وقع ليك ولا أعيدو ليك

[عبدالمنعم]

ستات شاي بتشاكلو
:::::::::::::::::::
كيس نايلو والهوي شايلو
الصين فيها حصين
كلو ستة في حته
وكلو تلاتة في شيكولاتة
إنت قايل كرعينا رقاق
ومولودين في زقاق ..

هيييييييييا
نحن أولاد عوايل
وعندنا فايل
وقع ليك وله أعيدو ليك؟

هيييييييييييييييييييييي
دايرة تدينى عين؟ يا أم وشّاً شين ؟يا قدُر نفرين يا البتفطرى
شحدة,, و بتتعشّى بالدين ، يضُربك الضريب شقّاق العناقريب
ما تقيفى فى الزلط و تتكلمى غلط..

نحن نححححححححححححححمد الله الغدا ضأن..و التحلية برتكان...
..العشا حمام و التحلية شمّام .
.و مليانيييييييييييين يا إنتى
...لا كوع يقد الوسادة لا ساق يضبح الجدادة
...نحن تربية بيت و فرش موكيت.
تربية عِز ورضاعه بِز .أحححححمدو ,مبسووووطة و شلاليفى ممطوطة

هيييييههههيييييييييى.
حليلكم إنتو يا ناس الإشلا ق يا الما سمعتو بى السيريلاك
سُكنة قطاطي ومستوي واطي.شِراكم قطّاعي وركوبكم النقل الجماعي.
بششششششتنة و الناس متمحنة .قهر و فراق أهل.
نببببببببرة و نستبرة و ما نسكن جبرة.يا الديّامة يا حطب القيامة.
يا ناس أمبدة , البِفطُر فيكم ما بتغدّى يا البتستحمّوا بى موية العِدّة
عشوائى جدّة ولا فِلل أمبدّة ...دا مستوي داير دَوا
يخخخخخسسسسسسى و مرض نفسى .

هيييييييييييييييييييييييى .
لا كرعيننا رقاق و لا مولودين فى زقاق .أولاد عوااااااااايل و عندنا فايل
ربّونا فى شمبات و حبينا فى البلاط...ولدونا فى الدايات و قرينا فى الراهبات

.نححححححححححححمدو..نحن نشتّت و خلق الله تلقّط .
البنريدو بنولع ليو اللمبة.و الما بنريدو بنحرش ليو الكلبة
ساكنين الخرطوم , محل الرئيس بنوم
والطيارة بتقوم , والجكس بِحوم
. أولادنا لابسين الجِنز وحالقين مارِينز.
اولاد راستا ..وعشانا باسطة..وشٌغلنا واسطة .. ما بنتردّى , ونلبس
الشدّة .لا بنركب الركشات , ولا بندخل غُرف الشَات.. بنعرف الذوق ,ومستوانا فوق
.بناكل المنقة و ما بنعرف الزنقة .. بنعرف الجكس , وما بنركب التكس.
اسكيلنا عالي ,ومهرنا غالي.. و مناسبين ناس أمدرمان , العصيرهم رٌمّان ,
و شارعهم شيكان , و محطّتهم شقلبان
و مصاحبين ناس بحرى البيخلطوا فى الكوبرى
.كوبرى شمبات المكسّر بالجمبات ,بى تحت موية و بى فوق عربات عصيرهم أناناس و ما بيضايقوا الناس
حكووووومة والناس مظلووومة
هييييي أعملى لاين و أقيفى بهايند.و أفهميها.أعملى شخيط و اقيفى بعيد
سجم و كمان عدم فهم؟يا بجم يا ولادة الندم

هييييييييييييييييى و تااانى هييييييييييييى و تانى و تانى
هيييييييييييييييييى.ما تكُبّى الريحة و تعملى تفتيحة , و تخلينا نقيف ليك
فى طرف المعلقة و نورّيك الصعلقة .. هييييييى إتلمّى يا البتقعى و ما بتسمّى

هووووووووووووى.تنبزينى أنا يا كرور يا وسخ الخور يا اللُقمة الفِى الزور
يا شوكة الحوت اللا بتتبلع لا بتفوت لا بتخلّى الزول يموت
ياتربيزة الجزارة يا اللامّة الوسخ و الزفارة والله دى قصّة و دايرة حصّة

هييييييييييييييييييى
أخير ليييييك فتحى عينك قدر الريال و خلّى أضانك قدر العقال ما تخلينى
أدق الصفايح و أطلع الفضايح.و أقيف ليك فى الحوش و أنفُض الكَلُوش
يا مرة يا مجنونة يا شبه حجر الطاحونة يا ليمونة و عاملة فرعونة
هيييييهيييييييييييييييييي ييييي
غادى غادى الجزام بعادى يا القاعدة برّة للأذى و المضرّة
يا الككوية يا أم جضوماً موية.يا السوقِك بايِر ودمِّك فايِر
الشمس ضربتِك و الرجال أبتِك القطر فاتِك و الزمن شاتِك..يا الفى
الحفلة ما عبّروك.ناس الفيديو فطّوك و ناس العَشا نطّوك.الزمن
خَرَتِك.و الضِحِك شَرَطِك..يا الوزّعتى صورتك و ما فكّيتى بورتك
قطرِك صفّر وسوّاقُو طفّر.

