|
05-08-2011, 01:39 PM | #1 | ||||||
زائر
|
الحاصل شنو
قدر ماتقبل تلقي الحاجات ماياها تمشي المستشفي تلقي اتنين اوتلاتة يادوب في سنا تالتة اورابعة راسن لافي ماتعرف تقعد تنتظر دورك ولا تمشي .... اقوموا اكتبوا لي روشتة فيها خمسة ادوية غايتوا تلقي من الخمسة علاجك ولو عندك عملية صغيرة والله جزارة بس ربنا قايتوا يشفي المرضي والناس تعبانة خالص , ولو مشيت لدكتور اول حاجة الخمسين واهم حاجة .......ودقيقتين مابتقعدين معاهو اوديك الفحص........ والفحص مامعروف بشنو غايتو تخمينات .........وارجع للدكتور والدكتور بدورة اكتب الروشتة والفيها كم دواء .........وتمشي الاجزخانة تشتري اي دواء وفي اغلب الاحوال مضروب ولو مامضروب تكون الجرعة ناقصة ويستمر المسلسل بعد اسبوع اواسبوعين ترجع تاني للدكتور . وناس التطعيم كل شهر بدوروا في الشفع قال الشلل ظهر في الغرب وامسكوا الشفع بالدور تطعيم وديل والله ماعرفين اقفوا متين ولا ماعندهم فرملة ماعارف ........والملاريا تجيك في كل المواسم لاصيف بمسكها ولا شتاء بوقفها ولا ناموسية مشبعة كمان . اما السياسة فامرها عجب لاتعرف الناس ديل دستورهم اسلامي لا علماني كل زول ابلع الحكومة دايرة حق المواطن والمواطن يسف في حق اخوانوا المساكين والكل شغال هبر وجغم والناس نسوا القيامة ودايرين الدنيا والمال والنساء الحسان والعربة الفارهة . اما الاهل والاقارب فكلهم مشقولين من بعض ولو واحد يوم من الايام جاك تقول الزول دا داير لية قروش وتقول تزوق منوا او تتخارج منوا بسرعة المهم ياحليل المحنة وضوقوا ملاحنا وادونا حبة ملحة وحبة شطة وجونا ضيوف ادونا كسرة وملاح وكمان معاها سلطة حمراء واتمني ان لااسبب دبرسة للناس علي الدبرسة العندهم وسوف نواصل لو مدا الله في العمر |
||||||
05-08-2011, 03:18 PM | #2 | ||||||||||
|
ده ما ياهو زاتو المضيق علي الناس...... الجري وراء مظاهر الدنيا...... وناسيين الله.......عشان كده المطر وقف والزراعة بارت...... وتفشي الحسد..... وإنهارت قيم التعاضد...... وأخلاق السودانيين..... وبقي كل زول بي (دينو)... ومافي كبير....... ومافي مقامات...... وما إحترام....... والصورة جد قاتمه ورمادية....... وكلو بيضبح في كلو...... الحل: التوبه والرجوع الي الله..... والقناعة بما أنت فيه وعليه...... والتيقن من أن رزقك ما بياخدو غيرك. |
||||||||||
05-08-2011, 04:14 PM | #3 | ||||||||
|
ياسر مهدي الله يديك العافيه سلكت مسلكا مسكوتا عنه من الموضوع اعلاه نستخلص عدة اسئله تحت نفس العنوان الحاصل شنو الحاصل شنو في الخدمات العامه ان كانت صحيه او غيرها الحاصل شنو في طريقة تعاطي الناس مع اعمالهم الحاصل شنو في اجتماعيات الناس وطريقة تعاطيهم مع بعضهم هذه محاوله لتحزيم الموضوع الكبير في حزم ذات حجم معقول اي حزم تقنيه بالنسبه للمجموعه او الحزمه الاولي يتبادر للذهن سؤال فرعي هل يجب مقارنة الخدمات بين زمان وهسع وكمان في سؤال تاني متي بدا انهيار الخدمات العامه ومتي وصل الذروه ولصالح من انهارت وهل هذا الانهيار مدروس ومخطط له ام انه جاء عفوا نتيجة سياسة رزق اليوم باليوم الحزمه التانيه تعامل الناس مع وظائفهم الغريب في الامر اننا نصل لنفس مفترق الطرق هل يمكن ان نقارن بين تعاطي الناس مع اعمالهم زمان وهسع وهل انهيار ضوابط العمل في الخدمه العامه تزعزع بطريقه مدروسه ام ان المحسوبيه والرشوه والمداخيل التي تشبه العراقي القصير ادت للتقصير ومحاولة كل فرد حل الامر علي طريقته الحزمه الاخيره حزمة انهيار تماسكنا الاجتماعي هذه صراحه نتيجه واضحه تعالوا ضوقوا ملاحنا دي انسحلت لانو طبعا اصلا الملاح مقصر او مافي ملاح في وجبات سريعه تطبخ علي عجل لتتناسب مع سكان المنزل العائدين من اعمالهم الاضافيه منهكين اما موضوع شطه وملحه لااظن هناك فوائض منها خلاصة الموضوع نرفع اكفنا جميعنا اللهم ازل عنا البلاء والغلاء والمحن والكنكشه الهترشه الدبرسه والهلوسه و العنتره و 0000000 |
