|
|
01-10-2012, 01:14 PM
|
#1 | ||||||
|
زائر
|
عبو لينا الويكاب في قزاز
الويكاب باللوبا اكلة جميلة ويوم الويكاب يوم عيد عديل .لكن للويكاب فوائد بلي الويكاب في مويه كتيرة وجيبي ليفة مسحي حلل الالمونيا وشوفي اللمعان والكبابي شاي ومويه الله شي عجيب ولو عندك جلابية او توب ابيض فيو صدأ افركي الصدأ بحجر ويكاب وشوفي الفرق حتي السيارة لو فيها صدأ ولو وسخ لاصق ما عليك إلا الويكاب وقابض الابواب في البيت امسحيها يخليها تبرق برق , السر في الرماد ودا معروف واماتنا وحبوباتنا كانوا يلمعوا العدة بالرماد , الزمن اطور والمنظفات متوفرة في اقرب دكان لكن كلها خطيرة شديد واستعمالها بحزر , الويكاب بفك الحيرة |
||||||
|
|
01-10-2012, 02:08 PM
|
#2 | ||||||||||||
|
المدير العام
|
أم محمد الله يديك العافية أعرف انو الويكاب مفيد صحيا... للحوامض لما بيه من قلويات والله اعلم
|
||||||||||||
|
|
|
01-11-2012, 10:59 AM
|
#3 | ||||||
|
زائر
|
ياربي البجلي العده دا يكون بعمل في المعده شنو اكيد بكويها |
||||||
|
|
|
01-11-2012, 11:29 AM
|
#4 | |||||||
|
زائر
|
Quote:
|
|||||||
|
|
|
01-12-2012, 09:51 AM
|
#5 | ||||||
|
زائر
|
والله ياجماعة نحن عندنا اكلات ومشروبات شعبية سودانية خالصة وانا دايما بسأل ربنا بقول انشالله الشعوب التانية دى ماتعرف عنها حاجة لانها لوتذوقتها وعرفت طريقة اعدادها ماظن يخلو لينا فيها شى ومنها الويكاب باللوبة وانا طبعا يومى الالقاهو فى الصفرة ماداير لى معاهو شى معلقة بس وهاك يالقف وبالمناسبة الويكاب مابخرب مهما قعد لانو نسبة بنزوات الصوديم فيهو عالى جدا وهى تعمل كمادة حافظة ..... وعندكم الحلو مر منتج يمكن ان ينافس الببسى بارتياح ودون منازع اذكر ونحن طلاب بالجامعة اقمنا اسبوع السودان الثقافى وعرضنا منتجات سودانية من ضمنها الحلو مر وزارنا دكتور ريئس قسم food tecnology اى التصنيع الغذائى فتذوق الحلو مر وصرح بانه من الذ المشروبات التى صادفته فى حياته وسألنا عن طريقة اعداده وقال ماالذى يمنع ان يسوق مثل المشروبات الغازية .... فهل من مستثمر ؟ |
||||||
|
|
 |
|
|
 |
 |
 |
Linear Mode
