نطالب إدارة قناة الجزيرة بالاعتذارللشعب السوداني

[محمد ابراهيم احمد ابراهيم]

سخر محلل قناة الجزيرة الرياضية التونسي طارق دياب من السودان وهو يعلق على خروج منتخب إيطاليا من كأس العالم بانتقاده للمدرب ماتشلو ليبي بقوله: (لا أعرف من أين أتى ليبي بهؤلاء اللاعبين هل من السودان ؟؟) مع ابتسامة صفراء مع زميله نبيل معلول وبعد أن قاطعه المذيع حاول أن يعتذر وهو يضيف اسم تونس مع السودان

نطالب إدارة قناة الجزيرة بالاعتذارللشعب السوداني

[عارف عبد الرحمن]

لماذا يعتذر طارق دياب ؟ ومعه حق ومليون حق .. أين كرتنا التي نتباهي بها حتي نقنع الناس بأننا نلعب كورة .. وين لعيبتنا ما كلهم فلاتة .؟. والآن صاروا توانسة وفلس ..طين كمان .,لما اكون عندنا لعيبة ممكن عندها نزعل .. أذا كان يدير كرتنا في البلد نفرين لا علاقة لهم بالكرة بس عندهم فلوس أين عرف جمال الوالي ولا صلاح أدريس الكرة ؟؟ في عهدهم منتهي التخبط والفوضي .. لو قروش حلال كان ودوها في مكانها الصحيح..وجايبين عتالة العبوا في السودان .. والتوانسة الجابهم المريخ في علمك ليس لهم أندية .. يعني فائض وسقط متاع وناس زمان عمرهم الأفتراضي منتهي .. نفخوا فيهم الروح ونفضوهم ولمعوهم بشوية ورينش ولماع وجابوهم لبلد السجم دي والجماهير الغبيانة تشيل وتهتف .. والمحرش ما بكاتل .. قال كرة قال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟

[صادق محمد عوض]

يا عزيزي ابو عبد الرحمن.... ده الكلام.....والحكاية ما كورة وبس.... الحكاية حقت الناس الما عندهم علاقة بطبيعة العمل... ويمسكوهم مناصب ادارية والكورة جزء من انهيار وطن كامل.... كل واحد مختوت في مكانا مو مكانو... والنتيجة الانهيار... والتخطيط الساذج لا يولد انموذجا.... وفاقد الشي لا..... عموما نحن كده والزارعنا غير الله اليقلعنا.... والما عاجبو باب الهجرة مفتوح.... كندا.... استراليا.... انجلترا... امريكا..... وحتي اسرائيل.....

[عبدالمنعم]

كنا نتوقع رد فعل قاسى من السفارة السودانية بالدوحة على أسوأ الفروض تحريك الموضوع ورفع دعوى قانونية ضد قناة الجزيرة لرد الاعتبار للشعب السودانى ولكن للاسف الشديد لم يحدث شئ من هذا القبيل فقد تعود السودان على أن يتلقى الصفعة تلو الأخرى دون أن يحرك ساكناً ، قبل أيام تعرض السودانين لإساءات وتجريح وعبارات عنصرية في لبنان ولم يحدث شئ
إن إستمر الأمر على هذا المنوال سنكون ملطشة للشعوب

كل الحق مع المعلق فعلاً نحن ما عندنا كورة ولا عندنا لعيبة ولا إداريين ويزكرني موضوعك بموضوع اعتقد انو انت الكتبتو عن أدب الاستقالة وهاهو رئيس اتحاد الكورة
في فرنسا وفي ايطاليا في طريقهم لتقديم استقالتهم بعد خيبة الامل الكبيرة والفشل الشنيع في كاس العالم والمستوى الهزيل الذي ظهرت به فرقهم 0000وين شداد من
الكلام دا ياخ التقول مربوط في الكرسي دا !!!!!!!!!

