|
|
02-20-2012, 02:29 PM
|
#1 | ||||||||||
|
قلت أرحل
[BIMG]http://vb.futeis.com/uploaded/42_01329751634.jpg[/BIMG] دموع سبغت وتعتقت ألوانها قاماتها خلدت بلا زمان ولا مكان ... لكأنه الدرس الأول في فقه الأنسانية .. إحتمالات أن نكون ونجلس القرفصاء مؤدبين مهذبين وجميلين ووسيمين وترهقنا أن نحاول ان نكون مثقفين .. أنتباهة فارعة الطول كشجر الجميز بعطره الأخاذ للألباب .. أمامنا الفضاء بأسوار السكوت والسكون والحنين حتي مشارف الصمت والنفس لا الموبقة .. شيئ من حتي لن يطهرها بحر مالح .. لأننا لم نؤسس للأرهاف رأي صواب ، ولم نأنس بأنفسنا بمراحلها المتواترة ــ ونحن نحدث النفس حديث الهوي في العيون الجميلة .. حلم آثر الهوي أن يطيله .. وحديث في الحب أن لم نقله أوشك الصمت حولنا أن يقوله ... بمثل هذه المعاني توكلنا علي الحي الذي لا يموت .. وأفردنا للشجن أشرعة الحنين والجوي .. ورغم ذلك يداهمنا أحياناً ـــ من مسوقات منطقية لا تشوبها الرؤية ولا تشوشها الهنيهة البريئة ولا الرؤي القاتمة .. حائطنا الذي نتكئ عليه لنبكي زمن ( أعز الناس ) منهار الجدران حتي أقصي مدارج الحلم .. نستلف بقايا رؤية مبهمة المعالم والملامح عسي أن نؤطر للأسي حدود . في حضوره ترتعش كل الأفئدة شوقاً من قطرات الهواجس تنحت في صخرها شكلاً جديدة من الصمود والأشارة الطبقية الأصيلة لتكون نجمة ليست للمجرة ( والخرير ) ولا للمسرة .. ترقب الشوق المجنون تدهشه الحروف التي تمتد ليل عشاق بطعم الأشتهاء وأدمان الحضور علي طول الأفق والبصر ندياً طرياً عود صندل كصدر الريح والدعاش وأنين الأرصفة والأنتظار .. ينام علي عنقود بنفسج بلا غطاء .. ولا سريان .. ليقصد في الصباح بوابة الخروج والتكوين لينزع الوعد من سحاب الشجن وحقل السكوت وأحتفال الموت لحياة أخري .. يبقي القدر الماثل دوماً أن ترحل الأقمار تباعاً لم يحضر الرمق الطالع خلف الوعي والأدراك والتمهل والغياب .. وأسدال الحجاب والستار ويمتنع الثغر عن الأبتسام .. وتعتذرالقصائد عن البكاء والنوح وتركن للبيات والثبات .. عصفور رفض الدخول في قفص الجهة والثبات .. وغني لكل الناس وكل اللغات .. لم يكن فرد بل كان أمة لم تركن للخنوع ولا الخضوع .. غني للحبيبة بتشتغل منديل حرير .. وغني لأم درمان وغني للسودن وعصافير الخريف .. وغني لي ولك ولهم وللناس جميعاً .. رحم الله وردي
|
||||||||||
|
|
02-21-2012, 05:53 AM
|
#2 | ||||||
|
زائر
|
شكرا لك استاذ عارف على فتح نافذة الوجع الذى لا يندثر ،فوردى غاب عنا جسدا ولكن سيظل فينا روحا وفنا تتوارثه الاجيال. د. المعز عمر بخيت يانيل ياشامخ كيف بتموت لو رحت معاك بنعدى نفوت يوم غبت وشلت الجاى والراح البحر اتوسد بطن الحوت والزمن الخالد مات وارتاح والدنيا بلاك لاحس لاصوت ياوردى الخالد فى الازمان ح تظل راجياك ضفاف وبيوت بستناك فى كل مكان ماسترنا انت وورق التوت ياسيد الروعه ونبض الروح الشمس اندفنت فى تابوت والنجمه تنوح فى ليل مجروح والغنيه حزينه وآه مكبوت لا نغمه سعيده تهدى البال لا حلم عنيد وحنين مختوت فى ضل الشوق وصباح الفال لا عافية حيل ورقيص بنوت ياقلب افريقيا ونبض الكون ياذخر الامه دهب ياقوت |
||||||
|
|
|
02-21-2012, 06:07 AM
|
#3 | ||||||
|
زائر
|
