مباريات في الذاكرة

[عوض خضر]

طيب ياسيدي اديك لكزه مباراه في الخاطر مازالت .المحطه ضد ودابراهيم النتيجه 3/0 لصالح ودابراهيم تقريبا ان لم تخني الذاكره انت احرزت اهداف المباراه الثلاثه وكانت التغذيه للتسجيل ممتازه من قبل الاخ سفيان محمد القرشي السريع جدا والذي يكمل الميدان من الناحيه اليمني ( الطاحونه ) ويبدا في العكس ويستقل بطء وعدم خبرة معاويه مبارك وعندما احتدم الامر دخل محمد عوض ( وسيله ) بديلا لمعاويه مبارك هذه المباراه لاا نساها لتداعياتها ضرب محمد عوض سفيان بمكان حساس وحدثت مشكله بين عاصم احمد عبدالجبار ومحمد عوض وتدخل العم احمد عبدالجبار لردع عاصم وتدخلي لردع محمد عوض تخريمه الف مبروك زواجك واعتقد ان هذه متاخرات ومن مكاسب المنتدي

[عبده مصطفي إبراهيم]

والله يا محمد عوض شكلو الكبر حصل....ولكنها جات راجعها طشاش طشاش......المشكلة ودإبراهيم (الأهلي) دايما غالب المحطة (الضباب) ...ولكن لا يمكن
أن انسي الإفعالات التي كانت فيها روح المرح من خارج الميدان...ومن الأشياء التي لا انساها واعتقد قبل هذه المباراة ذهبنا الي عمك ابدرق لان (ضفري) كان مقلوع
وقلنا ليه خدرو...ونهرنا بطريقته الرائعة ورفض إحتراما للمهنة بالرغم اننا زودناهو بالمخدر والحقنة...وما كان الا انا قمنا بمسحة بالخارج في فترات أثناء المباراة
حتي نقلل الألم.........ولك الشكر وواصل

[عوض خضر]

هاهاهاها والله لا اذكر ان الاهلي كان دايما غالب الضباب ولكن ساحاول ان اجيب ليك المباريات التي لعبها الطرفان ونتائجها من ناس ذاكرتهم احسن اما الكنتو بتغلبوهم طوالي الله بعلم بيهم

[يوسف طه]

عمو عوض بيقولوا الشينه منكوره
مغلوب تلاته وكمان متذكر. بس انشاءالله عبده مصطفى
تكون ذاكرتو زيك ومذكر ال 7/صفر حقتنا فى الاهلى
طبعا اخوك ادارى سابق اقصد قطب نادى.

[عوض خضر]

يوسف حبابك والله مرورك اسعدنا اما اخونا عبده الظاهر ذاكرته اصابها الهرم 7/صفر دي بكون عمليها حذف لكن يوسف في حاجه انت ما تنكرها الناس ديل كانوا بغلبوكم مع اني كنت بشجعكم لكن الحق حق

[عبده مصطفي إبراهيم]

سبعة؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟ دي ما حصلت الا كان حارسنا امير حمدان ولاعبين بالصف التاني...
انت يا يوسف شغل الليل
لخبط عليك الارقام............عارفك قريت كلامي الفوق وقلت النستغل ضعف الذاكرة

[عوض خضر]

لا يا معلم حصلت وكنا علي ذلك شاهدين

[حسب الرسول ابراهيم ابوقرن]

سلام علي الناس التمام
والله شوق شديد يا اخ عبدو
رغم انه مشاركتي متاخره في الموضع اعلاه لكن حرقتني النكيره.
تذكر لما كان حارسكم استريو او بالاصح( الشيخ محمد عثمان سعد ) بعد التعديل
الباك اليمين كان الزين كو
انا براي احرزت 4 اهداف

[عبده مصطفي إبراهيم]

حسب الرسول........كيف يا ذول .........والله الشوق اكتر واتمني تكون بخير
بالنسبة للمباراة دي انت لغبت كل شي..........محمد عثمان حارس؟؟؟؟؟؟؟؟؟؟؟؟؟؟؟؟
دي اول مرة اسمع بيها خلي اكون معايشا
انت جبت أربعة؟؟؟؟؟؟؟؟؟؟؟ دي قوية...
يا ناس ادونا حقائق وسيبو إفتراءاتكم دي
بقيتو لي ذي ناس الهلال وموضوع الكاس المحمول جوا القاطعنو من راسهم
لك التحية مجددا وخليك ظاهر

[عوض خضر]

حسبو ياهلا بيك كويس انك اديت ذاكرة عبدو جرعه منشطه

عبده بالمناسبه استريو كان لاعب خطر وتنقل للعب بين عدة فرق