اللجنة الشعبية ....أين هي؟

[عبده مصطفي إبراهيم]

*الخريف في فطيس دائما في الذاكرة...سحب وغيوم حايمة...خضرة تسر الناظرين وموية تايهه في الشوارع....إكثار من الشكر والحمد وإقلال من التضجر
*وهذا التضجر دائما ما نقف عنده خاصة عندما يكون متكرر ونتيجة إلي نقص في الحلول
*صورة الشباب وهم يلتفون حول طلمبة ضخ مياه الامطار..منظر يسر العين
ويبعث بشي من الإطمئنان بأن البلد محروس
*ولكن يبقي السؤال: كيف تعمل هذه المجموعة؟؟ هل هي مجهودات شخصية؟؟!
*وإن كان الظاهر كذلك..فأين البقية.
*الحديث عن قصور اللجنة الشعبية في كل ما يهم المواطن حديث فتر الناس من ترديده
*ماهي اللجنة الشعبية وماذا تعمل وكيف تعمل...وإن كان بها قصور فلماذا لا يتم التغير
*لماذا لا تقوم تكتلات شبابية تطرح اسئلة جريئة ..علي أرض الواقع...

[عبده مصطفي إبراهيم]

مداخلات الفيس بوك ......



Môhaméd إ½èzا’
مشكلة محتاجة وقفة كبيرة

•
Abdo Mustafa Ibrahim
وقفة كبيرة قدر كيف يا زيزو كيلو يعني؟؟؟؟..زيدنا من دلك شوية...

•
Môhaméd إ½èzا’
لو كانت بى الوزن حتكون سااهلة المشكلة حلها صعبة بى الذات فى موضوع انو اللجنة الشعبية ماعندها اى دور غير ف استخراج شهادات المواطنة طبعا عشان فيها دفع قروش

•
Sharief Ahmed
هسة انت يا محمد عبد اللة خلى الفصاحة امشى ااغطس فى الطين دا ومرق المويا دى بعدين تعال اعمل طوابير مع اللجناء الغاطس فى المويا دا منو ما عرفتو ود المكى والا منو

•
Sharief Ahmed
وانتى يا عبدو برضو طولتا من غطسة الطين دا اخر مرة متين هههههههه يلا انزل دخل يدك
22 hrs • Like
•
Abdo Mustafa Ibrahim
الأخ زيزو...ولماذا لا تسأل اللجنة ..هل هي محصنة ضد النقد ... وكيف ينحصر كل خدماتها علي استخراج شهادة مواطنة

•
Abdo Mustafa Ibrahim
الأخ شريف ... من حقك ان تتساءل عن الاشخاص ولكن يجب ان تكون هناك مساحة للظروف...ويبقي الغرض من البوست البحث عن لجنة أحد وظائفها تسخير طاقات كل الناس في خدمة المجتمع.

•
Sharief Ahmed
واللة يا ريت يا عبدو بس المشكلة اللجناء بقت بتعاين للشباب ومنتظرة منهم ونحنا منظرين دور اللجناء ودى التيجة غيتو ربنا اهون واغير الحال

•
Abuzar Elshaib
جيتكم جميله والله ياريت الناس كل مره تجيب حوار هادف زي ده ومواضيعكم دايره قعده عدييييييييل انا بجيكم صادي
اجابه لي سؤال الاخ شريف
الغاطس في المويه ده تقريبًا يوسف عبد الغني الجمصي

•
Sharief Ahmed
مرحب ابوزر وفقدناك قلنا الزول دا وين يا ناس الكامير بتاعتو اختفت الخريف عصر واللة

•
العاقب إبراهيم
لوكانت الامور بتحل بهذه الطريقه لما كانت هناك من مشكله اصلا!!! ولوكانت مجازبات الحديث من هنا وهنا لما كانت مشكلة السودان اعوص من مشكلة فلسطين الله يهديكم

•
Abuzar Elshaib
استاذي العاقب

هل في نظرك الناس تشوف العوج وتسكت ده الحل ؟

وهل لما الناس تشكر شباب زي ديل طلعو عشان البلد وناسا يكونو غلطو ؟

لولا الحوار والنقاش لما حلت اعوص المشاكل

دمت بخير

•
Abdo Mustafa Ibrahim
أخونا العاقب.....وجود الحل لكل مشكلة يبدأ بالأعتراف ان هناك مشكلة أولا... ولولا قناعتي أن هناك فجوة بين اللجنة الشعبية والعامة لما طرحتها كمشكلة....ولا أعتقد أن في كل التداخلات في زول طرح حلا إنما إجتهادات خرجت في شكل اسئلة مشروعة .. مدعومة بثناء لكل ذول في الصورة دي...

•
Galal Al Haseen
تشكر اخ عبدو على هذا الطرح .
من وجهه نظرى البسيطه ارى الحل ف حل اللجنه الشعبيه او الغائها تمام ان كان دورها استخراج شهاده مواطنه فقط لللجنه ادوار تتملص منها والحاصل اليوم دا ف فطيس من عدم مسأله اللجنه عن واجبها تجاه القريه نحن نعانى من مشاكل اساسيه حلها يتوقف على قيادات ان وجدت وجد الحل كهربا مويه تصريف نضافه رش حاجات تبدو بسيطه لكن فعليا ليست بسيطه وعلى الجميع طرح الحلول
رائى انا بداية الحل استجاوب اللجنه ومطالبتها بتاأديه دورها تجاه المواطن فان رضخت نلنا ما نصبو اليه وان لم حللناها او الغيناها ومارسنا نشاطنا شبابيا .

