مساهمات فصل الكمبيوتر

[عبده مصطفي إبراهيم]

الذول الراقي مامون........كيف حالك
بالنسبة لتحويل المبلغ انا جاهز .....داير نحولا ليك في السعودية
ولااحولها علي السودان طوالي
ونشوف الباقين
معقولة بس ناس الرياض لسه؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟

[مأمون عبد الله النور]

عبده مصطفى
التحية ليك وللخواجية الجعلية وربنا يديك العافية
والله لو حولت هنا يكون أحسن -وعندك نزار معاه رقم الحساب وحول لي قبل كم يوم على الراجحي
فيارت يكون هنا علشان نرسل المبلغ كله مع بعضه
ناس الرياض نشفوا ريقي لكن وراهم والزمن طويل .... أنا بفضي ليهم بعد كده تب
ربنا يجعلها في ميزان الحسنات
وبرجع ليك تاني لو في العمر بقية

الاستاذ الفاضل /مأمون

بهديك سلام ماخد بياض لون القمر وكتين يكون كامل بدر ...
وريحة الزهر...
ونفس الدعاش قبل المطر..
واخر الكلام بعد السلام...
الشوق بحر
سدد الله خطاك فيما تسعى إليه ودمت للجميع

[مأمون عبد الله النور]

جنوبي الهوى : مين من تكون
لك أيضاً أشواقي وتحياتي من معين لا ينضب أبداً
الشكر لله أولا وأخيراً
بس ياريت الجماعة يساعدونا لدينا أفكار وأعمال كثيرة نتمنى القيام بها
لك مودتي وإحترامي
وعقب صادي

[مأمون عبد الله النور]

بسم الله الرحمن الرحيم
أخوتي الأفاضل
السلام عليكم ورحمة الله تعالى وبركاته
إتخيل لي اليوم ياجماعة الخير 3 في الشهر -وحسب ظني بأن الشباب مفروض يكونوا إجتمعوا الخميس الماضي
المهم إجتمعوا أم لم يجتمعوا الدنيا نهاية شهر والعالم صارفة بإذن الله فبرجاء إخوتي الأفاضل أن نكون عند حسن الآخرين ودعونا نعمل عمل لأول مرة نثبت فيه جمع كلمتنا وتوحدنا في شئ
الرجاء تحويل المبلغ الذي حدده أي شخص بينه وبين نفسه أو من خلال المجموعة
1- هناك مجموعة دخلت المنتدى لأول مرة خلال الشهر الماضي أتمنى أن يكون ظني في مكانه فيهم (عبد العزيز خير الله - عبد الله خير الله - عبد العزيز مساعد - وآخرون كثر ......)
2- هناك شباب أعلنوا تبرعهم ولم يصلنا منهم شئ (الباقر الأمين -عاطف - صديق حريش- يوسف سعد -الطيب شرف الدين - عبده -مبارك وووووو) القائمة السابقة
3- هناك مجموعة الدريس التي وعد أمير وعلاء الدين على صديق بسحب مبالغهم في نهاية هذا الشهر أتمنى أن يكونوا قد فعلوا ذلك
4- هناك مجموعة مازالت في الظل نتمنى خروجها للضوء حتى تشارك معنا ولو بالرأي
5- لا أريد أن أن أقول أن اليأس بدأ مرة أخرى يدب في نفسي ولكنى لأنني عاهدت بعض الإخوة بإن أمد حبل الصبر في هذا الأمر سأمده ولكنى أخاف عليه أن ينقطع فجأة
6- كل أعضاء المنتدى هم لجنة هذا الفصل ياشباب فلو لم نتوحد ونحرك الأخرين في عملية الدفع سيتوقف الأمر عند هذا الحد وسأقوم بإرجاع كل المبالغ التي بحوزتي لأصحابها وعفا الله عما سلف

وأخيرا أتمنى التوفيق للجميع

رقم الحساب
شركة الراجحي المصرفية -
مكة المكرمة -فرع الزاهر
حساب رقم 336608010100977

[عارف عبد الرحمن]

الاخ مأمون لك التحية ..أصبر علي الناس شوية .. لسه هم في أجتماع في الأستراحات وبيخططوا كيف ــــ بعد العشاء طبعاً ــــ وتكون البطون شبعت وداعب النعاس الرؤوس وبرجعوا الخميس البعدو عشان أفكروا .. يا ربي انتوا مسئولين من الخير مأمون دا قال شنو ؟؟ شايفنوا بقول تبرعات وكلام من الشكل دا .. تبرعات لشنو ياكابتن ؟؟

الاخوه الاعزاء .. مامون .. ابوعبدالرحمن .. عبده .. أمير .. وكل القائمين علي الامر

تحياتي لكم جميعا..

اخوتي مجرد رأي أولا الناس ديل فيهم جزء كبير غير مشترك في المنتدي وناس تانيه ما بمشوا الاستارحه خالص والبيمشي ( زي ما قال عارف) عشان كده أنا أقترح الآتي:

1/ تحديد 3 - 4 اشخاص يمرو علي الناس في الجمعيات يوم غدا الاحد 4/7/2010م
2 / يتم توكيل شخص معين في كل جمعيه لعمل الازم نسبة لاحتمال عدم وجود البعض، وذلك في فتره اقصاها الخميس 8/7/2010م
3/ تقوم اللجنه المكلفه بالمرور يوم الجمعه 9/7/2010م مرور نهائي ورفع تقرير من الموكل بالنتيجه النهائيه ورفعها بالمنتدي.

والله الموفق .. وانا جاهز أكون واحد من الاشخاص المعنين

وده زي ما قلت مجرد رائ ...

[مأمون عبد الله النور]

الأخ الباقر
أو أي واحد آخر
أولا لك التحية أخي وصديقي الباقر -ولك الشوق أكثره
أتمنى أنت أو غيرك أن يوكل نفسه ويجندها للف على أي مجموعة ويقوم بجمع الفلوس فهو عمل تطوعي أي فرد يمكن أن يقوم به وليس هناك من يرفض لك إن قمت بالف على الشباب
وجمع الفلوس ممن هم قريبون منك
وأتمنى أن تقوم بهذا الدور -وأن يقوم به كل من يجد في نفسه الوقت والإقناع للأخرين بأسرع وقت ممكن
ولك مودتي

[عبده مصطفي إبراهيم]

الأخ مامون.........مساك الله بالخير
ما مطنشك........المسأله كلها...المشوار للبنك وإنشالله
تتحول ليك قبل ما اسافر ماليزيا
ونتمني من ناس الرياض "الاغلبية" يتحركو شوية

الاخ مامون لك التحية

طبعا مشينا الاستراحة وعقبالكم كمان الحصل انو لمينا الشباب انا وامير رغم انه العدد ما كان كبير لظروف الانقطاع الا انهم وعدوا خيرا

وان شاء الله بس تظهر الرواتب نمر عليهم ونمدكم بما تجمع لدينا

لسه الليلة يوم 4 في الشهر يعني الرواتب بعد يوم 5 في الشهر وكان لمت لمت وان ما لمت جليكم وما ندمان