|
05-21-2012, 08:19 AM | #1 | ||||||
زائر
|
حجيتكم ما بجيتكم
حجيتكم ما بجيتكم ( الاخيرة دي دايرة ليها شرح ياعبدو ) خير الله جانا وجاكم اكل عشانا وعشاكم يا حليل ايامنا لما كنا صغار بنلعب بالتراب والغبشة كاتلانا ، الواحد لو ما مسحوا بالليل اصبح زي شوال الخيش وبعد ما تاخد ليك طرشة بزيت السمسم لو وجد واحجوك بي . يالطالع الشجرة جيب لي معاك بقرة تحلب تعشيني بي ملعقة صيني الملعقة انكسرت مشيت لي حبيب الله لقيت جمبوا حمام اخضر انقدلوا في سكر ياريتني لو ضقطوا حتي النبي زرتوا فاهمين حاجة ولا نطرحا كسؤال . وبعد ديك الطرشة والمسيحة وبقيت زي اولاد الناس اقموا افتشوا ليك كريعاتك واطلعوا ليك الشوك العالق معاك وكان في ضربة اعملوا ليها مس او حبة بنسلين واقتقتوك وهاك ياشخرة . وتصبحوا علي خير . |
||||||
05-21-2012, 08:57 AM | #2 | ||||||||
|
اخونا ياسر مهدي هههههههههههههه وانت من اهل الخير بس ياخي الحمام ولونو اخضر فيها دلاله عظيمه |
||||||||
05-21-2012, 04:17 PM | #3 | ||||||
زائر
|
الاخ ياسر سلام عليك ياخوي حبوباتنا زمان قالن الحجي بالنهار بعمي ونحنا عندنا عقاب نظر خلينا نداقش بيو شوف ليك طريقة بالليل بعد ما نشرب اللبن بس اختا لينا ( ود ام بعلووووووووووو) |
||||||
|
|
|