|
11-26-2010, 05:47 AM | #351 | ||||||||||||
مشرف المنتديات الأدبية
|
امانة يا قميرية شيلي كلامي ليه وديهــــو اقـريـهو السلام و بي الحال العلي وريهو قولي ليهو ياقميرية اخير الجفا يخليهــــو يرجع يعود يـاني لي اخر العمر راجيهـو
|
||||||||||||
11-26-2010, 10:21 AM | #352 | ||||||||||
|
سمحة مكملة مالياهو لي ودعيني والديس الغزير انا بالعطر راميني طويلة مناصصه عاد المغص ماليني مالاقيتها يامعروف ايش يرويني؟؟؟ |
||||||||||
11-26-2010, 11:57 AM | #353 | |||||||||||||
مشرف المنتديات الأدبية
|
Quote:
يا حاج أصحى هوي سيب الهُيام وأســبابو إت زرت الرسول البارح مسك شـــــــباكو أنسى الريد خلاص خل ناس (هناي) يتباكو أحفظ حجتك أوعاك لا صــــــعوط لا تباكو
|
|||||||||||||
11-26-2010, 05:31 PM | #354 | ||||||||||
|
يوم شفت الغزال وحديثو كلو قوافى زكرنى العسل سايل منقط وصافى الحالة العلى تعبان مشحتف وحافى وما فادنى النضم حد ما رميت أوصافى |
||||||||||
11-26-2010, 07:17 PM | #355 | ||||||||||||
مشرف المنتديات الأدبية
|
الصادق أخوي في غيو ماذال ســــــــادر كل ما يشوف غزال في شِعرُو يبدا يعافر ذكرني الحبيب الديمه جــــــــــافل ونافر كل ما أقول ســــــلام يهرب بعيد ويسافر
|
||||||||||||
11-29-2010, 08:51 AM | #356 | ||||||||||||
مشرف المنتديات الأدبية
|
إسـمِك مَـاسْــــــــــــــكو لَـيْ تَعْـوِيــزه لو دافنشي شافِكْ ماكان رَسَم مُوناليزا ســــــــفراً فـي عينيك مِنْ دون فِيــزا تَبْقى نِهايتو عِـندِك يا العليَّ عَــــزيـزه
|
||||||||||||
11-29-2010, 10:18 AM | #357 | ||||||||||
|
ام حاجبا قرن صقرا فرد لجناح يحدر للموهطه جنب الخشيم ترتاح الشامه التخلي دم العروق نتاح سرقت للعقل وخيالي فيها انداح |
||||||||||
11-30-2010, 05:55 AM | #358 | ||||||||||
|
أشتهينا العسل والله يديكم العافية منعم وصادق لكن مسعولين من الخير دحين ود البدوي ما مطول منكم
|
||||||||||
11-30-2010, 09:41 AM | #359 | |||||||||||||
مشرف المنتديات الأدبية
|
Quote:
حباب ســـيد الخيــــــــــــــــول الديمه كارّه ووارده الأسد النتر خمش الغزاله الشــــــــــــــــــــــ ــــارده جيتك خـــــــــريف والله خدّر يباس الجـــــــــــارده جيب الخروف يا الصادق ما دايرين مرارتا بارده تخريمة: عاطف عامل نايم من كل المنتدى القريب منو يحركوا لو أمكن
|
|||||||||||||
11-30-2010, 02:07 PM | #360 | |||||||||||
|
Quote:
يا مونة الضعيف وشبع اليجيك متجوع شقاق لجة الوكرة الوحـــــوشا تــروع قشاش دمعه المحزون صبح متــلوع فيك سمح الصفات للخير تكيل وتنوع كتل ملف: اخوة اعزاء كانو يثرون البوست اختفوا في ظروف غامضة.... عاطف.......ودنورين..... امير حمدان...... واخرون.... انشاء الله المانع خير.... وجيدا جيت يا مك.... |
|||||||||||
|
|
|