•
Abdo Mustafa Ibrahim
جلال شكرا علي المداخلة وهي الاولي التي تتجرأ وتحمل شيئا من الحلول... وانا اتفق معك في تقيم عمل اللجنة وما هي مهامها.. وماذا تقوم به... ولنبدا بالتعرف علي هذا الجسم ..من هم وما هي رؤيتهم للعمل العام

•
Galal Al Haseen
والله ياعبدو انا اخر لجنه بعرف ليها عمل ودور وهيبه كانت لجنه تضم استاذنا المغفور له باذن الله الهادى يوسف حجازى واستاذنا امد الله ف عمره السمانى الطاهر وبعض الاباء لهم جل الاحترام كانت تحسسك بالانتماء لبلدك والغيره عليها وطال صمتنا كتيرا لابد من تحريك الساكن لحل الموضوع دا

•
Abuzar Elshaib
اسعد الله صباحكم
بالتأكيد وضع يدنا علي الجرح نقطه مهمه نحو الامام
وياريت الناس تواصل النقاش واكيد بلفت انتباه الناس لي حقوقهم وواجبات اللجان تجاههم

•
Bashir Ahmed
اولا لا بد ان نحي هؤلاء الشباب.. وتانيا يا عبدو طبعاً انت اتمسخت بفطيس وهذه محمدةوليست بجديدة.. اخونا جلال اثار موضوع مهم.. وذكر شخصيات لهم وقعنا..واظن ما بادر به عين العقل.. فطيس هي منطقة صغيرة ومفروض انو ناسها اكونو احرص الناس علي نهضتهتا..بمعني آخر اللجنة الشعبية ليست بالمقرر بمصير عقول ناس متل ناسنا..من الواضح يا عبدو البوست يحمل عقول نيرة ومستنيرة و قادرة علي خلق التغيير من اجل الافضل..
فكرة اخونا جلال هي فكرة فطيس.. وكلنا نذكر شعار نادي فطيس.. ثقافي.. اجتماعي.. رياضي.
وكما ذكر الاخ عبدو فلتكن هناك فعاليات اخ جلال واكيد اي واحد من ناس الحلة بلتف حول الفكرة..

•
Abdo Mustafa Ibrahim
بشير يا كذن....بالرغم إنو جلال بدأ من من هناك...ولكن دائما نقف إحتراما كلما ذكرت هذه الأسماء....ونتمني أن يجي واحد يجيب اسماء اللجنة الحالية... وطالما انحصر شغلها في استخراج شهادة المواطنة ...معناتو ننسا مهامها...ونركز علي :: ليها كم سنة شغالا...وألية الأختيار...وطرق التحاور فيما بينها ومع المجتمع...وكيف تحاسب. واللعوج راي والعديل راي

•
Galal Al Haseen
اصابت فطيس لعنه عدم تقبل الاخر والمكابره ولا يا ولد كدا م صاح انقل ليكم اخر سيناريو لاجتماع اللجنه وكان به عدد كبير من الشباب ومعهم مساندين من اخوانا الاكبر وابائنا هسى لو عملتو كدا والناس الماسكين اللجنه ديل رفضوا يمسكوها البديل منو ماعندكم بديل عشان كدا خلوها.
كيف م عندنا بديل ؟؟؟؟ عندنا بس انتو ادونا فرصه نحن عايزين انتخاب بس م عايزين حاجه تانى قام شخص بمقام والدى فحدد 4 اشخاص انت للحى الفلانى وانت للحى الفلانى وانت والى الولايه واتنفضو الناس وقامو طيب يا شبابنا مالكم اتخاذلتو نحن عارفين انو حيحصل كدا لى م اعترضو مع حفظ المقامات وطالبتو بالتصويت بدلا من التزكيه ف للمصلحه العامه شان كبير اهم من علاقتى بعمى او خالى ان تعارضت مع مصلحه الجماعه علينا ان نحفظ المقامات ونطالبهم بواجبهم ليس بالامر الصعب ولكن التخاذل لايجب ان يكون بيننا .

•
Abdo Mustafa Ibrahim
الأخ جلال: ثقافة الديمقراطية البتقوم تحت ضل واقع شمولي بتكون طرقا
والطرقا بمعني البتصفق بعيد من إيقاع الأغنية
فعشان كدا الناس اتعودت علي الطريقة دي لكي يبدو ظاهر الأمر تكليف
ولكن الحقيقة تكتيف
فكيف لذول في لحظة يقوم ويختار أشخاص يتقبلهم الجميع
فهذا الرجل أما عبقري ولا السيناريو معد مسبقا
ولأننا نتدسي خلف الروابط الإجتماعية ...فتسود لغة (ما تقول بغم)
نرجع نقول هناك مساحة واسعة لتكتلات شبابية يمكن
أن تساهم في تغير الواقع...وياريت تجيبو لينا الأسامي عشان نتعرف علي اللجنة عن قرب.

من أجل فطيس
هلموا هلموا