جرد حساب الفضائيات السودانية في رمضان

[محمد ابراهيم احمد ابراهيم]

جرد حساب الفضائيات السودانية في رمضان

انقضى شهر الصيام وكانت كل القنوات الفضائية العاملة بالبلاد قد حاولت فيه تقديم ما يرضي مشاهديها من برامج وسهرات ومسلسلات مستوردة، غير أان استطلاعا أجرته (الأهرام اليوم) علي شريحة من الشباب من الجنسين والأمهات والآباء كشف أن برنامج (أغاني وأغاني) على قناة النيل الأزرق ظل محافظاً على تصدره لأعلى نسبة مشاهدة بالداخل والخارج رغم تدخل الجهات الرسمية وتعديلها لزمن بثه إلى الحادية عشرة ليلا وفي ذات القناة اعجب الجمهور ببرنامج (دوبلاج بمزاااج) الكوميدي فيما لم يجد البرنامج الساخر (بيت الكل) الرضا من الجمهور ووصفوه بـ(الفطير).
وعلى قناة زول سطع برنامج (ريحة البن) حسب إفادات الجمهور الذين قالوا إنه أتاح الفرصة للعديد من الشعراء الشباب والمبتدئين في تحسين شعرهم من خلال متابعة تجارب الشعراء الشباب الناضجين الذين أثروا البرنامج لشهر كامل وطالبوا باستمراره إلى ما بعد رمضان واعتبروه حسنة قناة زول (الوحيدة).
في قناة الشروق وجد برنامج (مع محمود) التقدير من جموع المستطلعين وقالوا إنه حظي بمشاهدة عالية لما به من إعداد جيد وإخراج ممتاز، دون أن يتأثر بجماهيرية محمود عبدالعزيز وجاء بعده على ذات القناة برنامج (أعز الناس) الذي جمع الموسيقار محمد وردي والشاعر إسحق الحلنقي، فيما تقدمت الشروق درامياً بسلسلة حكايات سودانية التى قدمت خلالها دراما سودانية حقيقية بتوقيع المخرج قاسم أبوزيد.
التلفزيون القومي قال الجمهور المستطلع إنه أعاد مسلسلي دكين وسكة الخطر دون أن يفكر في الإنتاج الجديد والمسلسلان سبق لهما أن نالا أعلى نسبة مشاهدة في السايق ولكن الجمهور المستهدف قال لـ(الأهرام اليوم) الجديد شديد.
وفى القومي أيضاً قلل المستطلعون من مقدرة برنامج الكاميرا الخفية للفنان ربيع طه على المنافسة خاصة بعد عرض قناة النيل الأزرق لكاميرا خفية مستوردة من مصر بمواصفات عالمية غاية في الإضحاك.
أما هارموني فقد جنت على نفسها باتخاذها القمر الاصطناعي عربسات منبراً لها فلم يشاهد برامجها جل أهل السودان الذين قال بعضهم لـ(الأهرام اليوم) إن القناة أرادت أن تكون (ظاهرة وما ظاهرة) لشيء في نفس مديرها المخرج معتصم الجعيلي وأن ابرز برامجها كان بنات حواء من تقديم الكاتبة الصحافية أم وضاح.
وفي قناة قوون التي تقدمت كثيرا قال الجمهور إنها تميزت بالكاميرا الخفية والسهرات الغنائية لكن ما يميزها انها تعرض البرامج الرياضية والمباريات المحلية والعالمية وهذا ما يطلبونه منها بالتحديد ورغم ذلك قدمت قوون برامج غنائية جاذبة خلال شهر رمضان بالاضافة للبرنامج الدرامي (زاوية مشاترة) الذي نال الجماهيرية المطلقة لاعتماده السخرية منهجا، حسب قولهم.
من جانبها وجدت قناة أمدرمان موطئ قدم لها رغم حداثة سنها واصبحت قناة للصفوة حسب رأي غالب الجمهور الذي استطلعته (الأهرام اليوم)، وزادوا ان حسين خوجلي اضاف للقناة الكثير وأنها تأتي بالمطربين الرواد الذين يحبهم الجمهور اصلاً وسر تميزها غنائيا.
وإذاعياً اكد الجممهور ان الاذاعة السودانية واذاعاتها المتخصصة قد نالت التقدير خاصة اذاعة السلام ومن ثم تأتي بقية الاذاعات الخاصة الاخرى.
ولم يقل الجمهور شيئا يذكر عن قناة الخرطوم التجريبية فيما وصف قناتي ساهور وطيبة بفاكهة الصيام.
وكان عدد من المستطلعين قد اكدوا بأن سخونة الاحداث السياسية في ليبيا، سوريا، مصر واليمن قد شغلتهم عن متابعة العديد من البرامج الشيقة الرمضانية والانقطاع لساعات طويلة لمتابعة القنوات الاخبارية المختصة.

