عسل سوداني

[عبدالمنعم]

ريدِن من قديم أنا كت مسيهو لباسي
وإنت الليلة أصبح تركو عندك قاسي
كل ما تهف ليك نايرة أم كلاماً راسي
نقراتك تزيد وانا دوب كتر هلواسي

اجدع اجدع اشجينا

[صادق محمد عوض]

[grade="00008b ff6347 008000 4b0082"]الدماع جرن نص الليالي الداجه
الالام في الكبد نار اللهيب الواجه
السبب القبيل خلانا جوه اللاجه
بسام الشويفعه اللافحه قلبي وهاجه[/grade]

[صادق محمد عوض]

[grade="00008b ff6347 008000 4b0082"] كاتلني السهاد لي الفي الفريق مشكوره
في لمة فساد تب هي ما مذكوره
النوم ابا وكت الخلوق مستوره
شايلاهو القليب ساوياهو لعبة كوره[/grade]

[عبدالمنعم]

ليل الغمة هوّد والبروق إتلالن
دموع الوجعة جن ذي السحابات شالن
مَلَن قِرب العيون لكنهن ما سالن
مُو من قِلهن بس في الوجــــه ما خالن

[صادق محمد عوض]

[grade="00008b ff6347 008000 4b0082"] يا خلي الخليل خبر اللهالي ان جابو
كترلو القنيص وارقدلو في ديدابو
الشلخ المحوكر الدمعة تتدلابو
وريقك احلي من تمر اللفندي الجابو[/grade]

[عارف عبد الرحمن]

كم شديت علي ضهر البِهمْك الشوكْ
وكم كرَّف قُروناً عَبَّكِن دايوك
أمانةَ يا حسن تاخد عشا الولدوك
ياتو الخَلَّسك وكت العساكر جوك؟

[يوسف طه]

تميل زينوبة زى البان يمين وشمال تودى الطوق
واخوان ام شلخ ينكبو جوه الداره
زى صقرا نزل من فوق
ضرب الصوت والركزة بيفرق الناس
عشان زينوبة ما بتحوق
وعاد تتحزم الجنيات وتتنظم تقيف في روق
وكل واحد يهز ضرعاتو والحجبات تزح لافوق
جفير الخوسة فايت الكوع
وسيرو مع العضل مطبوق
والطاقية تحت الحاجب المعقود
هدية أم زين وما مشرية من السوق
.

[صادق محمد عوض]

الداير الجمال العادي يمشي ود اب شام
يلقي العايديه ديفة الروقل القدام
كفلا عالي ما زادوهو بالهدام
وعندها سلطة تحكم زولا بالاعدام

[عبدالمنعم]

كيف أهنا وأعيش وأنا صبري ولى مودع
وسببي الرخرخ المن قام صغير متــــفدع
جنيت وجني جنّ وحالي أمسى مبـــــــدع
أهج شقيش أهج... فاضلي تاني أجــــدع