زينب محجوب فى رثاء وردى لسه ضاجه الحته بيك ولسه احزان الحيارى المارقه منك وداخله ليك لا استكانت لا انهزم فيها التوجع شان يقولوا ليها فت وتبكى ياانسان عليك ياعز الناس حبايبك نحن كيف ترحل تفوت وكيف تفارقنا وتموت وكيف تسيب الوجعه تغشانا وتعشعش فى البيوت وانت كنت فال الفرح وكت الفرح كان زاد وقوت وانت كنت الضحكه فى زمن الضحك كان ليهو صوت انت نور العين وعينيك انت نور كنت بتطرز تياب الغنوه بى خيط التالق والسرور كنت ماسك فى لجام خيل العزارى لما احساسهم يثور كنت شامخ زى نخيلنا لا سكت فيك المغنى ولا اصابك يوم غرور انت اكتوبر واخضر انت برضو شلت هم سودانا دايما رغم طولو ورغم عرضو صوتك الشامخ بدافع عن حياض النيل وعرضو ديما هاماك الحقائق مابيرضيك مره فرضو ات كنت نديان وواسع زى سما السودان وارضو ولسه ضاجه الحته بيك لسه احزان الحيارى المارقه منك وداخله ليك لا استكانت لا انهزم فيها التوجع شان يقولوا ليها فت وتبكى ياانسان عليك لك الرحمه والمغفره العملاق محمد وردى وما كتير على ربك |
||||||
|
|
|
02-21-2012, 11:08 AM
|
#4 | ||||||||
|
زائر
|
ثقافة تبحث عن وطن ترثيك حروفنا بلا وهن والرحمة لى وردى الوطن غنى مع الشادى البقول لمتين آلاقى فى هواك مُرّ الشجن ولاقينا فى فقدك ألم علمت بالوتر القلم وغنيت فى يوم رفعوا العلم وغنيت فى إكتوبر على كل من ظلم ردّد معاك كل الوطن وهاجر مع الطير المهاجر صوتك طرووب أحن وأرقّ من كلمات مسافر يوم فقدك إنتحب الوطن وأصبح حزين حزن المقابر الرحمة تتغشاك فقيد فى فقدك فى فقدك إتذكرنا جابر |
||||||||
|
|
|
02-21-2012, 11:10 AM
|
#5 | ||||||||
|
زائر
|
يا وردى حبيناك من قلوبنا لأن ألحانك ألحانك وطن لمّ الجنوب لمّ الشرق لمّ الغرب ولمّ الشمال فيهو الرطن تسهر معاك كل الخلوق عشان تسمع السمحة السمحة أم عجن والليلة فى لحظة فراقك ما زلنا نبحث ما زلنا نبحث عن وطن فارقتو إنت ومن قبلك الفارق كتيير عبر العصور وماضى الزمن بالرحمة والغفران الغفران عليك رددنا سطرنا ويا ربنا لجنة لجنة عدن بالرحمة والغفران الغفران عليك رددنا سطرنا ويا ربنا لجنة لجنة عدن \ اللهم أغفر له وأرحمة ذلك المطرب الرائع ومعلم الاجيال المعلم والاستاذ محمد عثمان وردى الذى درس فى معهد شندى وسافر الى مسقط رأسه معلماً فى الكتاتيب وبعدها جاء فى الخمسينات الى الخرطوم ليبدأ الغناء بالرطانة ويتحول للعربية بيد الشاعر الراحل الفذ إسماعيل حسن الذى تغنى له وردى كل الروائع . اللهم أغفر له وأرحمة وعافه وأعف عنه وأكرم نزله ووسع مدخله وأغسله بالماء والثلج والبرد ونقّه من الذنوب والخطايا كما ينقى الثوب الابيض من الدنس وأبدله داراً خيراً من داره وأهلاً خيراً من أهله وأعذه من عذاب القبر وعذاب النار اللهم أحسن عزاء أهله وأجعل البركة فى ذريته وأخر دعوانا أن الحمد لله رب العالمين . |
||||||||
|
|
|
02-21-2012, 02:25 PM
|
#6 | ||||||||||
|
الأخت أم رهف وأبننا مصطفي مداخلاتكم أضافة للموضوع وهج حقيقي ورنق باهي وطلع فاتن وشكراً عميقاً للون الفرح رغم الأسي والأسف لغياب الهرم الكبير وردي ... ودمتم
|
||||||||||
|
|
|
02-27-2012, 04:28 PM
|
#7 | ||||||
|
زائر
|
