|
|
04-22-2012, 10:39 AM
|
#1 | ||||||||||
|
احذروا الشوايقه....... وشهد شاهد من اهلها
هل الشايقية قوم فيهم (غتاتة) ومكر .؟ ظل هذا السؤال يراودني منذ زمن الي ان استمعت الي قصيدة النشال للشاعر محمد سفلة يرثي فيها جواله ويدعو علي النشال (شقي الحال ) بالويل والثبور وعظائم الامور فاستغفرت واشهدت وقلت ان شاء الله ربنا ما يرميني في لسان شايقي  بعدها بحثت عن مجموعة من الاشعار علي ذات النسق ساقوم بنقلها لكم علي مهل ونبدأ بالنشال للشاعر محمد سفله يقول: يشيلك الله يا النشال شلت قليبى ما الجوال لاهو ربيكا لاهو رهيب n90 يسر البال يشيلك الله يا النشال زليت ورقة فوق الورقة اكاتل لى زمن شغال وكم بت القوى وساسقت فوق دربو وهرد ت نعال كلو عشان اوفر حقو كان خدمة ضراع وحلال يشيلك الله يا النشال يغطوك بالفضيحة انشاء دآئمآ تبقى مشيول حال وسرطانآ يعم الجوف يخلى حشاك بلى الغربال صداعآ منو راسك تب يقرب ينفجر بركـــــــــــان وجنآ منو يملوك قيد وباقى القيد يسوهو عقال يقول الشافك هسع اخير البارح آ المحتـــــــــــال ايدك ما تضوق الحنة راسك ما يشوف الفــــــــــال ما تبشر مع الاصحاب من السمحات تشيل شبال وسم تبقى لك السيرة جبينك ما يشوفلو هــــــــلال تتكرتن بى امراضآ يبقى خفيف هو الطوحـــــــــــــــال يشوفوك بالقزاز ما تلقى جنبك لا شقيق لا خـــــال تموت مقطوع من الدنيا وحيدآ ما وراك عيـــــــــــال بعد ما تموت قبيرك برضو فيهو تشوف بشاتن حال نكير يرجاك بالسندان قبل ما يسأل اى سؤال وقبرك واب لهب يبقن محل لى ابشع الاهوال وبعد ده انا لى الكريم خليتو باقى حقيقى يا النشال ومن شيتآ يعرفو براهو ينصف حقى فى الجوال ياخ والله العظيم النشال دا اسي تلقو يفتش ليهو في درباً يرجعبو التلفون دا لي سيدو ما لاقي اها انتظروا شوية بجيبلكم قصيدة واحداً تاني الحرامي سرق ملايتو بلا قام قرضو قرض محمد سفله دا للنشال حاشية لغير الناطقين بها: زليت:لميت- ختيت- ادخرت بت القوي: نام دون عشا بلي الغربال:ذي الغربال بجيبلكم:بجيب ليكم |
||||||||||
|
|
04-23-2012, 06:00 AM
|
#2 | ||||||||
|
متحرنك متحرنك متحرنك |
||||||||
|
|
|
04-23-2012, 08:14 PM
|
#3 | ||||||
|
زائر
|
[color="blue"]التحيه للاخت نضال ودايما ما تاتى بالجديد وانا من وجهة نظرى ومعاشرتى للناس ديل اللهمه الشوايقه اوصافك موجوده فيهم وهم هدو فينا وانا بقول ليهم ش غ شوايقه غتات والشايقى لو سالتو جنسك شنو بيقول ليك شايقى والحمد لله واحدين تاننين اقول انا بديرى دهمشى ما تقولى شايقى ( للبيئه اثرها الكبير فى نفوس الناس الجبال والنخيل والجو ) [/ مع احترامى لهم color] 9 |
||||||
|
|
|
04-24-2012, 07:11 AM
|
#4 | ||||||||||
|
الاخ عوض خضر وكنت اتوقع منك تحديداً تعليقاً اخر تنصف فيه هؤلاء القوم ان شاء الله من باب: وما أنا إلا من غزية إن غوت .... غويت وإن ترشد غزية أرشدِ لكن لقيتك شايقي وارد الضباب اصبر لي ما بتتحري كتير إن شاء الله |
||||||||||
|
|
|
04-24-2012, 07:20 AM
|
#5 | ||||||||||
|
الاخ عمار: اسي الجاب سيرة البديريةة الدهمشية منو؟؟؟؟؟؟؟؟؟؟؟؟؟ الكلام ا دخل الحوش  غايتو انا الحمد لله ولا عاشرت شوايقة ولا هدو فيني والبغلط فيني بسامحو طوااااااااااااااااااااااا الي وبقول الكاظمين الغيظ والعافين عن الناس شفت كيف بس عشان تعرف انو البديرية الدهمشية ديل فرق من الشوايقة |
