القاسم ابو ضراع والبلي

قبال عقدين من الزمان كانت اغلب الالعاب عند الاطفال البلي وكمبلت والسكوكية والرمة والحباسة وام بعيرة والرهو وشليل الي اخر الالعاب في تلك الازمان .
وكنا نحن في تلك الازمان نمارس هذة الالعاب وقد برع بعض الاشخاص في ممارسة العاب بعينها منهم علي سبيل المثال القاسم ود جدنا ابو ضراع فشوف عيني الزول دا كان عندو جالون مليان بلي وجردل ربعي مستف تب من البلي وكان لعبت معاهو بخرطك بخرطك بالذات لو لعبت معاهو طرة وكتابة ياخي الزول دا حاوي عديل كدا تقول ليهو طرة تلقاها كتابة وتقول كتابة تلقاها طرة الزول دا كان عفريت بس انا متحير لي هسي منوا خمسة دقائق بس وتقوم تتنفض ولا معاك الحبة دي من البلي وكمان امكن يدينك وتاني يخرطك .
غايتو السر عند الزول دا شنو ما عارف لي هسي شاطب راسي .
ولا يفوتني ان اشكرة علي اللحظات السعيدة القضيتها معة في حي النهضة بالسعودية فقد كان نعم الاخ فلة مني اجزل الشكر والتقدير والفين تحية .
ومنك ومن الكار .