|
|
03-09-2012, 06:45 PM
|
#1 | ||||||
|
زائر
|
مكتب ام محمد لخدمات الزواج
بسم الله الرحمن الرحيم بأ سم الحضارة والتطور وبعد التفكير والتدبير ولزووم البزنس قررت أم محمد فتح مكتب لها في فطيس لخدمات الزواج . زمان كان يتم في بعض الاحيان بواسطة الخطابة ولا الدلالية ولا المشاطة لكن الزمن اتطور قنا نسوي مكتب , والموضوع سهل وبسيط كل ما عليك هو دفع الرسوم وهي ( 50 جنيه) فقط ولو داير تدفع بالدولار عادي ودي المطلوب , وبعدين يرجي منك ملئ الاستمارة بالتفاصيل المطلوبة والموصفات , ولازم تكتب تفاصيل عنك وتترك صورك وارقام الهواتف . شايفة الاغلبية متزوجين مافي مشكلة نحنا قصدنا نخدم الشباب لكن لو في زبائن دايرين زوجة تانية ولا حتي رابعة مافي مشكلة . وماتقولوا عيب والشئ دي جديد على المجتمع مكتبي دي رسمي بتصريح من وزارة الشؤون الاجتماعية يعني الحكومة موافقة . المكتب دي فتحتو قنا نقلد العالم قلدناه في كل شئ الا مكاتب طلبات الزواج , ونجرب نبيع للشباب الوهم والخداع ونلقي لينا قرشين , . ملاحظة. لا توجد لدينا اي ضما نات للسرية يعني عادي ممكن تلقي صورك وارقام هاتفك عند اي زول بدفع أكثر عشان مشروعي ما يخسر لازم اشوف لي قرار الزامي يمنع بناتنا من الخروج من البيت الا وهن لابسات خيمة مش عباية . ودي رقم التلفون ********* |
||||||
|
|
03-09-2012, 06:57 PM
|
#2 | ||||||||||||
|
المدير العام
|
أم محمد الله يجازي محنك.... داير تباري ناسنا ديل لفت إنتباهي قبل فترة إعلان... بقيام ...تجمع باحثي الزواج من الجالية المسلمة هنا وعرفت إنه يتوجهه إليه الأغلبية من الجاليات الباكستانية والهندية والطريقة تتم بمرور الواحدة علي كم شاب في ذلك اليوم بطريقة مراقبة عن بعد حقو تعملي ليك حاجة ذي دي بعد داك تبقي في موضوع التلفونات مخرج: تلفونك دا .... بقول لا يمكن الوصول اليه حاليا
|
||||||||||||
|
|
|
03-10-2012, 07:01 AM
|
#3 | |||||||
|
زائر
|
Quote:
مبروك المكتب وإن شاء الله البداية تكون بأبو محمد عموما مشكورة على إستدراجنا من الرتابة للفكاهة وهذا شئ مطلوب مع الغم والهم الذي نعيشه هذه الأيام. لكن تعملي حسابك البتجيها مصيبة من الله وزوجها يتزوج عليها في هذه الأيام فأنت المتهمة الأولى وبعدين العوا بتقع. وبعدين الأيام ديل كلمتك وشورتك مسموعة بين طالبات الزواج لأن سيد الرايحة فتح خشم البقرة.وبعدين ديل ما بعرفن المزاح وأستعدي من بكرة كيف أصبحت وكيف أمسيتي وكيف حالة محمد . المهم الموضوع بصبح جد وشيلي شيلتك.وكمان لو في واحدة طلقوها الأيام ديل أمانة ما تشوفي شوف غايتو فتحتي ليك طاقة يصعب سدها وهذا هو ربيع أم محمد الذي أصبح بديلا للربيع العربي الذي كنا في إنتظاره. شكرا أم محمد فقد خففت عنا وطأة الأيام. |
|||||||
|
|
|
03-10-2012, 10:37 AM
|
#4 | ||||||
|
زائر
|
هههههه والله بالغت فيهو المكتب دا ياام محمد.مع اننى اثق تماما انك لم تطرحى الموضوع من باب التسليه والفكاهه وانما لاستنكارك للفكره نفسها وكيف ان الحكومه ووزارة الشؤؤن الاجتماعيه توافق على وجود مثل هذه المكاتب. مع العلم انها فعلا موجوده فى الخرطوم واغلب الذين يديرونها اجانب . همسه: بس ياام محمد المتزوجين ديل ماكان تهبشيهم كان تخليك مع العزابه بس |
||||||
|
|
|
03-10-2012, 10:42 AM
|
#5 | ||||||||||
|
لك التحية أم محمد الفكرة صائبة وكمان مربحة ولك حق الملكية الفكرية لأنك صاحبة الفكرة .. بالمناسبة قبل يومين كنا بنتونس وجابوا سيرة واحد متزوج وتزوج واحدة عندها شوية قريشات ولما المرأة الاول عرفت قال ليها عاوزين نحسن وضعنا .. قمت قلت للولية أيه رأيك نفتش لينا تحسين وضع قالت لي منو البترضي براجل مرا قمت قلت ليها أم محمد فتحت مكتب تزويج ـــ علي وزن مكتب أستقدام ــ قالت لي التقدر أم محمد والله ألا أمعط شعيراتا .. شيلي شيلتك أستحملي كلها كم معيطة والأمور بتسلك معاك .. لك التحية
|
||||||||||
|
|
|
03-10-2012, 02:42 PM
|
#6 | ||||||
|
زائر
|