مرثية الشاعر اسحق الحلنقى فى صديقه ورفيق دربه الفنان محمد وردى له الرحمه والمغفره وانت ياوردى المشاعر ياالبقيت للموجه مرسى كيف يقولو عليك مفارق وانت عائش فينا لسه يااعز الناس حليلك وانت حاضن العود تغنى وقلبى سارح فى الغناوى الطالعه منك وشايله منى عندك انت الفن رساله تزرع الايام تمنى ياحبيب كل الغلابه غبت وين الليله عنى غبت ياالطير المهاجر وانت لابس الشوق حرائر غبت ماشفناك بتشرب من عسل احساسنا زائر وانت لو دارت عليكا ياوليف عمرى الدوائر زهرة المقرن بتلبس من حروف اسمك ضفائر ياسمح يازين حليلك فى السمح بعد السماحه العصافير ليك تهاجر وبيك تعود ابيض جناحه الجراح الفى قلوبنا بالنغم داويت جراحه ومنك اتعلمنا نغزل من دموعنا النازله واحه نحن مابنمسك دموعنا لما نسمع لو بهمسه اما نور العين غرامنا مالو لو اهدتنا لمسه وانت ياوردى المشاعر ياالبقيت للموجه مرسى كيف يقولو عليك مفارق وانت عايش فينا لسه قلت ارحل وجيت رحلت وما رحل ابدا مكانك السحابه الفوق بتسقى وردة الاحزان عشانك اوع تمشى تقول مفارق انت اسطورة زمانك انت ليك انغام بتزرع فى القلوب ازهار حنانكl |
||||||
|
|
|
03-11-2012, 06:43 AM
|
#8 | ||||||||
|
صديق لي كان يتسمّر عند اغنية نور العين وان كنت اراجع بيني وبين نفسي كلمة يتسمر هذه واقيسها بالمتراكم عن علاقته بوردي فاتشكك قليلا في ايفاءها وصف طريقة هذا الصديق في التعاطي مع الاغنيه الفضفاضه كما كان يقول عنها احيانا يأتي احيانا بجهاز تسجيل صغير واضعا سماعات صغيره علي اذنيه محتكرا الاغنيه التي يعتقد اننا لانبذل جهدا كافيا لسماعها ثم تدرج في عشقه لغناء العملاق وردي فاضاف لنور العين بعد حين الود وهذه الاخيره جعلته ينزلق دون ان يشعر الي عوالم لم تكن ضمن رؤيته اذ تمدد عشقه وشمل الكثير من المصطلحات ومن الايماءات ومن التعابير اذ انتقل الي عوالم الدوش المكتنزه بالتجديد أعيشهْا معاكَ لو تعْرف دموع البهجَهْ والأفراح أعيشهْا معاكَ واتأسّف على الماضى اللّى ولَّىَ وراح على الفُرْقَهْ الزمان طويل على الصبر الّى عِشْنَاهو مع طُول الألم والليل زمان كُنّا بنَشيل الوُّد ونَدِّى الوُّد وفى عينينا كان يكْبَر حناناً زاد وفات الحدَ زمان ما عِشْنَا فى غُرْبَهْ ولا قاسينا نِتْوحّد وهسَّع رُحْنا نتْوجّع نعيش بالحسرَهْ نتأسّف على الماضى اللِّي ما بِرْجَع أحبَّك لا الزمن حوّلْنى عن حُبّك ولا الحسرَهْ وخوفى عليكَ يمْنَعْنى وطول الإلفَهْ والعُشْرَهْ وشوقى الليك من طوَّل لسّه معاي ولى بُكْرَهْ وبين اسماعيل والدوش يكمن تطور القصيده الدراجه السودانيه كما كنا ننظر وحتي لانكون محصورين يجب ان نقول قصيدة الوسط فالأول نقل بتأني وبالتدريج مع اخرين سبقوه واتوا بعده القصيده من عجينة الحقيبه الخام الي اطار جديد اطار بالتاكيد استوعب كل المستجدات التلاقح والانفتاح علي الاخر وتنامي الوعي وانتشار وسائل الاتصال ومنهجية التاليف الموسيقي وغير ذلك من عوامل والثاني جاء ليخرج القصيده العاميه الي فضاءها الفسيح الحالي ولكن العملاق وردي كان يمثل الصله بين هذا وذاك كان يمثل المتنفس الامثل لشعر الاثنين عبر موسيقاه التي سحرت الجميع وفي نور العين كان صديقي يصاب بالذهان كما كنا نطلق علي حاله تنتابه احيانا وسط تعرجات الاغنيه عند قلبي الحابك ما خان لياليك ما ناسي الماضي ماتقول ناسيك ما بدل حبو ابدا ماتنكر ليك لكن الأشواك والنار حواليك كنا نتغامز وهو غارق في حالته تلك اذ كنا نعرف اشواكه تماما ثم بعد ان استوقفته اغنيه الود ردحا طويلا من الزمن حتي ذات اجازه عدت ووجدته قد انتقل لمرحله جديده بناديها وبعْزِم كُلّ زول يرتاح على ضحكَة عيون فيهَا وأحْلم اني في أكوان بتْرحَل من مراسيها عصافير نبّتَت جِنْحات وطارت للغيوم بيهَا اذ انه اكتشف عبر وردي الدوش في موضع آخر بغض النظر عن الترتيب الزمني اذ لم نكن نعرف اغاني وردي بترتيبها