[احمد البدوي]

ان سخر منا طارق ذياب فقد سخر قبله أيمن جاده ، وذلك عندما كانت هناك منافسات عربية في الكويت واشتكى معظم الفرق من أرضية الملاعب حينها قال وعلى الهواء مباشرة : ( أنها أفضل من ملاعب السودان) ........ ( نقطة . سطر جديد )
عمنا محجوب سعداً يحب الكورة ، وكثيراً ما يحضر معنا بعض المباريات .
في آخر مباراة قمة جاءنا وخرج سريعاً . ولما أصرينا عليه كثيراً لاكمال المباراة قال : ( المباراة دي زي الشفتها قبل كده )

تحياتي الاخوان عارف وعبدو...انا معاكم نحن صفر كبير ليس في الكرة فقط, وانما في كل الحاجات لانو منهجنا بقي الرجل الغير مناسب في المكان الغير مناسب....والقصة بقت وجاهات و زي ما قال المثل :عندك مليون تساوي مليون ...عندك مليم تساوي مليم, والا ما كان لقيت ناس متربعة بدون فهم....بس حكاية الاعتدار دي انا معاها لانو حيستمرأ العرب المسألة دي ونكون الشماعة او الحيطة القصيرة للعرب....واخشي تاني ينظروا لينا بدونية زي نظرة المصريين من الصعايدة: الفيهم واللي مافيهم مرمي فيهم....اللهم شيلهم ........او شيلهم

[محمد ابراهيم احمد ابراهيم]

ياجماعه نعم نحن ماعندنا كوره معروفه لاكن ليه دائماً
نتعرض لمثل هذه التحقير لاهل السودان هل هو البلد الوحيد ولا اه
وين العرب من كاس العالم صفر دولى ولا فى راى تانى
والله ان اتصفح فى الانترنت لقيت بعض العرب زعلانين من الكلام دا
ونحن وكان لم يحصل شى

[عوض خضر]

يامحمد انت زعلان لانهم اساءوا لللاعبين ومازعلان من التردي الكامل الذي يتحدث عنه الاخوه في تداخلاتهم اعلاه نعم لدينا اسوأ لاعبين واسوأ اداريين بدل ماتعتذر قناة الجزيره نرجو ان يكون هذا الاستفزاز محفزا

لتغيير الحال ولايغير الله مابقوم حتي يقوموا ببذل الكثير من الجهود لتغيير مايجعلهم في مقدمة الامم الرد علي طارق دياب والذي اعتقد انه لعب مع الرعيل الاول ويعرف تماما من هو اللاعب السوداني في ايام خلت

يكون باعادة سيرة اولئك الذين رفعوا اسم السودان عاليا وليس باعتذار قناة الجزيره ولعلمك اذا ظللنا هكذا غدا سنتعرض لتهكم اخر من خبير كروي اخر في قناة اخري اوصحيفه فهل سنطالب الكل بالاعتذار

[عبدالمنعم]

Originally Posted by محمد ابراهيم احمد ابراهيم

ياجماعه نعم نحن ماعندنا كوره معروفه لاكن ليه دائماً
نتعرض لمثل هذه التحقير لاهل السودان هل هو البلد الوحيد ولا اه
وين العرب من كاس العالم صفر دولى ولا فى راى تانى
والله ان اتصفح فى الانترنت لقيت بعض العرب زعلانين من الكلام دا
ونحن وكان لم يحصل شى

محمد إبراهيم والله أنا أحسدك على نشاطك وهمتك العالية حفظك الله
يا أخي إنت في وادي والناس ديل في وادي آخر
يقولوا ليهم هذا الحقير يسيئ للسودان يقولوا السودان ما عندو كورة طيب لو ما عندنا كورة نبقى ملطشة ؟
في دول كتيرة صفر في الكورة ليه ما بنسمع من يوجه لهم الإهانات؟
مصيبتنا أننا عندما نعارض الحكومة نسيئ للوطن وعندما نفشل في أي مجال نلعن الوطن، ولو كورتنا متخلفة نلعن الوطن ،ولا يوجد من يغير على سمعة الوطن ولا يوجد من يدافع عنه لذلك أصبحنا هدف للسخرية من أشباه الرجال والمخمورين
من يهن يسهل الهوان عليه ** ما لجرح بميت إيلام