والجدير بالذكر ان قناة هارموني غادرت التردد10810 أفقي27500 عربسات بدر5 الباقة السودانية

منذ أيام وتحولت الى شاشة ألوان Test

[عارف عبد الرحمن]

د.عادل الصادق المكى - الباب البجيب الريح‏
عيـــد الدلاليـك
.من د.عادل الصادق المكى - الباب البجيب الريح في 03 سبتمبر، 2011‏، الساعة 11:53 مساءً‏‏.
زيي وزي اي مواطن سوداني.... العيد وهدوم العيد شالت الوارهو والقدامو.... وبقى حبيس البيت... خاتي علبة الحلاوة وشيالة الكعك قدامو وحارسها يجي زول يبارك العيد... ويشيل منها ويمشي... وارجع اشيل الريموت..واقعد اعاين للقنوات السودانية... غايتو السنة دي ناس القنوات نبحو الدلوكة نبيح شديد وشالو حسها.:-

-..... في قناة امدرمان نادية عثمان مختار وسمية حسن جابن دلوكتن...ومعاهن شيالات... لكن بصراحة يا سمية دلوكتكن انتي وبناتك مطرطرة... ودايرة تتحمس في النار شوية.... ناس امدرمان ديل ..خلاص طفو نارهم واللا شنو؟....

-افوت ناس امدرمان امشي علي قناة قوون القى الجقر جايب دلوكتو برضو..وجايب معاهو دلوكيات... واحدة فيهن.لابسة ليها خاتم قندول عيش في اصبع ايدها العيسرا من الله خلقني ما شفت لي خاتم قدر دا... وتهبد في الدلوكة... دق الدلوكة وهبدها ما هاميني كتير مع اني متعاطف معاها.... قعدت اعاين في النصيبة الزي الكعكول اللابساها المرا في اصبعها.... وبصراحة شلت هم لي اي زول تنشبك فيهو... اقل نضم بُنية في نخرتو ويرعف ودمو يصفا....

_ ناس النيل اللزرق برضو ..دلاليك وهيصة... لكن بصراحة كدي وصلاتي علي النبي وعيني باردة...ما لاقتني دقاقة دلوكة ضعيفة في القنوات دي كلها....كل واحدة تقول للتانية زحي غادي.... ما بعرفن دخلن من خشم باب التلفزيون كيفن؟ يكونو اتناولهن بالحيطة؟.... الواحدة فيهن مليانة دهب وكوليسترول ومالية الشاشة...ولما البرنامج ينتهي..التلفزيون يشهود ويقول( لا اله الا الله محمد رسول الله النسوان ما قطعن ضهري.... آآآآآآح الحمد لله! هم ونزل)...

_ ما زال مقدمي البرامج مصريّن يجو بي عكاكيزهم و يقابلونا.... تلفزبون الخرتوم.... اول مرة اشاهدو واشاهد فيهو برنامج ، مقدم البرنامج وضيفو كل واحد بي عكازو... مقدم البرنامج ما شايل عصاية كريزة لزوم القيافة ..لا..لا شايل ليهو عود راسو عديل كدي( جار عودو)....والله لما شفتو قلت يا ربي الاستديو دا دخلو كلب والزول دا شال عودو دا عليهو ..وسكاهو؟.... انا ما عارف ناس الهدف الفي خشم باب التلفزيون ديل بيخلو الناس دي تدخل بي عكاكيزها كيفن؟... المحيرني ترباس ما عندو عكاز.... حقو يسعى ليهو عكاز ويغني لينا(انت المهم...و حرم الناس جميع ما بهموني....وان كترتا قللتا انت زاااااااتك ما بتهمني..هيع).......!!

_ ولد سيد خليفة برضو جا واحدة من القنوات دي لافح عودو ويبشتن في غنا ابوهو....وبعدين دقو للعود كعب واشتر...كدي يا ولدي اديني اضانك دايرك في نضم سر:- انت يا ولدي ما سمعت بي بر الوالدين؟.... عليك الله بر ابوك دا، وما تغني ليهو تاني... سمح؟؟؟

قفل الباب:-



لّما رأيتُ الوردَ في خديكِ

وشقائق النعمانِ في شفتيكِ

ونشقتُ من فوديكِ ندّاً عاطراً

لما مشتْ كفاكِ في فوديكِ

وسمعتُ حولكِ همسَ أرواحِ الصبا

عند الصباحِ تهزُّ من عطفيكِ

أيقنتُ أنَّكِ جنةٌ خلاَّبةٌ

فحننتُ من بعدِ المشيبِ إليكِ


منقول جداً جداً