الثالوث

الكلمة دي عندها طبعا استخدامات كثيرة فللمسيحين تعني معني معين وللسياسين تعني ايضا معني معين ولكن سوف استخدمها لمعني اخر وهو ( المراة - والبيت - والعربة ) .
فالمراة او الزوجة للمتزوجين تتلتل الواحد تلتلة شديدة وتعرضة للمهالك كما تعرض قيس وعنتر والكثير من الناس حتي يومنا هذا واخف الناس من يخرج بواحد همر ينهمر علي الراس ويتركة طريح الفراش لمدة ليست بلقصيرة ويتعرض اخرون لعدة انهمارات اوشواكيش ويجعلة يلف في الشوارع غير واعي بما يدور حولة ومن منا لم يتعرض لسلسلة من الشواكيش وفي احصاء قام بة اتحاد الرجال وجد النسبة عالية جدا 99% يتعرضون للشواكيش اي 1% فقط لايتعرضون للهمر شوف بالله نون النسوة تعمل اية ودا يادوبك في البداية وطبعا هنالك طرق زكية للمراة تسلكها في سبيل الشاكوش فمنهم من يتعلل بالقراية - ولسع صغيرة ودايرة تقراء الجامعة وكلها انهمارات علي الراس ومنهم من يبيع الجكس بواحد مغترب جاهز موية ونور وسفر طوالي وطبعا المسكين داك تلقاهو يحسب في نجوم الليل وطبعا انا عارف ناس معانا كثيرين تعرضوا للشواكيش وماداير اجيب سيرتون ومافي داعي للفضائح وبعد العرس دا موضوع تاني .
البيت
قبل العرس الواحد تقول ليك بسكن معال انشاء الله في قطية او في الترعة ولكن بعد شهر من العرس شوف تقول شنو والله انا ما مرتاحة في البيت دا فلانة دي قالت داك وامك دي قايلاني شغالة معاها واخوك ضربني المهم تقوم تاجر ليك بيت وكل يوم سيد البيت اجيك استهلاكك في الكهرباء كتير والموية ماتفتحوها ونحن في الحمام لان الموية ضعيفة وعييييييك المهم ماترتاح لمن تشوف تشتري ليك بيت والبيت ينعمل كيف الواطة بي كم مليون ونحن في بلد المليون ميل مربع ودا السعر في القري كان جيت المدن خمسين مليون مابشترن وانت تكون مغترب ليك خمسة سنين مالحقت الخمسين مليون المهم دا السعر بدون البنيان ولمن تبني يكون حيك انهدم بجاي ..... وجاك خرف مبكر ودخلت في الستين والسبعين وهنا يحضرني موقف طريف لواحد من تجار السجانة اقول تاجر في السجانة ومعروفين تجار السجانة بانهم تجار سيخ واسمنت وحاجات تاني كثيرة المهم الواحد دا قاليك نظيف وظريف وعندو عربية وبجي بدري شاكي القيص والجزمة سوداء المهم قالوا ليك الزول دا كل يوم شايفنوا يجي مَرة مكرفس قميصوا ومَرة مامسرح راسو وجزمتوا وسخانة والفطور مايفطر قاموا زملانوا سالوه قالوا لية يازول ماك عنك شيكات مرتدة ولاشنو الحاصل الايام ديل مازي زمان ................. قاليهم ........... انتوا ماعرفين انا ماقاعد ابني.................... شوف الناس المرطبين ديل بهدلون البنيان تاني تقولي نحن بنقدر علي البنيان .
نجي للعربة
وطبعا العربة دايرة الواحد يكون جميع حاجياتة الاساسية عندو ولو ماعندو طبعا الاختها في الاحلام فقط وممنوع الاقتراب لان عندها مصاريف كثيرة ( البانزين - الزيت وتغير بعض الاسبيرات وهلم جراء ) وهو منصرف اخر مع منصرفات الحياة اليومية وهي طبعا مهمة وبزيد في التقدير الاجتماعي شوية وبكون ليك مكان عند الحبان والناس تاني بجيك من توقف عربتك اسلموا عليك مازي زمان الواحد اجي وامشي ما اجيبوا لية خبر المهم ربنا ادينا البيت السمح والعربة الفارهة والرصيد في البنك
امين يارب العالمين