||||||||||
|
|
|
04-24-2012, 07:41 AM
|
#6 | ||||||||||
|
 يعيقك الله يا مجرم وكيف اسع تسرقني وتسرقك بطنك ان شاءالله وتخليك ديمة متألم حضيري ان شاءالله يبراكا وفلساً للجيوب يخدم والعطش اليحرق الجوف يخلي الفقراء قايمي وقاعدي ليك تعزم تعيقني انا... يعيقك الله يامجرم وبي مدفع كلاشنكوف يواليك في المسيمع عاد يخليك لا سمع لا شوف يجيكا عميل من السوفيت مرسله ليك قورباتشوف شايل حقنة حارقة معاه يحرق ليك قلبك وكبدك وحتى المعدة والشرشوف تعيقني انا .. يمين بالله لو سألوك نان عميان من الاسواق .. تسوق اروتّي في ساقي تورها يقطع الخنّاق تسوق ليك داف تدقشه ترلة في عقبة يخليك لا ضهر لا ساق نان بالله لو سألوك ماتعرف القروش بي وين.. ناس بانين عمارات كيف وناس راحات وناس تخزين حكمت تجيني انا المسكين البلقط بي قرش وقرشين تقرشك عقرباً تلقاك فوق الريق يكون جسمك مرطب تب .. تقرشك عاد سموم الصيف تخلي وشيك قائم حب وِقرْشاً يبلعك يسرِع يلف بى جدة و الصومال و يجيبك لينا تانى هنا ويرميك فى الرصيف بيجاى ويسلب لحمك الفوقك يخليك بس عضام و عصب تعيقني انا .. تطرشق لي برنامج اخطط فيه ليّ سنين يطرشق فيك كمبرسون يخليك انت بس ساردين ويطرشق فيك بوتجازاً يكون جنبك صفيح بنزين وترقد ما نشوفلنا زول يقولنا ماشي في تحسين تعيقني انا ... كمان تسرق ملاياتي المن كيسها ما انفكت ولا عارف نقوشن كيف يفكك مننا الله اليوم قبل باكر يخليك لافّي صيف وخريف يفك ضلعك تفارق عقلك تسك الماشي فوق عدلك زي جملاً غشاه الزيف تعيقني انا ... نفسك فاتحة ترقد فوق ملاياتي ؟؟ ترقد يابا في عنبر نصيحه يشابي كايس ايده ترقد يابا في قبراً اعوذ بي ربي من هوله وعذاب سيده ترقد يابا في غرفة تكون مفروشة بالصُرفة ونملها يخمو بالقفة لا تشوف جنّة بي عينك ولا بي العتبة تتعتّب عشان عملك تملّي كعب تسرق الجيب تسوي العيب انت حرامي ود ....... |
||||||||||
|
|
|
04-24-2012, 09:56 AM
|
#7 | ||||||
|
زائر
|
الشوايقة ديل ناس لطيفين وحنان وفيهم فكر بالرغم ماقيل في حقهم والدليل علي ذلك اشعارهم التي تسم بطابع وطني وعاطفي واهلنا الشوايقة ديل مافيهم كلمة تب وقالوا نسوانهم نجيضات ما زي حقاتنا ديل . ومن الشوايقة الان في الحكومة طبعا علي عثمان محمد طة ، وربيع عبدالعاطي .......... واخرين . ويحكي ان لو لقيت ليك شايقي في مكان اعرف ان المكان دا سمح شديد وفية قروش كتيرة ، كما قيل ان الشايقي بجيب اخوانوا حتي يشكلوا مستعمرة الشوايقة في المصلحة المعينة وبعد شوية بتكون خالصة لوجة الله . كسرة خارج النص الشوايقة اولاد اعم الجعلين بمعني شايق اخو جعل ودا مافية شك . البديرية الدهمشية فرع من الجعليين ودا ثابت من الثوابت . |
||||||
|
|
|
04-26-2012, 10:53 AM
|
#8 | ||||||||||||
|
