الي الاعزاء شباب فطيس

بسم الله الرحمن الرحيم
بداية اهنئ جميع القائمين علي امر هذا المنتدي وحقيقة عمل رائع وفكرة جميلة تدعم وتقوي التواصل بين ابناء فطيس الذين فرقت بيهم
سبل الحياة وكل له غاية من ابتعد بهدف الدراسة او من ابتعد بهدف ايجاد فرص عمل افضل وهكذا .خلافا لذلك تعتبر المنتديات هي المكان المناسب (نسبة لتفرق الجميع في بقاع مختلفة) للتواصل بين اجيال مختلفة
واستفاده كل جيل من الاخر والتقرب من جميع الاشخاص ومعرفتهم معرفة تامة
اتمني ان اكون عضو فعال افيد واستفيد علما بانني مركز علي ان استفيد اكثر من خلال اعضاء المنتدي الذين هم افضل مني بملكات وخبرات كثيرة

[عبده مصطفي إبراهيم]

الأخ أحمد عبدالله النور .......سلام عليك يا راقي.....وألف مرحب بيك ونتمني أن تكون إقامتك طيبة
وراجين منك الكتير
اهلا وسهلا وأبقي لي جوه

[ودالشايب]

احمد عبدالله كيفك ياالحبيب نورت المنتدي مرحب حبابك

[خالد احمد محمد الحسن]

الاخ والصديق احمد مرحب بيك في المنتدي وكنا في انتظارك

[عثمان الخليل]

حبابك احمد والله مشتاق ليك شوق كتير جدا ومبروك على حاجات كتيرة تاخرنا فيها عليك وانت عارفها .. وبحول الله حانتواصل معاك فلك التحايا والأشواق مرة اخرى

[عارف عبد الرحمن]

أحمد أزيك وأزي الوالدة والأخوات واولادك عساك رايق ومروق .. بعدين ياخوي حكاية ملكات وخبرات دي سيبنا منها .. دا هروب نحن عاوزين مشاركات أن شاء الله بمدحة وأنا عارف أنك لا تعجز في أن تتحفنا بالروائع من المواضيع .. فمن كان أخوه براية عجبا أن لا يكون مثله .. هكذا قال الحكيم .. وفي أنتظارك

حقيقة لن تتخيلوا مدي سروري بسرعه ردودكم والتحية لكل الاعضاء وبالذات ود الشايب وخالد احمد وعثمان الخليل
وياعارف تحية خاصة والحكيم القال شنو؟؟؟ من كان اخوه براية لازم يكون براية ؟ اشوف رد مامون اول بعد داك اقول ليك راي
تحياتي للجميع

[عارف عبد الرحمن]

التحية ليك بت بلدنا .. وفي أنتظار رد الأخ مأمون .. وفي أنتظار مشاركاتك ..ودمتي

التحية للجميع وشوقنا كتير للعزيز خالد احمد (12-10 سنين لم نتقابل)
العزيز دوما عارف فات علينا جلوس في الكرسي الساخن وكنت مرتاح خلال جلوسك بالرغم من تسخين عبده مصطفي للشباب باستمرار
كذلك سلامي للاخ عوض عوض ونتمي من خلال جلوسه علي الكرسي ان تعرف عليه اكثر واكثر

[عوض خضر]

احمد حبابك واسعدنا انضمامك للمنتدي