الاندومي

باختصار شديد سم قاتل يسري في الجسد فهي تحتوي علي مادة e621 وهي اخطر مادة محسنة علي الاطلاق وانها تسبب تسمم المخ وتسبب فقدان القدرة علي التركيز واجمالا تقود الي الغباء والشلل الرعاش والزهايمر والصداع .
بعد دة كلوا العايز ياكل مايكتر منها وابعدوها من الاطفال
والله الموفق

لاحول ولاقوة الا بالله ده كله يطلع منك يا الأندومي الله يحفظنا من المصائب البيصنعوا لينا فيها ونحن نأكل ساي ماجايبين خبر.... سلمت ياأخ ياسر معلومات مفيدة جدا" تشكر عليها ...وفسرت لي حالة الزهايمر العندي دي كان سببها الاندومي!!

[عبده مصطفي إبراهيم]

الأندومي دا شنو.........لغاية ما مرقنا من فطيس ما سمعنا بيهو

[عارف عبد الرحمن]

دومتك أن شاء الله بعدارة لايوقة أصقعك بيها .. الاندومي ياخي أكلة من اكلات شرق آسيا وتشتهر أكثر في أندونيسيا وهي حقيقة الامر شعيرية عادية مصنوعة من الدقيق ومعها زيت وبهارات في كيس صغير دخل كل حبة وبنكهات مختلفة ـــ نكهة دجاج ــ شعيرية مقلية ـــ نكهة خضار ــ نكهة البصل . في مكة مصنع كبير لتصنيع الاندومي .. والشعب السعودي يموت في الاندومي لانها سهلة الطبخ وسريعة لا تأخذ منك دقيقتين .. شوية موية وتكتح الأندومي ..ــ بس موضوع ما يضاف له من حاجات دي ما عندي فكرة عنها وعند ياسر الخبر اليقين .. طيب ياخونا ياسر نحن بنوزع كل شهر ما يقارب 2000 كرتونة أندومي .. بنكون كده ساعدنا في أهتزاز الكرة الارضية ؟؟ وماذا علينا شرعاً في هذا الامر ــأفتنا بارك الله فيك

[عبده مصطفي إبراهيم]

اهاااااااااااااااااا.......... ...وقع لي تب...بس ما تقول لي دخلت الحلة "القرية"

لان الكلام الجابو ياسر دا.........محن.... ما أظن نقدر عليها

Originally Posted by ياسر مهدى ابراهيم

تسبب تسمم المخ وتسبب فقدان القدرة علي التركيز واجمالا تقود الي الغباء والشلل الرعاش والزهايمر والصداع .

فيس مش قلت -في بوست سابق- ورق الزيتون بيعالج السكر والزهايمر والصداع والشلل؟؟؟؟؟؟
طيب مجنن الناس مالك؟؟؟؟خلي الناس تاكل اندومي بالزيتون....

ياجماعة ابحثوا في النت وشوفوا كلام احيرك عديل كدة وصل لبعضهم الي انة يتكون من بعض عظام الحيوانات ولكن قد يكون ناس اندونسيا وماليزيا صناعتهم تختلف شوية في المكونات ( وناس المواصفات دايرين راي منهم )