خواطر زول عكران

[مأمون عبد الله النور]

هههههههههههههههههه تعرف يا عوض خواطرك دي اثناء النهار تبطل الصوم ههههههههههههههه
فلازم نقراها بعد الفطور ....
على العموم كلامك سليم وكله في محله .... وما بتزاد
وتصوم وتفطر على خير

[عوض خضر]

الاخ الاستاذ مامون سلامات يازول يارائع

وحبابك في الخواطر العكره دي

صرت اخاف من ضل بقه اذ ان موضة البق التي اجتاحت الشرقيه جعلتني مرعوبا طوال الوقت

وطوال اليوم اظل احملق في المقاعد او اماكن النوم زملائي في العمل صاروا يلاحظون انني اقترب من المقاعد فجأه امعن

النظر في ثنيات الكنب ثم ابتعد

رغم انهم مروا بالتجربه المريره مع البق الا انهم تجاوزوها قبلي بالكثير من الصبر والدهاء

يزعجني فرفور كما يزعجني البق واحيانا يختلط الامر علي

حدثني احد اصدقائي كي يغيظني بان اول برامجه في الاجازه سيكون الاستمتاع بالحفل المعلن عنه في صالة اسبارك سيتي ويضم
الجندب فرفور مع مجموعه من المطربين

راودني احساس قوي بان افعل اي شئ يعطل اجازته ويفوت الحفله المنشوده

حرصا مني علي عياله من التهلكه والمشكله انو لو دخل واستمع للسيد صراخ في اسبارك سيتي الا يبحث عن ابو الامين شغال وين

في داعي الواحد يبقي ذي الساون بحثا عن ازالة اثار الاستماع لفرفور

الحيكومه السمها فاير تراجعت بتكتيك عن زيادة اسعار الكهرباء وبدا الامر كأنها تكيل بمكيالين كالعاده

رغم الشروحات الضخمه التي حاول اهل الكهرباء اقناع الناس بها

لكن كل الحيل فشلت وتفاعل موضوع الكهرباء بسرعه كالنار في الهشيم

هذا يدل علي ماسيحدث لاي خطوه قادمه ستتخذها الحيكومه في شأن الاصلاح الاقتصادي حسب مقولة

حمدي صاحب المثلث الشهير

المعكرني الايام دي لبسة الوليدات البقت بي 100 ج يعني كان عندك اربعة بي اربعمائة دا غير الجزم والستائر والملايات والخبائز وتوب الحاجة وهلم جراء ياعبدو ماتشوف لي اخوك لوتري

[عوض خضر]

اخونا ياسر مهدي حبابك

والله الصراحه عكرتك متينه خالص

الحمد لله الذي جعل الاستاذ قدور يلقم فرفور حجرا اخيرا

رايته جالسا طوال الحلقه متجهما مهموما ثم بغتة صار يتشاغل بالضحك المصطنع عندما طلب منهم الاستاذ الموسوعه السر قدور اداء اغنيه بعينها

حسب طريقة اداء اصحابها

كما ان العيد علي الابواب وبعد دا الداير فرفور يفتش ليهو مش نلقهاهو قدامنا بعد الافطار مباشرة فيصاب المرء بعسر الهضم ويبحث عن

الحلول

ياتري ماذا سيحدث بعد العيد اما آن لهذا الظالم ان يترجل

[عبده مصطفي إبراهيم]

Originally Posted by ياسر مهدى

المعكرني الايام دي لبسة الوليدات البقت بي 100 ج يعني كان عندك اربعة بي اربعمائة دا غير الجزم والستائر والملايات والخبائز وتوب الحاجة وهلم جراء ياعبدو ماتشوف لي اخوك لوتري

100 جنية دي بالقديم ولا الجديد........يعني 100 جنية ولا 100 ألف بالقديم
نضربا ليك بي هنا علي اساس انها بالجديد
120 جنية بتعمل 1000
يعني لبستك دي بي 12 جنيه استرليني.
...........
في الحالة دي لوتري ما بحلك
خليك عكران كدا

[عبده مصطفي إبراهيم]

عليكم الله دي ما حاجة تعكر مزاج الزول..................مقال عن ديون السودان للبنك الدولي وهي ما يعادل اقل من 4% من الديون الكلية
يعني في ديون من الصين ومن الكويت ومن الواغ واغ
والبعكر صحي صحي ...شوفو تفاصيل ارجاع ديون البنك الدولي بس...البدأت من يوم 1 مايو السنة دي والحا تستمر لغاية ابريل 2037
والمغصة ...الكلام دا بالدولار
تفاصيل المقال بالراكوبة
ويا ياسر.....اشتري سريع...لانو 100 جنيهك دي..ما اظن تجيب ليك كيس ترمس...قريبا
والله يبعد عنكم المزاج العكران

[عوض خضر]

فعلا دا سبب يزيد العكره خاصه بالنسبه للمكويين بالنار

الحمد لله الذي جعل فرفور يغادرنا غير مأسوفا عليه

واتمني ان لايطل علينا في الحلقه الاخيره من اغاني واغاني لهذا العام

اما العام القادم كان الله مد في الايام

ساعتها لكل حادث حديث

اصلو لا في البرنامج ولافينا نحن ولافي فرفور

كان دا كلو ماحصل سنستعين علي الصوت المزعج بالصبر ومقاطعة البرنامج الجميل

ياتري ماذا وراء العيد وخصوصا ان الدولار الذي استجم قليلا بعد تسريبات اتفاق النفط مع الجنوب وقرض قطر

قد عاود التحليق بشكل جنوني

والله لي عندو امل يعود في موسم الامطار