|
09-30-2011, 01:43 PM | #471 | ||||||||||
|
طاريهو الحبيب في قلبي زايد حنو كل ما اقول نسيت يرجع يزيد في جنو ما عارف الفراق كان مني او كان منو دا الليلة المنام يا اخوانا عاد كيفنو؟؟ |
||||||||||
09-30-2011, 01:48 PM | #472 | ||||||||||
|
نـحن عـقولـنا مـن الـحِكـمة ماخدة نصابة نــحن نــحلـحل الـحوبـات نـفك لـصعـابة نـحن صـغيـرنا يوم العركة لاوى عِصابة نـحن صـبرنـا مـا بـماثـلوهـو إلا صـحابة |
||||||||||
09-30-2011, 01:52 PM | #473 | ||||||||||
|
نصار للضعيف جودو مدفق سيلو قشاش دمعة الدعج البنوح وا حليلو فوق جود حاتم جودو معبر كيلو التلب الأصم عشاري داقش نيلو |
||||||||||
09-30-2011, 01:53 PM | #474 | ||||||||||
|
جنبا تركب الصاهل اللجامو مجنزر دودا في ام لطام غضبا كشح واتخنزر ابرايا سديد في حوبة ماكا مفنزر فارس جدك العاقر اب سنام ومكنزر |
||||||||||
09-30-2011, 01:55 PM | #475 | ||||||||||
|
وين وفارقني دابي الوعاير اب هامه اب رسوة البشيل حمل المعدمين ويتامه ركاب ام سبيب الصعبه البتلوي لجامه ود فراس اخو السمحه القديمه حمامه |
||||||||||
10-07-2011, 05:48 AM | #476 | ||||||||||
|
بعد الليل برد اشواقو فيى طالكن جاب روس النميم عند الحبيب فالكن حظاظ الدهور اليوتي بان حالكن كمدن لي الخيال صورا معاي مالكن |
||||||||||
10-07-2011, 05:50 AM | #477 | ||||||||||
|
بعد الليل هجم صورا" علي حالكن ريدو الباقي في مجرى الدموع مالكهن الغرام في إيدو ودروبي جت سالكن مابتسيلنا شي وارواحنا عن خالكن |
||||||||||
10-07-2011, 05:53 AM | #478 | ||||||||||
|
بعد طول غياب المعشوق هواي ناداهو التلفون ضرب إسيمو هلا سناهو قولت وينك انت مرقت شهد من فاهو عاتب في السلام فاكر نسيتو هواهو |
||||||||||
10-07-2011, 05:54 AM | #479 | ||||||||||
|
قت ليهو البولع جمرو ادفاهو وات درته الفراق عازلتو دون رصفاهو سعيت الود معاك وانت ساعي جفاهو وين تاني الضرير إلاقي شوفو قفاهو |
||||||||||
10-07-2011, 05:57 AM | #480 | ||||||||||
|
تبا ليكي اول شــان جفيتي دروبي تبا ليكي تاني ان كان نويتي حروبي تبا ليكي كــان تهرد حشـــايا كروبي تبا ليكي يات شمسك شرقها غروبي |
||||||||||
|
|
|