بعد التحية والاحترام الاخ عبده لك التحية : لانو حسينا انو الاخ عندو النية من كتر الاتصالات والخطوط مشغولة قررننا اضافة وسائل اتصال جديدة وهي الايميل وهو********* والفيس والفاكس رقمه******** وكمان لقينا التلفون بياخذ زمن من كتر التردد في الكلام والمبررات خليها رسالة احسن . الاخ بكري لك التحية : ندخل في الموضوع علي طول بخصوص ابو محمد ضايرتو ليك تب خليتو ليك احسب في الدولارات لما عيونو خلاص كان جات قدامو لميس اشوفها ام محمد ديل القروش تشوف العجب. اما العوا والطلاق , نحن مع الاغتراب ما قاعدين في هولا لا طلاق ولا عيشة معدوولة , بالله عليك منتظر ربيع في السودان انت ما سمعت البشير قال : نحنا ربيعنا جي قبل 20 سنة يعني نحن اول الناس بالثورات ونحن الان عايشين في الربيع لسة. الأخت رهف بعد التحية : ايه رايك لو فاضية محتاجين موظفين عشان المشروع كبر شوية المثل قال جحا اولي بلحم تورو اجانب شنو اشوفو صورنا كمان. اما المتزوجين ديل كيف اخليهم في حالهم وانا عندي طلبات البنات كتيرة شديد . الاخ عارف لك التحية: الولية دي خليها علي قايلة الموضوع سايب هي ما شايفة البودي جارد خليها تجي وتشوف , ونزيدها من الشعر بيت المشروع ماشي معاي كويس خلي اسوي رأس مال بس وبكرة عينك تشوف ام محمد في تركيا ولا دبي رخصة تجارية ونجيب ليهم ديك يا الشيلة الما وسخ , بخصوص المكتب عندو تذكير نسبة ومراعاة للجماعة الما سجلوا في خصم لمدة محدودة للمتزوجين فقط10في المئة لان جربنا العزاب ما شاءالله بدفعوا طوالي , بعد دا خوف من الفلوس مافي حجة الا ا لخوف من شئ تاني مخرج راعوا في الطلبات فارق السن يعني ما يكون واحد عمرو 50وداير ليهو 18 سنة دي خط احمر |
||||||
|
|
|
03-10-2012, 09:21 PM
|
#7 | ||||||||||
|
خلاص يا ام محمد وام رهف اتفقتوا وعاوزين تجوطوها؟ غايتو يا عارف كان سمعتو كلامهم بيغتسو حجركم اخير تتاوقو وتتطلعو بس من غير احم ولا بغم والبيعمل لايك غايتو دقس. النسوان ديل الظاهر قالن كلامن دا لانو في واحده جات للتانيه ولما مقدماها قالتو ليها بره البيت جنب الباب اخير تعملو حسابكم . غايتو الزول لما يجي يعملها يقوم يعملها تحت تحت والمكتب دا خليهم يعملو تحويل رصيد وللا كشك جرايد .بين قوسين السيد المدير العام اعمل فيها الموضوع دا ما قريتو وللا اعمل فيها رايح ماتقوم تجينا كتاحه كمان لكن كان جينا للنصيحه البنات كتار في اي مكان الا المنتدي بتاعنا دا وللا شنو يوم كنا في المستشفي قاعدين في المكتب معاي زميلي ومعانا 12 دكتوره من النوع المفروض يسجلو عند ام محمد طوالي وكلنا شغالين في وحده واحده وقامت جات علينا دكتوره داخله طوالي الاخصائيه ربنا يطراها بالخيرد.فاطمه فرحوهي انسانه ذات روح خفيفه سالتها انتي منو ودايره شنو قامت قالت ليها انا فلانه وجيت لي فلانه من زميلاتنا الفي المكتب قامت كوركت فيهاطوالي هم 12 واحده ومعاهم اتنين جايه تزيدهم كمان يللا امشي بعيد بلاش كلام فارغ معاك علي العموم عشان ما تقولو الزول دا ما معانا انا عندي اقتراح اي زول يجيب زول يسجل يكون عندو نسبه في الارباح وكل ما الزول الجبتو جاب برضو زول نسبتك تتضاعف في حاجه زمان كانت زي دي بيغشو بيها الناس ما عارف لسه شغاله وللا انتهت المهم البزوغ عليهو غرامه وغايتو ربك يسهلها وشكرا علي الاريحيه دي يا ام محمد ولو في زول ما فهم قصدكم قول ليهو اقري التوقيع بتاع ام رهف مع التحيه
|
||||||||||
|
|
|
03-10-2012, 09:51 PM
|
#8 | ||||||
|
زائر
|
مشكور الاخ د: هيثم علي كلامك لكن لو سمحت ماطفش لي الذباين وانت خلاص بعد جيت المكتب الفاس وقع في الرأس ومافي حل الدخل كلو ما مرق ساي , ديل شافوا الصور بقوا كل يوم معانا. بعد دا الكتاحة شالتك تب |
||||||
|
|
|
03-11-2012, 06:48 AM
|
#9 | |||||||
|
زائر
|
Quote:
|
|||||||
|
|
|
03-11-2012, 06:59 AM
|
#10 | |||||||
|
زائر
|
Quote:
مخرج: انا اتمنيت ام محمد تكون طرحت الموضوع من باب انو فعلا ظاهره دخيله على مجتماعاتنا السودانيه .وظاهره شاذه جدا وانها ستكون سببا فى تفشى حالات الطلاق والتعدد فى الزيجات والزواج العرفى وياريت لو بتؤدى الغرض بشكل صحيح لان كل الزيجات التى تتم عن طريق مثل هذه المكاتب ستبؤء بالفشل الزريع. |
|||||||
|
|
 |
|
|
 |
 |
 |
Linear Mode
