ابق داخل ليجوه

محمد مختار محمد الامين · 03-13-2010, 10:34 AM

مرحب مرحب عليكم السلام والرحمة اتفضلو البيت بيتكم(ياولد جيب مويه بارده)
**شكلكم جاين من مشوار طويل كنتو فى منتدى الاخبار والسياسة والله شنو الايام دي داخلين علي انتخابان المرشحين كتار ماعارفين نرشح ليمنو زاتو.
**ماعلينا المره الجايه نترشح كلنا طلاب مزارعين اساتزه وستات الشاي زاتو نازلات في اتحاد المره العامله...
**نستازنكم شويه ونهبش بعض الاعضاء ممكن تكونو فيهم,,,
**في عضو بختار العناوين بطريقه تخليك غصبا عنك تقراء الموضوع التقول كان شقال في صحيفة الدار( ده بتاع لن اصلى)
التحيه ليهو,,,(خالد)
**(وتبداء رحلة البحث عن فرشة الاسنان في شروخات الحايط)ده كلام زي البصمه في الجنسيه ..ومرات زاتو من كترت المشاكل البتقوم بيها من الصباح مابتلقاها تمشي تجيب واحده غيرا..التحيه للاستاز الكبير.
***برقم من انو التكنولوجيا اتقدمت وبقت اجهزه الكمبيوتر زى البصل في السوق برضو في ناس( بدوتيوبليس) ماقعدين نشوفم(ديل خارج المنتدىوماجايبين للدنيا خبر)
***دقيقه دقيقه انتو ناس فريق ورا ديل حايقعدو يشرفوا لينا علي المباره دي ولاه حايلعبوامعانا والله نحنا جاهزين جايبين نوبه وراشين الحكم وموزعين حلاوه لجمهورونقلبم خمسه زى ماتقلب الهلال وانا مسجل جديد ولابس فنيله رقم 29 وقاصد الاعب المحترف الجابوه من الدوري الانجليزى الابس فنيله رقم (1).......
***عندنا سولين ليكم قبلي ماتمشو....
***السوال الاول ده ماعندو اجابه(كلكم بتعرفوا الفرضى لاكن اتحدى اى زول يكتب لي السيره الزاتيه ليهو..ده زى قصة فاطنة السمحه الاكله الغول؟؟؟؟؟؟
****السوال التانى؟؟؟القايمة بتاعة run لي اسبوع كايسه مالقيه ياربي تكون مشت وين المحطه الله اعلم ,الكور ام شجر وارد صراية وهيب احتمال والا يكون لما فيها تروجان كمل فهمه ,برقم انى محبسه ال AVG وموصى ليها Update لو نام يصحيه,ولايكون الAVG نازل انتخابات مع AL kasper حته لونازل انتخابات مفروض يتفقد بقية البرامج من اجل الدعايه الانتخابيه؟؟؟السوال ده لو مالقيتو ليه اجابه قشوه معاكم ناس منتدى التكنولوجيا...واول ماتعملواBack في بيوت جمبنا ممكن تلقوا فيهن حاجه تفرق الزهج.....طيب ياجماعه في رعاية الله وابقو زورونا؟؟؟؟؟؟؟؟؟؟؟؟؟؟؟؟؟؟؟ ؟؟

عوض خضر · 03-13-2010, 10:39 AM

واصل ياالمك راكوبتك مارقراق وحاتلقانا كل يوم في وشك ننجم ونختر

عبده مصطفي إبراهيم · 03-13-2010, 11:04 AM

رائع بأسلوبك السهل......

وانت لابس الفنيلة رقم 29 ولسه عدد المشاركات 2
اها ناس مايكروسفت اسو فيك شنو؟

وناس ورا جاهزين.....وبتاع الفنيلة رقم 1 بسأل الميدان نجلتو ولا لسه

احمد البدوي · 03-14-2010, 11:56 AM

محمد مختار كيف حالك تحياتنا للوالد والوالدة
امسك لينا حوته دا من ايدو وجيبو لينا داخل يجزيك الله خير ( دعاء كيزان وكده)

عارف عبد الرحمن · 03-14-2010, 02:42 PM

جرجيرة ياعسل ياخي عليك الله ازيك وكيف عامل وجد مشتاقين كميات خموم ....... أنت بتلتك في راكوبتك وتحنس فينا زي واحد نازل الانتخابات ومحنن دقنو .. قايلنا ما ناقشنك قوم فز والله شاربنك شراب القهوة عند فاطمة
لكن أقول ليك لو عايز تلعب كورة أنا قاعد أبقي ليك مدرب تكتيك ومأمون أخوي بتاع لياقة _ اريتك كان شفت كرشو _ وكمان مع الشنا ديك عامل ليهو صلعة شينة خلاص الله أكون في عونو..
المهم أنت كيف وأخبار الناس كيف بطلت الغني .. قالو لي بقيت تقوقي .. ابني عسك يادماري دسة دسة لمن بقت راكوبة ... لك التحايا والأشواق الجامدة

الطيب عبدالله · 03-14-2010, 07:57 PM

نحن هنا ابقو اطرونا وسلم لى على فاطنة

elamirhamdan · 03-14-2010, 11:04 PM

محمد مختار الزول الاخير من كبارو
كيف حال
عشان ترجع RUN
امش من قائمة ابدا \البرامج\البرامج الملحقه\ادوات النظام\استعادة النظام
Start \Programs\Accessories\System Tools\System Restore
اختار استعادة النظام لتاريخ سابق
ومنها اختار تاريخ قبل ما تحصل المشكلة قبل اسبوعين مثلا
والتالي
وانشا الله امورك تظبط
وكان ما ظبطت ارجع نديك الحل الاصعب شويه

خالد احمد محمد الحسن · 03-18-2010, 01:06 AM

اخ محمد كيف اخبارك بعدين الواحد يجي يكتب في صحيفة الدار (قصدك نشدك للموضوع ويكون بي عنوانه والباقي فشوش )
مشكور علي المرور

محمد مختار محمد الامين · 03-18-2010, 06:08 PM

ولله مالقصد ياخالد حبينا نمزح معاك شويه ونشوف ردة فعلك وهل انتا بتصل لحدى هنا . وانا من اكثر الناس البقرو مواضيعك لانها بالجد هادفه ومامجامله ليك والله ..وكنت متوقع منك تقولى منو فينا البشتغل في الدار انا ولا انتا