فوائد الصلع

[عارف عبد الرحمن]

الأخ ود الخضر لك التحية .. مشكلتك بسيطة كان للشيب دا عادي .. وممكن الواحد أدسو لو داير شوية صبغة زي ما بيعملوا الجماعة بس الصلعة دي توديها وين لو كنت ما معرس وداير تتزوج .. وعاطف عرفا وجرا من بدري أخونا جرجور كان ما لحق وشاف ليهو مرة بباقي شعيراتو ديل .. واطاتو أصبحت .. وأوعي تسمع كلام أمير وحريم ما عارف وين عملوا دراسة .. دراسة في صلعتك دي .. عشان المسكينة بت عمك عبدالله مجبورة عليك .. ود جرجور .. ها الحق شوف ليك عروس بباقي الفضلن ديل

عثمان الخليل والله دة كلام زول بيفتش في المراقات....من يكوس ليها في النسور........تحياااااااااات

[عارف عبد الرحمن]

ود الخليل راس السوط وصلك ولا شنو ولا خايف علي أخوك .. شكلك داسيها .. ومحمداك محمداك.. اصبر ساي

عارف شايف الموضوع حيو ليك تاني

[عارف عبد الرحمن]

ود نورين حبابك .. مالك داخل تتلبد براحة كده .. ومتخيلك بتكتب وتهبش في رويسك .. السوط وصلك ..قلنا نشوف آخرتا معاكم .. وقالوا سمح الغنا في خشم سيدو .. لكن أنتوا زحيتوا بعيد وبراي الموضوع بسكوا ولازم أصل فيه لنهاية حتي لو أرفع قضية .. ومحاكم وتلتة ..الأراضي توزيعها غير عادل الحسكنيت والبسكنيت ساكنين في أسطح المباني وشوية شعر بالجنبات من الهبوب تعاني والأضينين زعلانة من كاني ماني .. رايك شنو في الزمن الفلاني خلي الشعيرات زي فد ريال في جزلاني ..ويا حليل خنفسة زمانك وزماني .. والعن اليوم الرماني .. بدل شعر مسبسب الماني .. صلعة عجييييييبة تحكي عن تاريخ زماني ـــ وأخونا مأمون أقول ليك أنتوا أكبر مننا ــــ ولابد موضوع الصلعة دا ما عاجبوا عشان بكشف المستور

[عارف عبد الرحمن]

تعتبر الصلعة بمثابة مراية وعاكسة لأشعة الشمس

***************************************

الأصلع إذا أنضرب في رأسه ما يحتاج يحلقوله عشان الخياطة على طول يخيطوا رأسه
يعني فيها راحة للدكاترة

***************************************

الأصلع شخص يسهل تمييزه مهما كان المكان مزدحما.

**************************************

تتحرر ميزانيته من مصروفات الحلاقة والشامبو والكريمات والمشط وغيرها

*********************************

إذا تورط في جريمة فمن الصعب أن يترك »شعرة«في مكان الحادث تسهل وصول الشرطة
إليه.

****************************

يبدو مغريا وجذابا للأطفال ويصادقهم بسهولة.

****************************

لن تستطيع العواصف ولا الرياح الهائجة أن تفسد تسريحة شعره!

**********************

تثق فيه زوجته أو حبيبته أكثر من منطلق انه لا توجد امرأة تسرق رجلا أصلع من امرأة
أخرى.

*********************

إذا تورط في مشاجرة فلن يجذبه احد من شعره.

*************************

لن يصاب بالثعلبة.

********************

لن يصاب بقشرة الرأس.

******************

ياودالخليل مالك بتهبش ماسمعت سلامة ودالشول قال لابراهيم نورين لما سقط في الامتحان وقعد ابكي وجاء خاله سلامة وسأل الولد ده ببكي ماله , قالو ليه سقط في الامتحان قال ليه دي حاجة تبكي اسي شوفني انا قريت هسة مالي مامبسوووووط ,

[عثمان الخليل]

الحبيب عبدالله لك التحايا ومليون مرحب بيك زحمة الشغل ماعرفت انك اشتركت مرحب بيك كتير ,,,,,,,,,,, وموضوع الصلعة ده زمان الناس قفلتوا لكن أخونا عارف مصر كل مرة يفتحو ماعارف قصده شنو ,,,,,,,,,

[عارف عبد الرحمن]

أولا التحايا والأشواق لأخونا عبدالله خيرالله وأرجو أن يكون بخير ... ثانيا يا ود الخليل أنا أتبنيت الموضوع ده وما بسيبو الا أصل لحل في حكاية القرعات أقصد الصلعات دي وشنو البديل لحل أزمة الخليج أقصد الخليل ومشروع الصلعة القادمة .. وتعرف أصلع ومسكو أقصد أعمي ومسكو عكاز .. الله أكون في عون الجماعة المصلعين معاي

[elamirhamdan]

ابو عبدالرحمن كيف حالك
انا طبعا الموضوع اصلا ما مهببو ولا كنت قايل في ناس لي اسي مبارياهو لحدي ما قريتو الليله تاني
اما موضوع الصلعه الحبيبه الله يخليها دي طبعا راحه ما بضوقه اي زول عشان كدي شايفين كلامك ده ذي حكاية الكديس مع اللبن
اما موضوع بت عمي فللعلم نحن عندنا الماعندو صلعه ما (اسلي) اصلي. عشان كده دي كانت اول المؤهلات
ونحن نمجد السطوح لانو القطيه دي بقت حاجه قديمه وما ماشه مع الموضه
وكويس انك عارف انو الناس الكايسه الموضه والوجاهات بقت تحلق صلعه