||||||||
05-08-2011, 09:11 PM | #4 | ||
ياسر مالك بقيت تقلب المواجع.......بعد ما قلنا خلاص....بدينا محاربة الفساد...وغلبنا الافريقي صعب جدا ترميم الشي الحاصل دا.......هذا ليس تشاؤم ولكنه واقع....حب المادة ...والإبتعاد عن رسالتنا هو ما اوصلنا لذلك وعشان الناس تصحي وتسمع كلام أخونا الصادق حريش.........عييك دا دايرلو أجيال غايتو الا تحصل معجزة وتقوم الصباح تلقي كل شي في محلو وكلو ذول شغال بإخلاص لإرضاء الخالق قبل ما يتقل جيبو كترو الدعوات......والله في
|
|||
05-09-2011, 06:49 AM | #5 | ||||||||
مشرف قسم العلوم والتكنلوجيا
|
ما أصعب أن تعيش وحيداً بين الناس أن تبكي بين الضاحكين أن تحزن بين الفرحين أن تتشاءم بين المتفائلين ,,,,, صعبة أن تشعر بالسعادة بينما غيرك تعيس تشعر بالشبع وغيرك جائع تشعر بالرضى والقناعة وغيرك ساخط على واقعه والحياة ,,,,, صعبة اللحظات التي نعيشها قد تكون صعبة بالنسبة لنا وقد تكون صعبة بالنسبة لمن حولنا وقد نراها في منتهى السهولة ابتســــــم ما أسهلها فهي مجرد ابتسامة لكنها عند من فقدوا معنى الابتسامة...صعبة صعبة.. عند من سكنهم الحزن صعبة .. عند من تكبروا على مجرد ابتسامة في وجوه الآخرين والتي يمكن أن تحيي فيهم الأمل ,,,, صعبة هي الدنيا فكلها ابتلاء سعادتنا قد تكون ابتلاء شقاؤنا قد يكون ابتلاء فرحنا قد يكون ابتلاء حزننا كذلك قد يكون مجرد ابتلاء ومن احبه الله ابتلاه فلنفرح بما يبتلينا به حبيبنا ربنا الرحيم فلنفرح بحبه لنا ولو خسرنا حب أحد عباده أو حتى كل العباد لا يهم فما ألذ عذاب الحب للبشر وكم يجرون وراء محبوبيهم لكنه ابداً لم ولن يقارن بلذة حبنا لله ونتمنى أن نتلذذ بحب خالقنا ,,,,, |
||||||||
05-09-2011, 12:46 PM | #6 | ||||||
زائر
|
جيتكم صادي ياحلوين - استاذ( حريش ، عوض ، عبدو ، محمد ) ومنورين دائما ومنورين المنتدي ومدورينوا انشاء الله . طبعا الحاصل دا لسع راقد وتلك اشارات وسوف نواصل في الاشارات بس ناس الحركة ما اقولوا الاشارات دي تعبانة مالا واقوموا اعملوا لينا مخالفة في ايام اسبوع المرور دا الذي شعارة ( الطريق حق للجميع ) نتمني ان يكون الطريق والسودان والمنتدي حق للجميع . لو قدر ومشيت الخرطوم وانت علي طول الطريق تشوف العمارات دي ما تديك الدرب شي تم وشي يادوب احفروا في الحفر وشي الاعمدة لسع اشدوا فيها وشي ما شي الناس دي تبني ساكت الناس دي بتجيب القروش دي من وين والله الحاصل الف راسك عديل كدة وطبعا انا ماحاسد ولكن مستغرب في الحاصل شنو ورونا نبني لينا طابق واحد بس . وطبعا الزلط مليان عربات ماليها حد وجميع الموديلات والله ماتقول نحنا شعوب العالم الثالث ( علي الطلا ...... ) اليابان مافيها الموديلات دي اما الوزراء والجماعة التانين فالامر لا يكاد يصدق . اما الحفلات هجيج جد وبدور اسعال سعال دائما الزفة بموسيقا عربية ( مصرية - او لبنانية - ..... ) مالو الدلوكة واغاني السير بتاعتنا شينة ولا مابتنفع والسوال طبعا محول لعوض صديق والاخرين . اما اللعب في الشوارع والطوب وشليل والعاب الشفع الزمان وكمبلت وام بعيرة واشرب اللبن قدام ...... الخ الايام دي ما شايفا الحاصل شنو الناس دي حصل ليها انقلاب عسكري ولا شنو . واتوقف ولو شاء الله بصد تاني |
||||||
05-09-2011, 02:44 PM | #7 | ||||||||
|
واصل سرد جميل وتتبع سلس |
||||||||
|
|
|