الاخ ياسر مهدي تشكر لجبر الخواطر لكن كدي اقرا القصايد دي تاني واستصحب معاك القصيدة الجديدة دي وتعال تاني اكد لينا حقيقة انو الشوايقة لطيفين وحنان دي انتو الشي الحنان دا مقايسو اتغيرت ولا شنو؟؟؟؟؟؟؟ بعدين اشاراتك لانواذا لقيت شايقي في منطقة اعرف انها فيها قروش دي عجبتني شديييييييييييد لانها طوالي حتنقلنا للقصيدة الجديد والتي وصف فيها احدهم الشوايقة بانهم جلود فانبرت له الشاعرة زينب عبدالرحمن ... الشاعرة الشايقية الغيوره التى دافعت عن الاتهام الخطير فقالت: نحن جلود ؟؟؟؟؟؟؟؟؟؟ منو القال ليك نحن جلود نحن قسمت بالله رب القدره جل الواحد المعبود نحن كرمنا فايت الحد لا بوبار و لا مشحود كرم والله من الساس كرم ما ليهو اي حدود نحن كرش نحن مدين نحن تمود نحن النيل نحن نخيل نحن الجود قبلنا منو الاداك كهربتو اظنو براك تكون عارف في السودان قبل سد مروى واقفه سدود امانة ً في عميرك ده سمعلك يوم قالوا الشايقي اكل حق زول ولا جبان ولا حسود؟؟ كمان بتقول علينا جلود!!! جلدك بالبقولو عليها نزفيه يتبنوك بي رويس العود لسانك ما يقول الحق عيونك فجأة تبقي قدود رجولك ما يشيلنك وباقي أعضائك كسور ورضوض انحنا جلود؟؟؟؟ يجلدوك في النظام العام يختوك في الحراسة اعــــوام يـــودوك في البيوت خدام ناس البيت يكونو لئام يغدوك في صحن بوبي ويسقوك بي صفيح مقدود الجاينا متهكم خات في راسو نحنا جلود نجلدو جلد لامن جلدو يتقطع يقوملو جلد وتاني نجلدو لامن لحمو يتوقع يقوملو جلد وتاني نجلدو الا براهو يابا السوط القال ليك نحنا جلود ما قال ليك نحنا اسود؟؟ ماحكى ليك عن كررى ما قال ليك نحنا جنود؟؟ ولا قال ليك مهيرتنا التاريخ عليها شهود ولا وراك مهارتنا من الطين بنينا بيوت القاصدنا وقال من قلبو نحنا جلود يا الله تجرح قلبو بي سكين ما نلقالو اى مضاد ولا مطهر جروح لايود يجيك الشايقي القلت قتيت يجيك مالي الجيوب هبود يشيل يكمد ويدفس في جرح قلبك يشكن بالنعال والعود وانت تصيح تقول الروب يكون ياداب عرف يادوب نحنا شوايقي ماني قتات نحنا شوايقي مانا جلود انا لله ياخي الحالة ما قُتات
|
||||||||||||
|
|
|
04-27-2012, 09:51 AM
|
#9 | ||||||||||
|
[وجود الشوايقه والجعلييين في منطقه جغرافيه قريبه من بعض جعلت بيناتهم كتير من الصراع و الجدال المستمر واي واحد فيهم عاوز يثبت انو احسن من التاني] ورغم ذلك تلقاهم متداخلين في بعض كتير جدا اما الشوايقه الفطيسين وباقي ناس قدام ديل بقو علي شاكله من عاشر قوما اربعين سنه بقي زيهم ويمكن يكون بقي اكعب منهم وهسي كبو الزوغه كلهم من الحله سطر جديد في الغالب الاعم اي نكته طلعت في الجعليين بيكون القالها شايقي والعكس صحيح والواحد يقول ليك الزول دا كويس لكن مشكلتو شايقي ويقولو ليك ما تعرس ليك مره شايقيه مره قالو في واحد جعلي قام بعد صلاه الجمعه وقال انا عندي مشكله ماديه كبيره ومحتاج لي قروش لكن ما بشيل من زول الا يكون جعلي الجامع كلو طلع شوايقه وعملو نايمين كلهم لكن في واحد من الشباب قام قال ليهو انا بديك القروش قام قال ليهو انت جنسك شنو يا جنا قال ليهو انا ابوي جعلي وامي شايقيه قال ليهو شكرا ليك انا مشكلتي بحلها خلي ابوك يحل مشكلتو يا نضال ما تقولي لي الجاب سيره الجعليين شنو
|
||||||||||
|
|
|
04-29-2012, 03:25 PM
|
#10 | ||||||
|
زائر
|
الاخت نضال سلام نعاين ليك وينك . انت الشوايقية دييل البقولو فيو دا والدِعا كلو في جوال , وملاية والله العظيم مبالغة , الراجل في شنو شبعو ورواو وفي القبر ماقصر معاو لاكن إحتمال يكون قاصديييييييين يخوفو الحرامي. |
||||||
|
|
 |
|
|
 |
 |
 |
Linear Mode