هييييييييييييى.
خِفّة و شعر تِفّة .مرجخيص و النبق الرخيييص ,, جابوهو بالجمعة وباعوهو بالدين

[عارف عبد الرحمن]

كلام زي العجب .. والله أستمتعت غاية الأستمتاع .. بس الحاصل شنو توقيعك قرد في قفص .. انت أكبر من كده .. غير التوقيع الله أخليك عشان أتوافق مع الدرر التي تنثرها هنا وهناك .. ويقال خاتمتها مسك ..

هيييييييييييييي وتاني هييييييييييي
نحن تفتيحة وحياتنا لطيفة

نشرب انناس ونحلي تفاح

يا تري تري شبه الكفرات الوراء

يا العيشتكم قطاطي ومستوي واطي

تتغدوا ويكه والعشاء موليته

[عبدالمنعم]

Originally Posted by عارف عبد الرحمن

كلام زي العجب .. والله أستمتعت غاية الأستمتاع .. بس الحاصل شنو توقيعك قرد في قفص .. انت أكبر من كده .. غير التوقيع الله أخليك عشان أتوافق مع الدرر التي تنثرها هنا وهناك .. ويقال خاتمتها مسك ..

التوقيع تعبير عن ما يجيش في النفس بغض النظر عن رأي الآخرين ومن حق كل فرد التعبير بالطريقة التي تناسبه مالم يعبر عن منكر أو يدعو لباطل ومن حق القرد أن يكون حراً طليقاً مالم يرتكب ما يدعو لحبسه
الحرية للجميع حق تكفله كل القوانين المحترمة

عارف إطلع على النصوص قبل التوقيع .... رغم أن التوقيع أحياناً يعبر أفضل من النصوص واللصوص



كن بخير

[عبدالمنعم]

Originally Posted by عاطف البدوي

هيييييييييييييي وتاني هييييييييييي

نحن تفتيحة وحياتنا لطيفة

نشرب انناس ونحلي تفاح

يا تري تري شبه الكفرات الوراء

يا العيشتكم قطاطي ومستوي واطي

تتغدوا ويكه والعشاء موليته

عاطف بقيت نجااااااار

[عبده مصطفي إبراهيم]

وقع لينا تب.........

[عبدالمنعم]

Originally Posted by عبده مصطفي إبراهيم

وقع لينا تب.........

خلاث فتِّح عينك قدر الريال و خلّى أضانك قدر العقال

[عارف عبد الرحمن]

مالم يعبر عن منكر أو يدعو لباطل ومن حق القرد أن يكون حراً طليقاً مالم يرتكب ما يدعو لحبسه ???? لا ان تكون قد غابت عن فطنتك سواءات هذا الرجل .. المهم ما علينا ولم أقصد المعني التي وصلت اليه بقدر ما عنيت الشخصية بالتحديد .. ولك حرية ان تختار التوقيع الذي تراه مناسب ولم أقصد نزع ذلك الحق .. فقط رأيت ـــ من وجهة نظري الخاصة ـــ أن ما تكتبه من قيم لا يتوافق مع هذا المنظر .. ولك العتبي وذلك ليس بقضية .

[عبدالمنعم]

Originally Posted by عارف عبد الرحمن

فقط رأيت ـــ من وجهة نظري الخاصة ـــ أن ما تكتبه من قيم لا يتوافق مع هذا المنظر .. ولك العتبي وذلك ليس بقضية .

عارف أنا أحترم رأيك جداً وغير عاتب عليك ... ولكن أنت ترى أن هذا المنظر لا يتناسب مع تلك القيم وأنا أري أن هذا الرجل هو القيم تمشي على قدمين وذلك ليس إنطباع ولا عاطفة إنما متابعة دقيقة لكل ما صدر منه عن قرب منذ 1983 وحتى يومنا هذا

[صادق محمد عوض]

الهمبته ووصلنا الفهم عنك....... وعرفناك شاعراً مجيداً........ وهاضم لرباعيات الخيام بصورة مدهشه........ والمعروف أن الهمبتة..... هي ما اصطلح عليه أهل بلادي للدلالة علي الصعلكة عند العرب قديماً..... لكن الجديد... أن تظهر صورة معروف الشمييييييييس....... العامل في شركة دال...... العائش في حواري بيوت النمل........ صورة مدهشة...... ونقل لا يخلو من الفكاهة..... لك الشكر أيا طارق المسكوت عنه....