اهلا حبابكم في فطيس

[عبده مصطفي إبراهيم]

كنا ننتظرك بلهفة...........لان حلمك هذا "تاورنا" من فترة ليست باقصيرة .....ولأن اسمك كان يأتي مع كل إقتراح
أهلا وسهلا بيك.............وكلماتك بها كل المعاني المحتاجين ليها ليكون هذا العمل......نموزج للتلاقي وتبادل الأراء
وطرح القضايا.......ودفع الدين لفطيس............لك التحية دوما
عبدو مصطفي

[مأمون عبد الله النور]

شكرا كثير ا-بالترحيب
ونتمى أن نكون عند حسن ظن جميع الإخوة

[يوسف طه]

استاذ مامون حبابك عشره والبيت بيت
ابقى داخل وفى انتظار ذكرياتك الجميله
ومشاركاتك .
مامون لكن راجع حكاية ابننا عبده دى
لانو الفرق بينكم ما كبير صدقنى الراجل دفعه

[عبده مصطفي إبراهيم]

Originally Posted by يوسف طه

استاذ مامون حبابك عشره والبيت بيت

ابقى داخل وفى انتظار ذكرياتك الجميله
ومشاركاتك .
مامون لكن راجع حكاية ابننا عبده دى

لانو الفرق بينكم ما كبير صدقنى الراجل دفعه

ههههههههههههههه........يوسف بالناسبة حرم محتفل بعيد ميلادي 32 يوم السبت الجاي.......كان مغالط اسأل النسايب
خلاص فارقتكم...................شوف ليك ذول قرا معاك

[مأمون عبد الله النور]

يوسف حبابك -
ياخي عبده ده مالك معاه -الزول ماكبير وأنت كمان
وشوف 32 دي يعني نحنا كم 35 جزاك الله خير والله
وكان كدي إت ما بتزيد من 22
شنو ليك جيهتك ولا لا
تحياتي

[ودالشايب]

ياسلام يارايع يا ودمصطفي مليوووووووووووووووووووووو وووون مبروك علي الاطلاله البهية للاولاد حلتنا البهية

[moawiah ahmed salim]

يا عمو 32 سنة ( احم احم )

[مأمون عبد الله النور]

الحبيب معاوية
أولا والله بالجد متلوم معاك كثير -وياولدي حبابك -والله بالجد أجمل حاجة في هذا المنتدى أن نتلقي شباب مثلكم حرمنا منهم الزمن زظروف الغربة التي شتت وما فتئت تشتت حتى يومنا هذا
فيا معاوية والله كل يوم عايز اسلم عليك والله ماقادر -مشغولية بس-على العموم لك منى تحية خاصة
أما بخصوص الـ32 دي ده كله من ود حامد طه ده داير يفتح لينا موضوع أعمار وما أعمار - فالراجل ما قصر خلانا دفعة عبده مصطفى وشكرناه على كده ما تحكها كثير
وياولدي نحنا صلعتنا وشيبنا وصلو الحد -مع إنه في ناس دفعتنا ما برضو الكلام ده -
ختاما التحية ليك مرة أخرى -التحية لكك أزهار فطيس المنورة بالمنتدي بلا أستثناء
وبعدين ياجماعة حكاية أستاذ مكبرننا بيها شوية -ينط ليك يوسف حامد طه يقول ليك أستاذ مأمون درسني (أها دي بتنبلع كيف)

[عبدالملك مصطفى]

الإخوة الاعزاء : لكم التحية والتجلة وعبركم أحييكم وأحي فيكم تلك الروح الحماسية تجاه الوطن الصغير الأم الحنون فطيس وكما قال أستاذنا الأخ مأمون فلتكن هي بداية رد الدين لمن تدين لنا بالكثير الكثير وبدءاً به أحيي كل الإخوة الكرام. فلنتنادى جميعاً لشحذ الهمم للإرتقاء بهذا الصرح الذين احسبه سيكون هو ظلنا ساعة يشتد الهجير.
وزي ماقال عمر الطيب الدوش ( لقيتك في طشاشي دليل وفي حر الهجيرة مقيل) .
التحية للكل ؛؛؛؛

[عثمان الخليل]

انه حقا لفخر لنا ان تكون لنا مساحة نلتقى فيها أبناء فطيس الحبيبة فالى الأمام قدما ببلدنا من خلال هذا المنتدى الرائع والشكر لكل القائمين على هذا المنتدى واملى ان يتم
الاعلان عنه بشكل أوسع لتعم الفائدة
ولكم تحياتى . .......................................عثمان الخليل