لو صح "شدد الحاء" بنغرق ونقول ألحقوونااااا

بسم الله
‏ لاحظنا كلنا السنة الفاتت الخريف صح ولو ماشباب الحله ساي كان غرقنا حفرو وسدو وصرفو وفتحو مجاري وفتحو الترعة وساهرو لحدي الفجر كتر خيرهم مابلدهم وبيوتهم ولما إتوفي منو مابذكر ترسو وشطفو الموية حتي بقو للحفر كتر خيرهم ستر الميت واجب أها السنة دي كان الخريف صح غرقنا ذي ماقالو هاك بي هاك قولو لي كيف؟ سألتوني
‏ الجماعة جماعة الحله دي جت شالوا تراب الترعه ونقوها كدا __ بقوها سير بس . طيب وينكم ياناس النجلة قصدي اللجنة عشان تحسوا بالخطر المداهم الحلة . دا كلو هين ولين تصريف موية الحله دي كلو بصب في المقابر ومابدي مجال للحفر في فترة الخريف وشفتو بعينيكم . أها أسي دي حتسوا شنو ألا هل بلغت
‏____‏
تحياتي‎ ‎

[عبده مصطفي إبراهيم]

يا رشا اتوقع الخريف حا يجي فجأة
ومشكلة تصريف الموية دي قديمة بقدم فطيس
قد يكون الحل الأمثل هو جلوس اعيان البلد (ما ضروري لجنة)
ويستفيدو من اخطاء الماضي... ويجهزو من بدري

الأخ عبدة مصطفي
‏ أصبح الغرق باين بينونة كبري لأنو الكبار الذكرتهم ديل أي واحد فيهم ردم حوشو بي دفار كبير تراب عشان المطرة تمرق بووشها زمان بعد المطرة تسمع صوت كشحك كشحك ومواعين ماشة جاية وشباب شغاله قرف جد وين دا اسي مافي وموية المطرة تطلع الشارع وتركن لي فترة طويله بعد الخريف وحتي الشارع الرئيسي بنقفل لي فترة طوييلة وذي ماقال المثل الماعندو كبير يشتري لي كبير ونحن للأسف ماعندنا كبير