|
|
05-13-2011, 02:02 PM | #1 | ||||||
زائر
|
فنانَي فطيس
بالرغم من قلة خبرتي في الفن وحداثة سني نسبيا فانني اتذكر شريف حسين واسرة المرحوم سيد احمد ( كمال - عماد - امير -جمال ) كلهم فنانين واصواتهم جميلة جدا وهنالك ايضا ( اسرة ناس جرجور ) اعتقد ان منهم فنانين كثيرين وهنالك احمد ( العياشي ) يقال ان صوتة كان كويس ايضا الطيب عبدالله الخضر يتميز بصوت جميل وكثيرين كانوا من قبلنا ياريت بعض الاخوة يذكرونا ليهم . لكن الان ماشايف اصوات في القرية تشدو وتغرد ولا ماجايب خبر ماعارف المهم الساحة الان تبدو خالية لا ادري لماذا ؟ |
||||||
05-13-2011, 03:24 PM | #2 | ||
الأخ ياسر.......كلامك في محلو بس....وأذكرك قبل كل هولاء كان الفنان المخضرم المعروف ب "ود التفرو" أما الان فحسب علمي هناك مجموعة..من الشباب...لهم مواهب مختلفة في هذا المجال...وتقوم بقعدات ممكن تقول عليها بروفات...حاولت الإستفادة من النادي لإجراء بعض النشاطات "ولا إعرف أين وصلت تلك المحاولات" الأخ أبوذر إبراهيم ممكن يجي هنا ويدينا نبذه عن هذه المجموعة لأنه عضو فعال فيها مخرج...: حداثة السن دي في كوتشن مارك وبعدين شنو يا ياسر انا برة متابع اكتر منك إغترابك الداخلي دا
|
|||
05-14-2011, 11:03 AM | #3 | ||||||
زائر
|
مع موجة الفن الطالعة دي وكل الناس تغني الحاصل شنو لناس فطيس واحد مالاقنوا يغني لينا ولا يدخل يعمل مداخلة ولا سطر واحد ؟ ولسع ياعبدو نحن ناس صغار سن وحديثي عهد بالحياة ويادوبك كم وعشرين سنة بس ؟ |
||||||
05-14-2011, 12:06 PM | #4 | ||||||||||
|
سلامات الا خ ياسر زي ماقال ليك السيد المدير هناك بالفعل مجموعه فنيه مكونه من مختلف الاعمار لديها (قعدات )زي مابقلو ولو جيت قريب الحله حانوصفم ليك بس ع فكره الناس ديل ماخدين الموضوع ده بس كهوايه وبرنامج ترفيهي ماكتر من كده ولو سالت منهم الاستاذ مبارك سلام - او الاستاذ عمر جرجور اكيد حايدلوك عليهم لانهم من الراعين لهؤلاء الشباب |
||||||||||
05-14-2011, 02:29 PM | #5 | ||||||||||
|
التحية لك أخي ياسر وأنت تهبش في حاجات فطيس ..... نشاط ....نشاط..... دائرة....دائرة..... شان .... شأن........ التحية لك مديرنا النحلة وأنت تتابع كل جديد في المنتدى...... وترد..... علي الكثير...... وبرؤية الخبير بما يحدث.... رغم بعد المكان......وإنشغال.... الناس بهمومهم الصغيرة .... والكبيرة...... ...................... الحقيقة الموضوع رائع....... (وجيتوني في خوري زي ما بيقولو)...... لعلاقتي بكل من له علاقة بهذا الجانب...... ودعوني أسمي الموضوع بأهل الطرب في قريتي......وحأمسك ليكم البلد فريق .... فريق....بدأنا في فرج الله أنا وأخي وصديق عمري عبد الخالق العوض.....مع الأستاذ عمر النعيم الضو إبن عم عبد الخالق..... عازف متميز للعود.... وكان أستاذ في المدرسة المتوسطة...... نمشي الي الداخل قليلاً وذكرتم شريف حسين.... وأنا أضيف عوض محمد خير...... ومحمد احمد إبراهيم( الدارس) صاحب الصوت المميز..... وشخصياً معجب جداً بصوته..... ولا ننسي حبيب الله وعامر..... في العزف علي الإيقاعات..... ومن الفلاته...... محمد آدم.....وعوض زكريا......والعازف بابكر......من الحلة..... أسرة آل جرجور......والاخ يوسف بشير البدوي في العزف علي الأورجن.....أحمد عياشة.....وود موسي في العزف علي الأورج...... الطيب مدحت..... ومهدي أحمد( ود دكيم) وكذلك تعجبني إمكانيات صوته.... وعيبه عدم الحفظ......آل سيد أحمد محمد صالح (عزفاً وآداءاً)......المرحوم عوض يوسف في العزف علي العود...... ولا ننسي العم أبو عاقلة سالم .. ربنا يشفيه من الوعكة.... واجر وعافية إنشاء الله وطهور...... علي آلة الكمان.......عبد المجيد خير الله (كرده)....صديق علي محمد حسن ريس...... من أقدم..... وأجمل الأصوات...... الفنان الرائع..... الأستاذ الخلوق/ عمر سعيد......مع العزف علي العود.... فالرجل ملئ بالإبداع...... له التحية أينما كان....محمد عبد الفضيل (ود الدفرو) ومجموعته فيصل كوري وحسن حبيب...كان في واحد إسمو احمد بس إسم ابوه رايح لي بين(إدريس....إبراهيم)..... من أولاد الكمبو..... توفي لرحمة مولاه....كان منافساً خطيراً لشريف حسين..... هادي الطبع.... خلوق.....ومتميز الآداء.....الأستاذ مبارك سلام غني عن التعريف..... (وسأترك مساحتة للأخ عوض خضر.... في بوسته.... شخصيات من بلدي..... وكذلك الأستاذ أبو عاقلة......والأستاذ عمر سعيد).....فكم تتلمذنا علي يديه كيفية الآداء.... بالنصح والإرشاد وتحمل الهفوات... وسعة الصدر.....ومن المغنيين منتصر هرون.....والسر اخيه في العزف علي الأورج والأوكورديون.....والأخوان عمار هرون..... علي.... مجدي محمد أحمد( الصعيليق).... الأمين محمد الأمين.....أبوذر الشايب....معاوية احمد ( أخو الدارس).....يعزف علي الأورج....... .......... المفاجأة...... ومن الشمارات الجديدة كرت علي الجيل الحديث..... وإمكن ناس كتار في المنتدي لا يعرفون هذه الحقيقة..... أن أمهر عازف هارمونيكا في كل المنطقة هو النور يوسف حجازي...... وأخي عبد العزيز حيث شاركا في الدورة المدرسية ووصل النور الي نهايات الدورة في مدني في العام 1980..... وكانت الأغنية..... ( أديني رضاك).... |
||||||||||
05-14-2011, 03:34 PM | #6 | ||||||||
|
اخونا اسخليوس ماشاء الله عليك فلترت الموضوع وافضيت بنا الي افاق ابعد الفنان الذي ذكرته رحمة الله عليه اسمه احمد ادريس الشهير باحمد دو ذكرت معلومات كثيره جديده علينا الله يديك العافيه |
||||||||
|
|
|