسقي بلاد وزي فرحاً يشيل مني الشقا ويزداد وزي كلمات بتتأوّه.. تتوه لمن يجي الميعاد وزي عيدا غشاني وفات عاد عمّ البلد أعياد وزي فرح البعيد العاد وزي وطناً وكت اشتاقلو برحل ليهو من غير زاد بدون عينيك بصبح زول بدون ذكرى وبدون ميلاد رحلت وجيت في بعدك لقيت كل الأرض منفى زمان الفرقة والتجريح بسيبو عشان تشيلو الريح بسيبو عشان صحيح الذكرى بتّوِّه عمرنا صحيح وإنتِ معاية لا بندم ولا بقضي العمر تبريح أصلو العمر شوقا كان حزنا كان وصبرا كان فسيح وفسيح أصلو العمر كان دربا مشيتو كسيح وكان غرسا سقيتو بكى وقبضت الريح رحلت وجيت في بعدك لقيت كل الأرض منفى منــــــفـى منــفـى مـنفى
|
||||||||||||
|
|
 |
|
|
 |
 |
 |
Linear Mode
