ادخل وسجل اسم المرض فياتيك تقرير عنه - عافانا الله واياكم

[عوض خضر]

كل ما عليكم الدخول عن طريق الرابط التالي



وكتابة اسم المرض



وسوف يأتيكم تقرير مفصل عن المرض



بحث Search

http://links.groupel3lam.com?id=73

[ودالشايب]

حلوه يا ابودرق جاري التجربه

[عوض خضر]

ياحليل ايامو ياود الشايب كان المرض ذاتو اقل تعقيدا

[د.هيثم ابوعاقله سالم]

يا عوض خضر شنو حكايتك يا اخوي الطب دا نحنا قارينو في سته سنين وعندنا زماله من الكليه الملكيه البريطانيه داير تجي تعمل ليك عياده في الحله كمان .وللا شايفننا عملنا ليكم الصوره بالجلاابيه .انا حا اشتكي للمدير العام.التحيه ليك اخ عوض والله الفكره جميله ومزيد من التواصل

[على محمد الحسن عبد الماجد]

سلامات يا دكتور وكيف اخبارك والموقع مفيد جدا ولك كل الشكر

[عوض خضر]

شكرا دكتور هيثم علي المرور بالعكس نحن عايزين المتخصصين زيكم يستلموا الموضوع في المنتدي ياخي افتح ليك بوست استشاره طبيه وخلينا نفضفضليك والله يادكتور الحكايه هنا بقت سايبه خالص شركات ادويه وشركات تأمين تسيطر علي الوضع الدكتور يحاسب بانتاجه اي بعدد الزبائن ( المرضي ) الذين استطاع جذبهم ومناديب شركات الادويه يحملون الكثير من الهدايا للاطباء والطبيب ياخذ نسبه من شركات الادويه علي كل روشته يكتبها اسوأ مافي الامر ان الثقه صارت مفقوده بين الطبيب والمريض وفي حوادث كتيره جدا وقعت هنا للسودانيين خلت الواحد يفكر الف مره حتي يذهب للطبيب وربك يستر اسف للبريه ويامراحب يادكتور

[عوض خضر]

علي شكرا علي المرور شنو الحكايه دخولك علي السريع وينك وين مساهماتك المتوقعه منذ تسجيلك

[د.هيثم ابوعاقله سالم]

تحياتي يا اخ عوض لكن والله الدكاتره الزينا ديل في بلدهم مضطهدين وما مرتاحين ويمكن تكون سمعت عن اضراب الدكاتره الايام دي في السودان والله كرهونا التب زاتو والواحد بقي ما عندو رغبه يمارس مهتو نهائيا .شكرا ليك وموعودين بمشاركات مننا لكن اديها صنه شويه لاننا الايام دي السيد الرئيس كتلر خيرو تبروع بفصل الاطبا جميعا يعني المشاركات بعد نرجع نبقي دكاتره تاني