|
|
12-16-2010, 03:58 AM
|
#35 | ||||||||||||
|
المشرف العام
|
00 وا شوقاً على بلدى00 ....................... وا شوقاً ... على بلدى... شوق زولاً ولوف بكاى.. حليل يا ناس ... دعاش حلتنا... يغشانى.. عشان الشوق.. هلكنى براى.. طريت الدار بشارة خير مع أم بشار وبرق.. ليلاً لمحتو بعيد شلع.... ضواى.. وهاك يا خير... وكت ما تمطر الضحوية.. وتسقى واطاتنا.. بى حنية... بحس بالخير معدى علينا... ساير جاى.. دخن قايم ... معاه سنابل الماريق.. و داك الفول.. متلخبط بالويكة... و اللصيق... يمجد فوق عظمة الخالق... السواى... وا شوقاً على بلدى... شوق زولاً ولوف.... بكاى... ديار القرعة.. والمفراكة... والحكامة و الهداى.... ديار الشورى... والنقارة والمردوم... وحس جرارى طول الليل علينا يحوم... وا شوقاً على بلدى... شوق زولاً ولوف بكاى.. حليل يمة..!! ختت إيدا فوق راسى.. و قالت لى تعال يا غالى قرب جاى.. بدور فى الخطبة.. السمحة بت الناس... أزغرد ليك وأسوى الفوت.. و أتم الفرحة بيك يا عشاى.. قت ليها.. سمح يمة،، عشان خاطرك عشان خاطر قليب هواى.. أصلو السمحة يا يمة.. جدى ريلاً... بقدل جوه فى جواى.. و من يومى بدور السمحة تبقى معاى... تقولا معاى... أشوف فى السمحة ضل بيتنا وغناوى الليل.. أشوف السربة.. والمرحال أشوف أهلى.. البحزمو الشيل... وا شوقاً على بلدى ... شوق زولاً ولوف بكاى وا شوقاً على بلدى.. شوق زولاً ولوف بكاى.. ................(عبدالله إسماعيل)....................
|
||||||||||||
|
|
|
 |
 |
 |
Threaded Mode