الزمني لكنا كنا نعرفها بمراحل وضعناها بانفسنا كمرحلة اسماعيل حسن ومرحلة الدوش ومرحلة الحلنقي وفي بناديها كان صديقي يبدو وكأنه نبتت له هو الاخر جنحات يغمض عينيه يترك نفسه ينساب مع الصوت المتفرد يتقافز مع الانغام بحركه سريعه تشمل اجفانه المغلقه وتمتد حتي اصابع اقدامه جعل من هذه الاغنيه قالبا يقيس به غناء الاخرين يتحسس به الجهود المبذوله في اي اغنيه تمر عليه جعل منها منجما لاينضب يستخرج منه بين كل فتره واخري معني جديد يحاول ان يتعمق في معرفته بالموسيقي ليرتفع لمستوع الاغنيه تركته في تلك الحاله الهائمه فهو ينظف الحشائش عن زراعته مرددا كلمات الاغنيه وهو يحلب بقراته يتوقف ليترك الفرصه لصفير متقن يخرج محاكيا انغام تلك الاغنيه يستلقي ليلا والسماعات علي اذنيه تمطره بوابل لاينقطع من تلك الاغنيه تفرقت بنا سبل ثم تواعدنا بعيدا عن الموطن في منافي اخترناها اسرعت الي لقاءه وكلي تساءل باي مرحله الان يمر صديقي من عشقه لوردي عندما وصلت الي مكان اللقاء عرفت انه اضطر للمغادره لظروف تخص عمله ولكنه ترك لي قصاصه مكتوبه بخطه الواضح تقول لما عرفتك اخترتك سعيد البال وخت شبابي متيقن عليك امال لا جيتك قبيلة .. ولا رجيتك مال ولا مسحور يوم ما كنت في عيني اجمل من بنات الحور جيتك عاشق بتعلم من الايام ومن سام الليالي البور ومن اسر الولف كتال لقيتك في طشاشي دليل وفي حر الهجيرة مقيل لقيتك في حياتي جذور بنية اتلفحت بالنور مهجنة من غنا الاطفال ومن سعف النخيل والنيل ومن وهج الشمس موال ... وانا اخترتيني انسانا عزيز النفس بتمني وبسيط الحال علي حرمت زرعا ما سقيتو حلال وما فصد حصادو قفاي وبيني وبينك الضحكة ورحيق الشاي وطعم الخبز والسترة ومساء النور وعمق الالفة بين النهر والنخلة وغنا الطمبور وصدق العشرة بين الارض والانسان بيني وبينك الفكرة وجمال الذكري والنسيان وحسن الظن مشوار الحياة اليوماتي ما بين الجبل والسهل وما بين الصعب والسهل عز الليل في سكة مطر بكاي فلا هما تشيلي براك ولا جرحا اعاني براي ولانا علي بعض نمتن وتزعلي يوم وازعل وننفعل مرات ومرات تقبلي مني واتوسد ضراعي سكات والفينا حنينة تتشابك مودة تشابك الغابات ونحن اذا اختلفنا سوا بنطيع الصاح ولو بتنا القواء بنرتاح اذا تمن الملح والعيش رضا الشمات |
||||||||
|
|
|
03-11-2012, 12:55 PM
|
#9 | ||||||||
|
وردي ياوطن الشموخ ليك بنغزل حروف الود وبألحانك ننسجها وردي يا ودنا الزمان والفات وريدنا المستحيل ننساه ليك نكمل دروب الريد نمشيها وردي ياحدق العيون يا الأهديت عيونك للوطن حب وريد وين عنوانك وين مشيت خليتنا للزمن الصعب وردي يا الوسط الدائرة بقيت لينا شمس تضوي دروبنا وقمراء تهدينا وتلاعبنا ماعرفناك صدفة إنت من رحم اهرامنا إتولدت وفينا ما مت إنت جوانا إندفنت وحفظناك ود حفظناك مستحيل حفظناك بحزن قديم حفظناك وطن بإسمه كتبنا ورطنا ونحبك مكانك صميم الفؤاد وبإسمك نغني وتغني السواقي خيوط الطواقي وسلام التلاقي ودموع الفراق غنيناك زمان وإتمنينا عكس مناك لما جاء يوم باكر ياريت يوم باكر ماجاء وماكان هسة . أبكي يافؤادي يالغنى ليك وردي وهو عارفك حنين ومهما عادوك ما بتعادي ودارت الأيام وجات وكانت بيني وبين الحزن القديم أيام وماكنا عارفين القدر يوم بشيلك مننا ولكنه مشوار الحياة اليوماتي مابين الجبل والسهل مابين الصعب والسهل نواصل .......................... |
||||||||
|
|
 |
|
|
 |
 |
 |
Linear Mode
