عسل سوداني

[صادق محمد عوض]

يا ياقوتة الحضرى الحضارمى زبونك
عازة وغالية طلعن فى التريا تمونك
عالية ارداف ضامرة هاف وقارن نونك
انكال بالجمال لامن دفق ماعونك

[صادق محمد عوض]

يا عبدو يا اخوي النم ده نحنا اسيادو
وات في النم قديم وانطبقن عليك اعيادو
القطع اخدر جديد علينا القبيل ما زادو
خليها المكاجرة في النم زي الديوك واتعادو
رقمك بندورو رسلو فات الاوان ميعادو

[عبدالمنعم]

واحديــن غـير نفيــلة ممكنين هــدّاَمُهم
قطعوا التّبه والزول أب عوارض لامهُم
اندرجـــوا الصناديد والضريـــر قِدَّامهُم
نووا العوده للماسكات عِــــــداد أيَّامهم

[صادق محمد عوض]

جَنْ يتْمَايسَنْ والقِدْيمْ مَرْبُوتْ

أرْدَافنْ والحُلَلْ فِى نَف وثبُوتْ

زَاوَرَنْ الضَّريحْ اللَّيهُ النَّفَلْ مَثْبُوتْ

وبَيهُ تَلاثَمَنْ يَا لَيْتنِى نا التَّابُوتْ

[moawiah ahmed salim]

ســـلمى ســـليـــلة الـــسمـــحات ســـبانى ســناهــا
ســامى ســمؤهــا اسـمى مـن الـسمـاك فى سـماهـا
ســـبحــانــو الــسمــيع الــبى الــسمــاحة كــساهــا
ســـلتـــنى ام ســـماح يـــاســـادة قــاسى انــساهــا

[عبدالمنعم]

مريخنا الحبيب الليلة جابلو كــلام
موفور القيم رامي الخطى قــــــدام
لي يوم 10 عدّ العدة وكلو تمـــــام
غايتو النصر باذن الواحد العــــلام

[عبدالمنعم]

يوم عشرة الهلال حيشوف نجوم الليـل
مريخ السرور .. أصبح صعب بالحيـــل
حالفين باليمين .. يورو الجماعة الويل
وفي اللفة الأخيره .. دائماً تبان الخيــل

[Amhar]

[gdwl]أبشر بالحيل[/gdwl]

خـــوفي الـــهلال يسوى القــــديـــمه قبـــيل
ويـخـــلي الوصـــيف يمسك دريــــبو عديل
بي واحد ولا اتنين ماهــــن كــتار بالحـــيل
أصلك وصيف وسيد البلد دائما معاهو هزيل
ويوم 10 بتكبرو اللفه وتكبو الجرسه عديل

الليلة الهلال ما عاجبو كترالكلام العابو

لاميها الهزيمة للوصيف الصغار انيابو

شايلو النزر لابد من يعيد امجادو

يخليهن الوصيفات يتمسحن برمادو

ويوم 10 ماهو بعيدعلي الماسك حسابو

بنشوف البغيب من المنتدي واحبابو